ਬ੍ਰਿਟੇਨ ਦੇ ਰਾਜਾ ਚਾਰਲਸ ਦੇ ਭਾਣਜੇ ਨੇ ਨਰਸ ਹੈਰੀਏਟ ਸਪਰਲਿੰਗ ਨਾਲ ਕੀਤਾ ਵਿਆਹ

ਲੰਡਨ - ਸ਼ਾਹੀ ਪਰਿਵਾਰ ਦੇ ਕਈ ਸੀਨੀਅਰ ਮੈਂਬਰ ਸ਼ਨੀਵਾਰ ਨੂੰ ਬ੍ਰਿਟੇਨ ਦੇ ਮਹਾਰਾਜਾ ਚਾਰਲਸ III ਦੇ ਭਾਣਜੇ ਪੀਟਰ ਫਿਲਿਪਸ ਦੇ ਵਿਆਹ ਵਿੱਚ ਸ਼ਾਮਲ ਹੋਏ। ਚਾਰਲਸ ਦੀ ਭੈਣ ਰਾਜਕੁਮਾਰੀ ਏਨ ਦੇ ਪੁੱਤਰ ਫਿਲਿਪਸ ਨੇ ਦੱਖਣ-ਪੱਛਮੀ ਇੰਗਲੈਂਡ ਦੇ ਕੇਂਬਲ ਪਿੰਡ ਦੇ ਇੱਕ ਚਰਚ ਵਿੱਚ ਆਯੋਜਿਤ ਇੱਕ ਸਮਾਰੋਹ ਵਿੱਚ ਹੈਰੀਏਟ ਸਪਰਲਿੰਗ ਨਾਲ ਵਿਆਹ ਕੀਤਾ। ਸਪਰਲਿੰਗ ਰਾਸ਼ਟਰੀ ਸਿਹਤ ਸੇਵਾ (NHS) ਵਿੱਚ ਇੱਕ ਨਰਸ ਹੈ।

ਮਹਾਰਾਜਾ ਚਾਰਲਸ III ਅਤੇ ਮਹਾਰਾਣੀ ਕੈਮਿਲਾ ਸਮੇਤ ਸ਼ਾਹੀ ਪਰਿਵਾਰ ਦੇ ਕਈ ਮੈਂਬਰਾਂ ਨੇ ਪੀਟਰ ਫਿਲਿਪਸ ਦੇ ਵਿਆਹ ਸਮਾਰੋਹ ਵਿੱਚ ਸ਼ਿਰਕਤ ਕੀਤੀ। ਇਸ ਸਮਾਗਮ ਵਿੱਚ ਪ੍ਰਿੰਸ ਵਿਲੀਅਮ, ਰਾਜਕੁਮਾਰੀ ਕੈਥਰੀਨ, ਰਾਜਕੁਮਾਰੀ ਯੂਜੀਨੀ ਅਤੇ ਰਾਜਕੁਮਾਰੀ ਬੀਟਰਿਸ ਸਮੇਤ 100 ਤੋਂ ਵੱਧ ਮਹਿਮਾਨ ਸ਼ਾਮਲ ਹੋਏ।