International Girl Child Day ''ਤੇ ਟਰੂਡੋ ਤੇ ਸ਼ੀਅਰ ਨੇ ਕੀਤੇ ਟਵੀਟ, ਕਿਹਾ ਉਨ੍ਹਾਂ ਨੂੰ ਹੈ ਧੀਆਂ ''ਤੇ ਮਾਣ
10/11/2018 11:05:27 PM
ਓਟਾਵਾ— ਅੱਜ ਯਾਨੀ 11 ਅਕਤੂਬਰ ਨੂੰ ਅਸੀਂ 'ਇੰਟਰਨੈਸ਼ਨਲ ਗਰਲ ਚਾਈਲਡ ਡੇ' ਮਨਾ ਰਹੇ ਹਾਂ। ਪੂਰੀ ਦੁਨੀਆ 'ਚ ਬੱਚੀਆਂ ਦੀਆਂ ਉਪਲੱਬਧੀਆਂ ਤੇ ਉਨ੍ਹਾਂ ਵਲੋਂ ਹਾਸਲ ਕੀਤੀਆਂ ਬੁਲੰਦੀਆਂ ਦੀ ਚਰਚਾ ਕੀਤੀ ਜਾ ਰਹੀ ਹੈ। 19 ਸਤੰਬਰ 2011 ਨੂੰ ਸੰਯੁਕਤ ਰਾਸ਼ਟਰ ਮਹਾ ਸਭਾ ਵਲੋਂ 11 ਅਕਤੂਬਰ ਨੂੰ ਇਸ ਦਿਵਸ ਦੇ ਰੂਪ 'ਚ ਮਨਾਉਣ ਦਾ ਫੈਸਲਾ ਲਿਆ ਗਿਆ ਸੀ। ਪੂਰੀ ਦੁਨੀਆ 'ਚ ਇਸ ਨੂੰ ਇਸ ਲਈ ਮਨਾਇਆ ਜਾਂਦਾ ਹੈ ਤਾਂ ਕਿ ਬੱਚੀਆਂ ਦੀ ਜ਼ਿੰਦਗੀ ਸੁਰੱਖਿਅਤ ਰਹਿਣ ਤੇ ਬੁਲੰਦੀਆਂ ਨੂੰ ਹਾਸਲ ਕਰਨ। ਇਸ ਮੌਕੇ ਕੈਨੇਡੀਅਨ ਪ੍ਰਧਾਨ ਮਤੰਰੀ ਜਸਟਿਨ ਟਰੂਡੋ ਤੇ ਵਿਰੋਧੀ ਧਿਰ ਦੇ ਨੇਤਾ ਐਂਡ੍ਰਿਊ ਸ਼ੀਅਰ ਨੇ ਟਵੀਟ ਕੀਤੇ। ਆਪਣੇ ਟਵੀਟਾਂ 'ਤੇ ਜਿਥੇ ਟਰੂਡੋ ਨੇ ਬੇਟੀਆਂ ਦੇ ਸੁਪਨਿਆਂ ਨੂੰ ਪੂਰਾ ਕਰਨ 'ਤੇ ਜ਼ੋਰ ਦਿੱਤਾ ਉਥੇ ਹੀ ਸ਼ੀਅਰ ਨੇ ਕਿਹਾ ਕਿ ਉਨ੍ਹਾਂ ਨੂੰ ਆਪਣੀਆਂ ਬੇਟੀਆਂ ਤੇ ਪਤਨੀ 'ਤੇ ਮਾਣ ਹੈ।
Today is about our daughters, granddaughters, sisters & nieces. It’s about making sure they grow up in a world where their voices are heard & they have the support they need to chase down their dreams. #DayoftheGirl https://t.co/SBGT0x9Hc0 pic.twitter.com/DCz2XdlKuN
— Justin Trudeau (@JustinTrudeau) October 11, 2018
ਇਸ ਮੌਕੇ ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਟਵੀਟ ਕਰਦਿਆਂ ਕਿਹਾ ਕਿ ਅੱਜ ਦਾ ਦਿਨ ਸਾਡੀਆਂ ਧੀਆਂ, ਪੋਤਰੀਆਂ ਭੈਣਾਂ ਬਾਰੇ ਹੈ। ਇਹ ਦਿਨ ਇਸ ਗੱਲ ਨੂੰ ਯਕੀਨੀ ਬਣਾਉਣ ਬਾਰੇ ਹੈ ਕਿ ਉਹ ਅਜਿਹੇ ਸੰਸਾਰ 'ਚ ਵੱਡੀਆਂ ਹੋ ਰਹੀਆਂ ਹਨ, ਜਿਥੇ ਕਿ ਉਨ੍ਹਾਂ ਦੀ ਆਵਾਜ਼ ਨੂੰ ਸੁਣਿਆ ਜਾਂਦਾ ਹੈ ਤੇ ਉਨ੍ਹਾਂ ਨੂੰ ਉਨ੍ਹਾਂ ਦੇ ਸੁਪਨਿਆਂ ਤੱਕ ਪਹੁੰਚਣ 'ਚ ਮਦਦ ਕੀਤੀ ਜਾਂਦੀ ਹੈ।
I’m very proud of the women in my life, my wife Jill, my daughters Grace, Mary and Madeline, and I’m honoured to work with strong women in our @CPC_HQ Caucus. On International #DayoftheGirl join me in supporting more opportunities for girls in Canada and around the world. pic.twitter.com/dzoB00Ykwb
— Andrew Scheer (@AndrewScheer) October 11, 2018
ਵਿਰੋਧੀ ਧਿਰ ਦੇ ਨੇਤਾ ਐਂਡ੍ਰਿਊ ਸ਼ੀਅਰ ਨੇ ਆਪਣੇ ਟਵੀਟ 'ਚ ਵੀਡੀਓ ਸ਼ੇਅਰ ਕੀਤੀ ਤੇ ਕਿਹਾ ਕਿ ਉਨ੍ਹਾਂ ਦੇ ਜ਼ਿੰਦਗੀ 'ਚ ਸ਼ਾਮਲ ਔਰਤਾਂ, ਉਨ੍ਹਾਂ ਦੀ ਪਤਨੀ ਜਿਲ, ਬੇਟੀਆਂ ਗ੍ਰੇਸ, ਮੈਰੀ ਤੇ ਮੈਡੇਲਾਈਨ, 'ਤੇ ਮਾਣ ਹੈ।
