ਇਹ ਹੈ ਦੁਨੀਆ ਦਾ ਸਭ ਤੋਂ ਮਹਿੰਗਾ ਦੂਤਘਰ, ਲਾਗਤ ਸੁਣ ਰਹਿ ਜਾਓਗੇ ਹੈਰਾਨ (ਤਸਵੀਰਾਂ)
Friday, Dec 15, 2017 - 01:41 AM (IST)
ਲੰਡਨ— ਅਮਰੀਕੀ ਦੂਤਘਰ ਦੀ ਇਮਾਰਤ, ਜਿਸ ਦਾ ਕੰਮ ਬਰਤਾਨੀਆ 'ਚ ਪਿਛਲੇ ਚਾਰ ਸਾਲ ਤੋਂ ਚੱਲ ਰਿਹਾ ਸੀ, ਹੁਣ ਪੂਰੀ ਤਰ੍ਹਾਂ ਤਿਆਰ ਹੈ ਅਤੇ ਇਸ ਜਨਵਰੀ ਤੋਂ ਇਥੇ ਕੰਮ ਸ਼ੁਰੂ ਹੋ ਜਾਵੇਗਾ।
75 ਕਰੋੜ ਡਾਲਰ ਦੀ ਲਾਗਤ ਨਾਲ ਬਣਿਆ ਇਹ ਆਧੁਨਿਕ ਢਾਂਚਾ ਦੁਨੀਆ ਦਾ ਸਭ ਤੋਂ ਮਹਿੰਗਾ ਦੂਤਘਰ ਹੈ।
ਬਰਤਾਨੀਆ ਵਿਚ ਅਮਰੀਕਾ ਦੇ ਰਾਜਦੂਤ ਵੂਡੀ ਜਾਨਸਨ ਨੇ ਬੁਧਵਾਰ ਨੂੰ ਇਸ ਨਵੀਂ ਇਮਾਰਤ ਦਾ ਉਦਘਾਟਨ ਕੀਤਾ। ਵੂਡੀ ਦੇ ਮੁਤਾਬਕ ਫਰਵਰੀ 2018 ਵਿਚ ਰਾਸ਼ਟਰਪਤੀ ਡੋਨਾਲਡ ਟਰੰਪ ਇਸ ਦੀ ਅਧਿਕਾਰਕ ਸ਼ੁਰੂਆਤ ਕਰ ਸਕਦੇ ਹਨ।
ਦੱਖਣੀ ਲੰਡਨ ਸਥਿਤ 12 ਮੰਜ਼ਿਲਾ ਦੂਤਘਰ ਵਿਚ 800 ਤੋਂ ਜ਼ਿਆਦਾ ਲੋਕ ਕੰਮ ਕਰਨਗੇ।
ਇਸ ਵਿਚ ਲੱਗਿਆ ਸੁਰੱਖਿਆ ਤੰਤਰ ਸਭ ਤੋਂ ਆਧੁਨਿਕ ਹੈ।
ਜ਼ਿਕਰਯੋਗ ਹੈ ਕਿ ਹੁਣ ਤੱਕ ਅਮਰੀਕੀ ਦੂਤਘਰ ਗਰੋਸਵੇਨਾਰ ਸਕਵੈਅਰ ਅੰਬੈਸੀ 'ਚ ਸੀ, ਜੋ ਸਾਲ 1960 'ਚ ਸ਼ੁਰੂ ਹੋਇਆ ਸੀ। ਇਥੇ ਅਤਿ ਆਧੁਨਿਕ ਸੁਰੱਖਿਆ ਯੰਤਰ ਵੀ ਨਹੀਂ ਲੱਗੇ ਸੀ।
ਨਵੀਂ ਇਮਾਰਤ ਦੀ ਨਿਰਮਾਣ ਲਾਗਤ ਬਰਤਾਨੀਆ 'ਚ ਅਮਰੀਕੀ ਸਰਕਾਰ ਦੀ ਹੋਰ ਸੰਪਤੀਆਂ ਵੇਚ ਕੇ ਕੱਢੀ ਗਈ ਹੈ।
ਇਸ 'ਚ ਅਮਰੀਕੀ ਜਨਤਾ ਦੁਆਰਾ ਭਰੇ ਗਏ ਟੈਕਸ ਦਾ ਇਕ ਵੀ ਪੈਸਾ ਇਸਤੇਮਾਲ ਨਹੀਂ ਕੀਤਾ ਗਿਆ ਹੈ।
