ਅਮਰੀਕਾ ''ਚ ਬੰਬ ਨਾਲ ਉਡਾਇਆ 22 ਮੰਜ਼ਿਲਾ ਟਾਵਰ, 15 ਸੈਕਿੰਡ ''ਚ ਮਲਬੇ ਦੇ ਢੇਰ ''ਚ ਤਬਦੀਲ (ਵੀਡੀਓ)

ਵਾਸ਼ਿੰਗਟਨ : ਅਮਰੀਕਾ 'ਚ ਸ਼ਨੀਵਾਰ ਨੂੰ ਲੁਈਸਿਆਨਾ ਦੇ ਲੇਕ ਚਾਰਲਸ ਸ਼ਹਿਰ 'ਚ ਸਥਿਤ 22 ਮੰਜ਼ਿਲਾ ਹਰਟਜ਼ ਟਾਵਰ ਨੂੰ ਬੰਬ ਨਾਲ ਉਡਾ ਦਿੱਤਾ ਗਿਆ। ਇਹ ਵਿਸ਼ਾਲ ਇਮਾਰਤ ਮਹਿਜ਼ 15 ਸਕਿੰਟਾਂ ਵਿਚ ਮਲਬੇ ਦੇ ਢੇਰ ਵਿਚ ਤਬਦੀਲ ਹੋ ਗਈ। ਇਹ ਇਮਾਰਤ ਪਹਿਲਾਂ ਕੈਪੀਟਲ ਵਨ ਟਾਵਰ ਵਜੋਂ ਜਾਣੀ ਜਾਂਦੀ ਸੀ ਅਤੇ ਚਾਰ ਦਹਾਕਿਆਂ ਤੋਂ ਸ਼ਹਿਰ ਦਾ ਮਹੱਤਵਪੂਰਨ ਹਿੱਸਾ ਰਹੀ ਸੀ। 2020 ਵਿੱਚ ਦੱਖਣ-ਪੱਛਮੀ ਲੂਸੀਆਨਾ ਵਿੱਚ ਆਏ ਹਰੀਕੇਨ ਲੌਰਾ ਨੇ ਹਰਟਜ਼ ਟਾਵਰ ਨੂੰ ਬੁਰੀ ਤਰ੍ਹਾਂ ਨੁਕਸਾਨ ਪਹੁੰਚਾਇਆ ਸੀ। ਤੂਫਾਨ ਤੋਂ ਬਾਅਦ ਇਮਾਰਤ ਦੀਆਂ ਖਿੜਕੀਆਂ ਟੁੱਟ ਗਈਆਂ ਅਤੇ ਇਸ ਦਾ ਪੂਰਾ ਢਾਂਚਾ ਨੁਕਸਾਨਿਆ ਗਿਆ। ਨਤੀਜੇ ਵਜੋਂ, ਸੁਰੱਖਿਆ ਕਾਰਨਾਂ ਕਰਕੇ ਇਮਾਰਤ ਨੂੰ ਖਾਲੀ ਕਰਵਾਇਆ ਗਿਆ ਅਤੇ ਤਰਪਾਲ ਨਾਲ ਢੱਕਿਆ ਗਿਆ।

The tallest building in Lake Charles finally came down today, almost 4 years after Hurricane Laura rendered it uninhabitable and financially impossible to repair. #lalege pic.twitter.com/UJHowLJcoQ

— Matthew DesOrmeaux (@authoridad) September 7, 2024

ਇਮਾਰਤ ਦੀ ਹਾਲਤ ਨੂੰ ਦੇਖਦੇ ਹੋਏ ਇਸ ਨੂੰ ਢਾਹੁਣ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਸ ਦੇ ਲਈ ਲੰਬੇ ਕਾਨੂੰਨੀ ਵਿਵਾਦ ਦਾ ਸਾਹਮਣਾ ਕਰਨਾ ਪਿਆ। ਇਮਾਰਤ ਦੇ ਮੁਲਾਂਕਣ ਨੂੰ ਲੈ ਕੇ ਹਰਟਜ਼ ਟਾਵਰ ਦੇ ਮਾਲਕ ਅਤੇ ਲਾਸ ਏਂਜਲਸ ਸਥਿਤ ਰੀਅਲ ਅਸਟੇਟ ਫਰਮ ਹਰਟਜ਼ ਇਨਵੈਸਟਮੈਂਟ ਗਰੁੱਪ ਵਿਚਕਾਰ ਅਦਾਲਤੀ ਵਿਵਾਦ ਚੱਲ ਰਿਹਾ ਸੀ। ਮਾਲਕਾਂ ਨੇ ਇਮਾਰਤ ਦੀ ਕੀਮਤ $167 ਮਿਲੀਅਨ ਰੱਖੀ ਸੀ। ਆਖਰਕਾਰ ਦੋਵਾਂ ਧਿਰਾਂ ਵਿਚਕਾਰ ਸਮਝੌਤਾ ਹੋ ਗਿਆ ਅਤੇ ਅਦਾਲਤ ਨੇ ਢਾਹੁਣ ਦਾ ਹੁਕਮ ਦਿੱਤਾ। ਹਰਟਜ਼ ਟਾਵਰ ਨੂੰ ਵਿਸਫੋਟਕਾਂ ਦੀ ਵਰਤੋਂ ਕਰਕੇ ਢਾਹ ਦਿੱਤਾ ਗਿਆ ਸੀ। ਡੇਮੋਲਿਸ਼ਨ ਟੀਮ ਨੇ ਇਮਾਰਤ ਦੇ ਅੰਦਰ ਵਿਸਫੋਟਕ ਲਗਾ ਦਿੱਤਾ, ਜਿਸ ਕਾਰਨ ਇਮਾਰਤ ਤੇਜ਼ੀ ਨਾਲ ਢਹਿ ਗਈ।

ਢਾਹੁਣ ਦੀ ਪੂਰੀ ਪ੍ਰਕਿਰਿਆ ਸਿਰਫ 15 ਸਕਿੰਟਾਂ ਵਿੱਚ ਪੂਰੀ ਹੋ ਗਈ ਸੀ ਅਤੇ ਇਮਾਰਤ ਮਲਬੇ ਦੇ 5 ਮੰਜ਼ਿਲਾਂ ਦੇ ਢੇਰ ਤੱਕ ਸਿਮਟ ਗਈ ਸੀ। ਇਸ ਪ੍ਰਕਿਰਿਆ ਨੂੰ ਪੂਰਾ ਕਰਨ ਲਈ ਵਿਸ਼ੇਸ਼ ਤੌਰ 'ਤੇ ਸਿਖਲਾਈ ਪ੍ਰਾਪਤ ਟੀਮਾਂ ਦੀ ਵਰਤੋਂ ਕੀਤੀ ਗਈ ਸੀ ਅਤੇ ਲੇਕ ਚਾਰਲਸ ਸਿਟੀ ਦੇ ਮੇਅਰ ਨਿਕ ਹੰਟਰ ਨੇ ਕਿਹਾ ਕਿ ਅਸੀਂ ਬਹੁਤ ਸਾਰੀਆਂ ਕੋਸ਼ਿਸ਼ਾਂ ਕੀਤੀਆਂ, ਪਰ ਆਖਰਕਾਰ ਇਹ ਬਹੁਤ ਮੁਸ਼ਕਲ ਫੈਸਲਾ ਸੀ। 2020 ਦੇ ਤੂਫਾਨ ਤੋਂ ਬਾਅਦ ਇਮਾਰਤ ਦੀ ਹਾਲਤ ਨੂੰ ਦੇਖਦੇ ਹੋਏ ਇਸ ਨੂੰ ਢਾਹੁਣਾ ਹੀ ਇਕਲੌਕਾ ਹੱਲ ਸੀ।

ਮੇਅਰ ਹੰਟਰ ਨੇ ਇਹ ਵੀ ਕਿਹਾ ਕਿ ਸ਼ਹਿਰ ਨੇ ਇਮਾਰਤ ਨੂੰ ਬਚਾਉਣ ਲਈ ਬਹੁਤ ਮਿਹਨਤ ਕੀਤੀ, ਪਰ ਆਖਰਕਾਰ ਹਰਟਜ਼ ਟਾਵਰ ਨੂੰ ਢਾਹ ਦਿੱਤਾ ਗਿਆ ਹੈ, ਇਸ ਜਗ੍ਹਾ 'ਤੇ ਨਵੇਂ ਵਿਕਾਸ ਦੀ ਸੰਭਾਵਨਾ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ। ਸਥਾਨਕ ਅਧਿਕਾਰੀਆਂ ਨੇ ਇਸ ਜਗ੍ਹਾ ਨੂੰ ਮੁੜ ਵਿਕਸਤ ਕਰਨ ਅਤੇ ਸ਼ਹਿਰ ਦੇ ਵਿਕਾਸ ਵਿਚ ਯੋਗਦਾਨ ਪਾਉਣ ਲਈ ਯੋਜਨਾ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ।