ਇਰਾਨ ''ਚ ਫੜਿਆ ਗਿਆ ਇਜ਼ਰਾਈਲੀ ਜਾਸੂਸ, ਟੰਗ ''ਤਾ ਫਾਹੇ

ਇੰਟਰਨੈਸ਼ਨਲ ਡੈਸਕ : ਇਰਾਨ ਅਤੇ ਇਜ਼ਰਾਈਲ ਵਿਚਾਲੇ ਚੱਲ ਰਹੀ ਜੰਗ ਦੌਰਾਨ ਤਹਿਰਾਨ ਤੋਂ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਇਰਾਨ ਨੇ ਇਜ਼ਰਾਈਲ ਦੀ ਖੁਫੀਆ ਏਜੰਸੀ 'ਮੋਸਾਦ' ਲਈ ਜਾਸੂਸੀ ਕਰਨ ਦੇ ਦੋਸ਼ ਵਿੱਚ ਇੱਕ ਵਿਅਕਤੀ ਨੂੰ ਫਾਂਸੀ ਦੀ ਸਜ਼ਾ ਦਿੱਤੀ ਹੈ।

ਕੌਣ ਸੀ ਜਾਸੂਸ ਅਤੇ ਕੀ ਸਨ ਦੋਸ਼?
 ਫਾਂਸੀ ਚੜ੍ਹਾਏ ਗਏ ਵਿਅਕਤੀ ਦੀ ਪਛਾਣ ਕੁਰੋਸ਼ ਕੀਵਾਨੀ ਵਜੋਂ ਹੋਈ ਹੈ। ਇਰਾਨ ਦੀ ਨਿਆਂਪਾਲਿਕਾ ਦੀ 'ਮਿਜ਼ਾਨ ਨਿਊਜ਼ ਏਜੰਸੀ' ਅਨੁਸਾਰ, ਕੀਵਾਨੀ 'ਤੇ ਮੋਸਾਦ ਨੂੰ ਇਰਾਨ ਦੇ ਕਈ ਸੰਵੇਦਨਸ਼ੀਲ ਸਥਾਨਾਂ ਦੀਆਂ ਤਸਵੀਰਾਂ ਅਤੇ ਗੁਪਤ ਜਾਣਕਾਰੀ ਮੁਹੱਈਆ ਕਰਵਾਉਣ ਦਾ ਦੋਸ਼ ਸਾਬਤ ਹੋਇਆ ਸੀ। ਬੁੱਧਵਾਰ, 18 ਮਾਰਚ ਨੂੰ ਉਸ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ ਗਿਆ।

ਪਹਿਲਾਂ ਵੀ ਦਿੱਤੀਆਂ ਗਈਆਂ ਕਈ ਫਾਂਸੀਆਂ
ਇਹ ਕੋਈ ਪਹਿਲਾ ਮਾਮਲਾ ਨਹੀਂ ਹੈ; ਇਰਾਨ ਨੇ ਪਿਛਲੇ ਇੱਕ ਦਹਾਕੇ ਵਿੱਚ ਮੋਸਾਦ ਨਾਲ ਸਬੰਧ ਰੱਖਣ ਅਤੇ ਦੇਸ਼ ਦੇ ਅੰਦਰ ਖੁਫੀਆ ਆਪਰੇਸ਼ਨ ਚਲਾਉਣ ਦੇ ਦੋਸ਼ ਵਿੱਚ ਕਈ ਲੋਕਾਂ ਨੂੰ ਮੌਤ ਦੀ ਸਜ਼ਾ ਦਿੱਤੀ ਹੈ। ਇਸ ਤੋਂ ਪਹਿਲਾਂ 28 ਜਨਵਰੀ ਨੂੰ ਹਾਮਿਦ ਰਜ਼ਾ ਸਬੇਤ ਇਸਮਾਈਲੀਪੁਰ ਨਾਮ ਦੇ ਵਿਅਕਤੀ ਨੂੰ ਵੀ ਇਜ਼ਰਾਈਲੀ ਏਜੰਟ ਹੋਣ ਦੇ ਦੋਸ਼ ਵਿੱਚ ਫਾਂਸੀ ਦਿੱਤੀ ਗਈ ਸੀ।

ਮੋਸਾਦ ਦੀ ਵਧਦੀ ਤਾਕਤ ਅਤੇ ਇਰਾਨ ਨੂੰ ਝਟਕੇ 
ਇਹ ਫਾਂਸੀ ਅਜਿਹੇ ਸਮੇਂ ਹੋਈ ਹੈ ਜਦੋਂ ਇਰਾਨ ਨੂੰ ਵੱਡੇ ਸੁਰੱਖਿਆ ਝਟਕਿਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਹਾਲ ਹੀ ਵਿੱਚ 17 ਮਾਰਚ ਨੂੰ ਇਰਾਨ ਦੇ ਸੁਰੱਖਿਆ ਮੁਖੀ ਅਲੀ ਲਾਰੀਜਾਨੀ ਇੱਕ ਹਮਲੇ ਵਿੱਚ ਮਾਰੇ ਗਏ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਹਮਲੇ ਲਈ ਜ਼ਰੂਰੀ ਜਾਣਕਾਰੀ ਮੋਸਾਦ ਨੂੰ ਤਹਿਰਾਨ ਦੇ ਅੰਦਰੋਂ ਹੀ ਮਿਲੀ ਸੀ। ਮੋਸਾਦ ਆਪਣੀ ਇਸੇ ਕਾਬਲੀਅਤ ਕਾਰਨ ਦੁਨੀਆ ਦੀ ਸਭ ਤੋਂ ਪ੍ਰਭਾਵਸ਼ਾਲੀ ਖੁਫੀਆ ਏਜੰਸੀ ਮੰਨੀ ਜਾਂਦੀ ਹੈ, ਜੋ ਦੁਸ਼ਮਣ ਦੇ ਦੇਸ਼ ਵਿੱਚ ਵੜ ਕੇ ਗੁਪਤ ਆਪਰੇਸ਼ਨ ਚਲਾਉਣ ਵਿੱਚ ਮਾਹਰ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e