ਕੀ ਜ਼ਿੰਦਾ ਹੈ Jeffrey Epstein? ਫਲੋਰਿਡਾ ਦੀ ਵਾਇਰਲ Video ਕਾਰਨ ਸੋਸ਼ਲ ਮੀਡੀਆ ''ਤੇ ਮਚਿਆ ਹੰਗਾਮਾ

ਵੈੱਬ ਡੈਸਕ : ਅਮਰੀਕਾ ਦੇ ਜੈਫਰੀ ਐਪਸਟੀਨ ਦੀ ਦੁਨੀਆਭਰ ਵਿਚ ਚਰਚਾ ਹੈ। ਅਮਰੀਕਾ ਦੇ ਬਦਨਾਮ ਵਪਾਰੀ ਦੇ ਦੁਨੀਆ ਭਰ ਦੀਆਂ ਦਿੱਗਜ ਸ਼ਖਸੀਅਤਾਂ ਨਾਲ ਸਬੰਧਾਂ ਮਗਰੋਂ ਤਹਿਲਕਾ ਜਿਹਾ ਮਚ ਗਿਆ। ਕਿਹਾ ਜਾਂਦਾ ਹੈ ਕਿ ਜੈਫਰੀ ਦੀ ਅਮਰੀਕਾ ਵਿਚ ਜੇਲ੍ਹ ਅੰਦਰ ਹੀ ਮੌਤ ਹੋ ਗਈ ਸੀ ਪਰ ਹਾਲ ਦੇ ਦਿਨਾਂ ਦੌਰਾਨ ਸੋਸ਼ਲ ਮੀਡੀਆ ਉੱਤੇ ਕੁਝ ਵੀਡੀਓਜ਼ ਵਾਇਰਲ ਹੋਈਆਂ ਜਿਨ੍ਹਾਂ ਨੇ ਦੁਨੀਆ ਭਰ ਵਿਚ ਨਵੀਂ ਹੀ ਚਰਚਾ ਛੇੜ ਦਿੱਤੀ।

 

 

 

 

 

View this post on Instagram

 

 

 

 

 

 

 

 

 

 

 

A post shared by Only in Florida (@onlyinfloridaa)

ਵਾਇਰਲ ਵੀਡੀਓ ਨੇ ਛੇੜੀ ਚਰਚਾ
ਇਹ ਸਾਰਾ ਮਾਮਲਾ ਉਸ ਸਮੇਂ ਸ਼ੁਰੂ ਹੋਇਆ ਜਦੋਂ 'OnlyInFlorida' ਨਾਮ ਦੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇੱਕ ਵੀਡੀਓ ਸਾਂਝੀ ਕੀਤੀ ਗਈ। ਇਸ ਵੀਡੀਓ 'ਚ ਇੱਕ ਖੁੱਲ੍ਹੀ ਛੱਤ ਵਾਲੀ (convertible) ਕਾਰ ਚਲਾ ਰਿਹਾ ਵਿਅਕਤੀ ਦਿਖਾਈ ਦਿੰਦਾ ਹੈ ਤੇ ਉਸ ਨੇ ਸਫੇਦ ਰੰਗ ਦੀ ਟੋਪੀ ਤੇ ਸਨਗਲਾਸ ਪਾਈ ਹੋਈ ਸੀ। ਵੀਡੀਓ ਦੇ ਉੱਪਰ ਲਿਖਿਆ ਸੀ, "ਐਪਸਟੀਨ ਇੱਥੇ ਦੱਖਣੀ ਫਲੋਰਿਡਾ 'ਚ ਹੈ", ਜਿਸ ਕਾਰਨ ਇੰਟਰਨੈੱਟ 'ਤੇ ਇਹ ਅਫਵਾਹਾਂ ਤੇਜ਼ ਹੋ ਗਈਆਂ ਕਿ ਸ਼ਾਇਦ ਐਪਸਟੀਨ ਅਜੇ ਵੀ ਜ਼ਿੰਦਾ ਹੈ।

Hello this Palm Beach Pete just wanted to thank everybody for the support and good vibes… I’m not Jeffrey Epstein pic.twitter.com/0sRXvSSAW1

— Palm Beach Pete (@not_jeffepstein) March 20, 2026

ਪਰ ਅਸਲ ਸੱਚਾਈ ਕੁਝ ਹੋਰ ਹੀ ਸੀ। ਸੋਸ਼ਲ ਮੀਡੀਆ 'ਤੇ ਫਲੋਰਿਡਾ ਦੇ "ਪਾਮ ਬੀਚ ਪੀਟ" (Palm Beach Pete) ਵਜੋਂ ਜਾਣੇ ਜਾਂਦੇ ਵਿਅਕਤੀ ਦੀ ਵੀਡੀਓ ਵਾਇਰਲ ਹੋਈ ਸੀ, ਜਿਸ ਕਾਰਨ ਉਸ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਉਸ ਨੂੰ ਖੁਦ ਸਾਹਮਣੇ ਆ ਕੇ ਸਪੱਸ਼ਟੀਕਰਨ ਦੇਣਾ ਪਿਆ। ਲਗਾਤਾਰ ਵਧ ਰਹੀਆਂ ਅਫਵਾਹਾਂ ਨੂੰ ਦੇਖਦੇ ਹੋਏ ਪੀਟ ਨੇ ਸੋਸ਼ਲ ਮੀਡੀਆ 'ਤੇ ਪੋਸਟ ਪਾ ਕੇ ਸਪੱਸ਼ਟ ਕੀਤਾ ਕਿ "ਮੈਂ ਜੈਫਰੀ ਐਪਸਟੀਨ ਨਹੀਂ ਹਾਂ"। ਉਸ ਨੇ ਦੱਸਿਆ ਕਿ ਜਿਸ ਸਮੇਂ ਇਹ ਵੀਡੀਓ ਰਿਕਾਰਡ ਕੀਤੀ ਗਈ, ਉਹ ਇੰਟਰਸਟੇਟ 95 'ਤੇ ਟੈਨਿਸ ਖੇਡਣ ਜਾ ਰਿਹਾ ਸੀ। ਪੀਟ ਨੇ ਕਿਹਾ ਕਿ ਉਹ ਸਿਰਫ ਇੱਕ ਹਮਸ਼ਕਲ ਹੈ ਅਤੇ ਉਸ ਦਾ ਐਪਸਟੀਨ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ।

ਕੌਣ ਹੈ 'ਪਾਮ ਬੀਚ ਪੀਟ'?
ਸੂਤਰਾਂ ਅਨੁਸਾਰ, ਪੀਟ ਇੱਕ ਸਾਬਕਾ ਡਿਵੀਜ਼ਨ 1 ਟੈਨਿਸ ਖਿਡਾਰੀ ਅਤੇ ਗੋਲਡ ਮੈਡਲ ਜੇਤੂ ਹੈ। ਇਸ ਤੋਂ ਇਲਾਵਾ ਉਹ ਸੋਹੋ (Soho) ਵਿੱਚ ਸਥਿਤ ਇੱਕ ਫੈਸ਼ਨ ਉੱਦਮੀ ਅਤੇ ਰੀਅਲ ਅਸਟੇਟ ਦੇ ਸਾਬਕਾ ਕਾਰਜਕਾਰੀ ਵਜੋਂ ਵੀ ਕੰਮ ਕਰ ਚੁੱਕਾ ਹੈ। ਉਸ ਨੇ ਆਪਣਾ ਅਸਲੀ ਨਾਮ ਉਜਾਗਰ ਨਹੀਂ ਕੀਤਾ ਹੈ। ਇਸ ਘਟਨਾ ਨੇ ਇੱਕ ਵਾਰ ਫਿਰ ਸੋਸ਼ਲ ਮੀਡੀਆ 'ਤੇ ਫੈਲਣ ਵਾਲੀਆਂ ਅਫਵਾਹਾਂ ਅਤੇ ਸਾਜ਼ਿਸ਼ੀ ਸਿਧਾਂਤਾਂ ਦੀ ਤਾਕਤ ਨੂੰ ਦਰਸਾਇਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e