ਯੂਕੇ : ਸਾਬਕਾ ਗ੍ਰਹਿ ਸਕੱਤਰ ਪ੍ਰੀਤੀ ਪਟੇਲ ਨੂੰ ਧਮਕੀ ਪੱਤਰ ਭੇਜਣ ਦੇ ਦੋਸ਼ ''ਚ NHS ਵਰਕਰ ਨੂੰ ਜੇਲ੍ਹ

ਲੰਡਨ (ਏਜੰਸੀ): ਨੈਸ਼ਨਲ ਹੈਲਥ ਸਰਵਿਸ (ਐਨਐਚਐਸ) ਦੇ ਇੱਕ ਕਰਮਚਾਰੀ ਨੂੰ ਇੱਕ ਪੱਤਰ ਵਿੱਚ ਭਾਰਤੀ ਮੂਲ ਦੀ ਸਾਬਕਾ ਗ੍ਰਹਿ ਸਕੱਤਰ ਪ੍ਰੀਤੀ ਪਟੇਲ ਨੂੰ "ਟੁਕੜੇ" ਕਰਨ ਦੀ ਧਮਕੀ ਦੇਣ ਅਤੇ ਦੁਰਵਿਵਹਾਰ ਕਰਨ ਦੇ ਦੋਸ਼ ਵਿੱਚ ਪੰਜ ਮਹੀਨਿਆਂ ਲਈ ਜੇਲ ਦੀ ਸਜ਼ਾ ਸੁਣਾਈ ਗਈ। ਇੱਕ ਮੀਡੀਆ ਰਿਪੋਰਟ ਵਿੱਚ ਇਹ ਜਾਣਕਾਰੀ ਦਿੱਤੀ ਗਈ। ਈਵਨਿੰਗ ਸਟੈਂਡਰਡ ਅਖ਼ਬਾਰ ਨੇ ਰਿਪੋਰਟ ਦਿੱਤੀ ਕਿ ਹੈਕਨੀ ਦੇ 65 ਸਾਲਾ ਪੂਨੀਰਾਜ ਕਨਾਕੀਆ ਨੇ ਜਨਵਰੀ 2022 ਵਿੱਚ ਇਕ ਪੱਤਰ ਭੇਜਿਆ ਸੀ ਜਦੋਂ ਪਟੇਲ ਬੋਰਿਸ ਜਾਨਸਨ ਦੀ ਸਰਕਾਰ ਵਿੱਚ ਗ੍ਰਹਿ ਦਫਤਰ ਵਿੱਚ ਇੰਚਾਰਜ ਸੀ।

ਪੱਤਰ ਵਿਚ ਦਿੱਤੀ ਧਮਕੀ

ਕਨਾਕੀਆ ਨੇ ਚਿੱਠੀ ਨੂੰ "ਨਿੱਜੀ" ਵਜੋਂ ਚਿੰਨ੍ਹਿਤ ਕੀਤਾ ਅਤੇ ਉਸ ਨੂੰ ਉਮੀਦ ਸੀ ਕਿ ਪਟੇਲ ਇਸ ਨੂੰ ਖੁਦ ਖੋਲ੍ਹੇਗੀ ਪਰ ਸੁਰੱਖਿਆ ਕਰਮਚਾਰੀਆਂ ਦੁਆਰਾ ਉਸਦੇ ਕੋਲ ਪਹੁੰਚਣ ਤੋਂ ਪਹਿਲਾਂ ਇਸ ਨੂੰ ਰੋਕ ਲਿਆ ਗਿਆ ਸੀ। ਕਨਾਕੀਆ ਨੇ ਪਟੇਲ ਨੂੰ ਗਾਲ੍ਹਾਂ ਕੱਢਦੇ ਹੋਏ ਪੱਤਰ ਵਿੱਚ ਲਿਖਿਆ-"ਤੁਹਾਡਾ ਸਮਾਂ ਖ਼ਤਮ ਹੋਣ ਜਾ ਰਿਹਾ ਹੈ - ਤਿਆਰ ਰਹੋ ਅਸੀਂ ਤੁਹਾਨੂੰ ਮਿਲਾਂਗੇ,"। ਉਸ ਨੇ ਟੁਕੜੇ-ਟੁਕੜੇ ਕਰਨ” ਦੀ ਧਮਕੀ ਦਿੰਦਿਆ ਲਿਖਿਆ-“ਜੇ ਅਸੀਂ ਤੁਹਾਨੂੰ ਨਹੀਂ ਮਿਲ ਪਾਉਂਦੇ, ਤਾਂ ਅਸੀਂ ਇੰਤਜ਼ਾਰ ਕਰਾਂਗੇ ਅਤੇ ਹੋਰ ਉਡੀਕ ਕਰਾਂਗੇ,”। ਰਿਪੋਰਟ ਵਿਚ ਕਿਹਾ ਗਿਆ ਕਿ ਸਰਕਾਰੀ ਵਕੀਲ ਡੇਵਿਡ ਬਰਨਜ਼ ਨੇ ਕਿਹਾ ਕਿ ਪੱਤਰ ਪਟੇਲ ਅਤੇ ਜਾਨਸਨ ਵਿਚਕਾਰ ਸੈਕਸ ਬਾਰੇ ਕਈ ਤਰ੍ਹਾਂ ਦੇ ਅਸ਼ਲੀਲ ਸੁਝਾਅ ਦੇਣ ਲਈ ਗਿਆ ਸੀ।

ਅਦਾਲਤ ਨੇ ਸੁਣਾਈ ਸਜ਼ਾ

ਵੈਸਟਮਿੰਸਟਰ ਮੈਜਿਸਟਰੇਟ ਦੀ ਅਦਾਲਤ ਨੇ ਮਾਰਚ ਵਿਚ ਪਹਿਲੀ ਸੁਣਵਾਈ ਦੌਰਾਨ ਕਿ ਕਨਾਕੀਆ ਦੀ ਪਛਾਣ ਉਸਦੀ ਹੱਥ ਲਿਖਤ ਦੁਆਰਾ ਕੀਤੀ ਅਤੇ ਉਸਨੂੰ ਪੱਤਰ ਭੇਜਣ ਲਈ ਦੋਸ਼ੀ ਮੰਨਿਆ। ਕਨਾਕੀਆ ਨੂੰ ਪੰਜ ਮਹੀਨਿਆਂ ਦੀ ਕੈਦ ਦੀ ਸਜ਼ਾ ਸੁਣਾਉਂਦੇ ਹੋਏ, ਜ਼ਿਲ੍ਹਾ ਜੱਜ ਬ੍ਰਾਇਓਨੀ ਕਲਾਰਕ ਨੇ ਕਿਹਾ ਕਿ ਜਦੋਂ ਵੀ ਉਹ ਚਿੱਠੀ ਪੜ੍ਹਦੀ ਹੈ ਤਾਂ ਹੈਰਾਨ ਰਹਿ ਜਾਂਦੀ ਹੈ। ਦਿ ਸਟੈਂਡਰਡ ਨੇ ਉਸ ਦੇ ਹਵਾਲੇ ਨਾਲ ਕਿਹਾ ਕਿ  "ਇਹ ਲੋਕਤੰਤਰ 'ਤੇ ਹਮਲਾ ਹੈ"। ਕਲਾਰਕ ਨੇ ਕਿਹਾ, "ਤੁਸੀਂ ਇੱਕ ਚਿੱਠੀ ਭੇਜੀ ਸੀ ਜੋ ਘਿਣਾਉਣੀ ਅਤੇ ਧਮਕੀ ਭਰੀ ਸੀ, ਇਹ ਇੱਕ ਸੇਵਾ ਕਰ ਰਹੇ ਸੰਸਦ ਮੈਂਬਰ ਨੂੰ ਸੰਬੋਧਿਤ ਕੀਤਾ ਗਿਆ ਸੀ ਜੋ ਉਸ ਸਮੇਂ ਗ੍ਰਹਿ ਸਕੱਤਰ ਸੀ। ਇਹ ਅਪਮਾਨਜਨਕ ਅਤੇ ਅਸ਼ਲੀਲ ਸੀ,"।

ਪੜ੍ਹੋ ਇਹ ਅਹਿਮ ਖ਼ਬਰ-ਜਨਸੰਖਿਆ 'ਚ ਗਿਰਾਵਟ ਤੋਂ ਪਰੇਸ਼ਾਨ ਚੀਨ ਦਾ ਵੱਡਾ ਫ਼ੈਸਲਾ, ਸਿੰਗਲ ਔਰਤਾਂ ਲੈ ਸਕਣਗੀਆਂ IVF ਟ੍ਰੀਟਮੈਂਟ

ਬਚਾਅ ਪੱਖ ਨੇ ਦਿੱਤੀ ਇਹ ਦਲੀਲ

ਬਚਾਅ ਪੱਖ ਦੇ ਅਨੁਸਾਰ ਕਨਾਕੀਆ ਨੇ "ਕੋਵਿਡ ਦੌਰਾਨ ਸਾਰਾ ਕੰਮ ਕੀਤਾ ਅਤੇ 2020 ਦੌਰਾਨ ਬਹੁਤ ਬਿਮਾਰ ਹੋ ਗਿਆ"। ਅਦਾਲਤ ਨੂੰ ਦੱਸਿਆ ਗਿਆ ਕਿ ਉਸ ਨੂੰ ਦਿਲ ਦੇ 2 ਦੌਰੇ ਪਏ ਅਤੇ ਜੁਲਾਈ 2022 ਵਿੱਚ ਉਸ ਦੀ ਮਾਂ ਦੀ ਮੌਤ ਹੋ ਗਈ ਸੀ। 42 ਸਾਲਾਂ ਤੋਂ NHS ਨਾਲ ਕੰਮ ਕਰਨ ਵਾਲੇ ਕਨਾਕੀਆ ਨੇ ਕਿਹਾ ਕਿ ਉਸ ਨੇ ਮਾਨਸਿਕ ਸਿਹਤ ਦੇ ਡਿੱਗਣ ਕਾਰਨ ਇਹ ਅਪਮਾਨਜਨਕ ਕਦਮ ਚੁੱਕਿਆ ਅਤੇ ਕਿਹਾ ਕਿ ਉਹ ਡਿਪਰੈਸ਼ਨ ਤੋਂ ਪੀੜਤ ਹੈ। ਹਾਲਾਂਕਿ ਜੱਜ ਨੇ ਕਿਹਾ ਕਿ ਉਸ ਨੂੰ ਉਸ ਦੇ ਮਾਨਸਿਕ ਸਿਹਤ ਦੇ ਦਾਅਵੇ ਦਾ ਸਮਰਥਨ ਕਰਨ ਲਈ ਕੋਈ ਸਬੂਤ ਨਹੀਂ ਦਿੱਤਾ ਗਿਆ ਸੀ, ਇਸ ਲਈ ਉਸ ਨੂੰ ਰਿਹਾਅ ਹੋਣ ਤੋਂ ਪਹਿਲਾਂ  ਪੰਜ ਮਹੀਨਿਆਂ ਦੀ ਕੈਦ ਦੀ ਅੱਧੀ ਸਜ਼ਾ ਕੱਟਣੀ ਪਵੇਗੀ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।