ਇਸ ਦੇਸ਼ ਦੇ ਪ੍ਰਧਾਨ ਮੰਤਰੀ ਨੇ ਦੇ ''ਤਾ ਅਸਤੀਫ਼ਾ, ਵਿਰੋਧ ਪ੍ਰਦਰਸ਼ਨਾਂ ਤੋਂ ਬਾਅਦ ਲਿਆ ਫ਼ੈਸਲਾ

ਵਿਲਨੀਅਸ (ਏ.ਪੀ.)- ਲਿਥੁਆਨੀਆ ਦੇ ਪ੍ਰਧਾਨ ਮੰਤਰੀ ਗਿਨਟੌਟਸ ਪਾਲੂਕਾਸ ਨੇ ਵੀਰਵਾਰ ਨੂੰ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ। ਉਨ੍ਹਾਂ ਨੇ ਇਹ ਕਦਮ ਆਪਣੇ ਕਾਰੋਬਾਰੀ ਸੌਦਿਆਂ ਦੀ ਜਾਂਚ ਤੋਂ ਬਾਅਦ ਚੁੱਕਿਆ, ਜਿਸ ਕਾਰਨ ਇਸ ਬਾਲਟਿਕ ਦੇਸ਼ ਦੀ ਰਾਜਧਾਨੀ ਵਿੱਚ ਵਿਰੋਧ ਪ੍ਰਦਰਸ਼ਨ ਹੋਏ ਅਤੇ ਉਨ੍ਹਾਂ ਦੇ ਅਸਤੀਫੇ ਦੀ ਮੰਗ ਕੀਤੀ ਗਈ। ਲਿਥੁਆਨੀਆ ਦੇ ਰਾਸ਼ਟਰਪਤੀ ਗਿਟਨਾਸ ਨੌਸੇਦਾ ਨੇ ਵੀਰਵਾਰ ਸਵੇਰੇ ਮੀਡੀਆ ਦੇ ਸਾਹਮਣੇ ਪਾਲੂਕਾਸ ਦੇ ਅਸਤੀਫੇ ਦਾ ਐਲਾਨ ਕੀਤਾ। ਸੋਸ਼ਲ ਡੈਮੋਕ੍ਰੇਟਿਕ ਪਾਰਟੀ ਦੇ ਮੈਂਬਰ ਪਾਲੂਕਾਸ ਪਿਛਲੇ ਸਾਲ ਅਕਤੂਬਰ ਵਿੱਚ ਸੰਸਦੀ ਚੋਣਾਂ ਤੋਂ ਬਾਅਦ ਤਿੰਨ-ਪਾਰਟੀ ਗੱਠਜੋੜ ਦੀ ਤਾਕਤ 'ਤੇ ਪ੍ਰਧਾਨ ਮੰਤਰੀ ਬਣੇ ਸਨ।

ਇਹ ਰਾਜਨੀਤਿਕ ਸੰਕਟ ਉਦੋਂ ਸ਼ੁਰੂ ਹੋਇਆ ਜਦੋਂ 'ਡੈਮੋਕ੍ਰੇਟਿਕ ਯੂਨੀਅਨ ਫਾਰ ਲਿਥੁਆਨੀਆ' ਦੇ ਨੇਤਾ ਅਤੇ ਸੰਸਦ ਦੇ ਸਪੀਕਰ (ਸੀਮਾਸ) ਸੌਲੀਅਸ ਸਕਵਰਨੇਲਿਸ ਨੇ ਕਿਹਾ ਕਿ ਪਾਲੂਕਾਸ ਦੇ ਪ੍ਰਧਾਨ ਮੰਤਰੀ ਬਣੇ ਰਹਿਣ ਦੀ ਸੂਰਤ ਵਿੱਚ ਉਨ੍ਹਾਂ ਦੀ ਪਾਰਟੀ ਸੱਤਾਧਾਰੀ ਗੱਠਜੋੜ ਵਿੱਚ ਨਹੀਂ ਰਹੇਗੀ। ਇਸ ਤੋਂ ਬਾਅਦ ਰਾਸ਼ਟਰਪਤੀ ਨਾਲ ਮੁਲਾਕਾਤ ਅਤੇ ਦਬਾਅ ਵਿਚਕਾਰ ਪਾਲੂਕਾਸ ਦੇ ਅਸਤੀਫੇ ਦਾ ਰਸਤਾ ਸਾਫ਼ ਹੋ ਗਿਆ। ਪਾਰਟੀ ਦੀ ਕਾਰਜਕਾਰਨੀ ਵੱਲੋਂ ਵੀ ਅਸਤੀਫੇ ਨੂੰ ਮਨਜ਼ੂਰੀ ਦੇਣ ਦੀ ਸੰਭਾਵਨਾ ਹੈ।

ਵੀਰਵਾਰ ਸਵੇਰੇ ਲਿਥੁਆਨੀਆ ਦੀ ਵਿੱਤੀ ਅਪਰਾਧ ਜਾਂਚ ਸੇਵਾ (FNTT) ਨੇ ਪਾਲੂਕਸ ਦੀ ਸਾਲਿਓ ਦੀ ਕੰਪਨੀ 'ਡੰਕੋਰਾ' 'ਤੇ ਛਾਪਾ ਮਾਰਿਆ। ਇਹ ਕੰਪਨੀ ਯੂਰਪੀਅਨ ਯੂਨੀਅਨ ਤੋਂ ਸਬਸਿਡੀ ਲੈ ਕੇ 'ਗਾਰਨਿਸ' ਨਾਮ ਦੀ ਕੰਪਨੀ ਤੋਂ ਬੈਟਰੀ ਸਿਸਟਮ ਖਰੀਦ ਰਹੀ ਸੀ, ਜਿਸ ਵਿੱਚ ਪਾਲੂਕਸ ਦੀ ਖੁਦ ਹਿੱਸੇਦਾਰੀ ਹੈ। ਇਸ ਤੋਂ ਪਹਿਲਾਂ ਵੀ ਮੀਡੀਆ ਰਿਪੋਰਟਾਂ ਵਿੱਚ ਅਜਿਹੇ ਕਈ ਵਪਾਰਕ ਸੌਦਿਆਂ ਦਾ ਖੁਲਾਸਾ ਹੋਇਆ ਸੀ ਜੋ ਉਨ੍ਹਾਂ ਦੇ ਪ੍ਰਧਾਨ ਮੰਤਰੀ ਹੁੰਦਿਆਂ ਹੋਏ ਸਨ। ਜਾਂਚ ਤੋਂ ਪਤਾ ਲੱਗਾ ਕਿ ਪਾਲੂਕਸ ਨੇ 2012 ਵਿੱਚ ਇੱਕ ਕਾਰੋਬਾਰੀ ਤੋਂ ਇੱਕ ਜਾਇਦਾਦ ਖਰੀਦੀ ਸੀ ਜਿਸ ਨਾਲ ਉਸਨੇ ਜਨਤਕ ਤੌਰ 'ਤੇ ਕੋਈ ਸਬੰਧ ਹੋਣ ਤੋਂ ਇਨਕਾਰ ਕੀਤਾ ਸੀ। ਇਸੇ ਤਰ੍ਹਾਂ ਉਸਦੀ ਸਾਬਕਾ ਕੰਪਨੀ 'ਸਾਗਰਤਾ' ਨੇ ਵੱਡੀ ਰਾਸ਼ੀ ਕਰਜ਼ੇ ਵਜੋਂ ਲਈ ਸੀ ਜੋ ਹੁਣ ਤੱਕ ਵਾਪਸ ਨਹੀਂ ਕੀਤਾ ਗਈ ਹੈ। ਇਸ ਤੋਂ ਇਲਾਵਾ ਇੱਕ ਹੋਰ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਪਾਲੂਕਸ ਨੇ 2012 ਵਿੱਚ ਇੱਕ ਸਰਕਾਰੀ ਪਲਾਟ 'ਤੇ ਇੱਕ ਫਲੈਟ ਛੋਟ 'ਤੇ ਖਰੀਦਿਆ ਸੀ ਅਤੇ 16,500 ਯੂਰੋ ਦੇ ਜੁਰਮਾਨੇ ਵਿੱਚੋਂ 2025 ਵਿੱਚ ਸਿਰਫ 4,900 ਯੂਰੋ ਦਾ ਭੁਗਤਾਨ ਕੀਤਾ ਗਿਆ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।