ਇਹ ਹੈ ਦੁਨੀਆ ਦਾ ਸਭ ਤੋਂ ਬਦਬੂਦਾਰ ਫਲ, ਕੀਮਤ ਉੱਡਾ ਦੇਵੇਗੀ ਹੋਸ਼
02/03/2019 12:27:19 PM
ਜਕਾਰਤਾ (ਬਿਊਰੋ)— ਦੁਨੀਆ ਦੇ ਹਰ ਹਿੱਸੇ ਵਿਚ ਵੱਖ-ਵੱਖ ਕਿਸਮਾਂ ਦੇ ਫਲ ਪਾਏ ਜਾਂਦੇ ਹਨ। ਕੁਝ ਫਲਾਂ ਦੀ ਕੀਮਤ ਹੈਰਾਨ ਕਰ ਦੇਣ ਵਾਲੀ ਹੁੰਦੀ ਹੈ। ਅਜਿਹਾ ਹੀ ਇਕ ਮਸ਼ਹੂਰ ਫਲ ਹਜ਼ਾਰਾਂ ਵਿਚ ਵਿਕਦਾ ਹੈ। ਇਸ ਨੂੰ ਦੇਖਣ ਦੇ ਨਾਲ ਹੀ ਲੋਕ ਇਸ ਨਾਲ ਸੈਲਫੀ ਤੱਕ ਲੈਂਦੇ ਹਨ। ਤੁਹਾਨੂੰ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਸ ਫਲ ਦੀ ਕੀਮਤ 1000 ਡਾਲਰ ਮਤਲਬ ਕਰੀਬ 70,000 ਰੁਪਏ ਹੈ। ਡਿਊਰੀਅਨ ਫਲ (Durain Fruit) ਨਾਮ ਨਾਲ ਮਸ਼ਹੂਰ ਇਹ ਫਲ ਇੰਡੋਨੇਸ਼ੀਆ ਵਿਚ ਵਿਕਦਾ ਹੈ। ਇਸ ਦੀ ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਇਹ ਦੁਨੀਆ ਦਾ ਸਭ ਤੋਂ ਬਦਬੂਦਾਰ ਫਲ ਹੈ।
ਜਿਸ ਸਟੋਰ 'ਤੇ ਇਹ ਵੇਚਿਆ ਜਾਂਦਾ ਹੈ ਉੱਥੇ ਇਸ ਨੂੰ ਵੱਖਰੇ ਸ਼ੀਸ਼ੇ ਵਾਲੇ ਬਕਸੇ ਵਿਚ ਸੈਟਿਨ ਦੇ ਕੱਪੜੇ ਵਿਚ ਰੱਖਿਆ ਜਾਂਦਾ ਹੈ। ਲੋਕਾਂ ਵਿਚ ਇਸ ਦਾ ਇੰਨਾ ਕਰੇਜ਼ ਹੈ ਕਿ ਕਈ ਲੋਕ ਇਸ ਨਾਲ ਸੈਲਫੀ ਲੈਂਦੇ ਹਨ। ਪੂਰੇ ਦੱਖਣੀ ਏਸ਼ੀਆ ਇਸ ਇਸ ਫਲ ਨੂੰ 'ਕਿੰਗ ਆਫ ਫਰੂਟਸ' ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ।
ਅਸਲ ਵਿਚ ਲੋਕਾਂ ਨੂੰ ਇਸ ਫਲ ਦਾ ਕ੍ਰੀਮੀ ਟੈਕਸਚਰ ਬਹੁਤ ਪਸੰਦ ਹੈ। ਇਸ ਨੁੰ ਖਾਣ ਵਾਲੇ ਲੋਕ ਇਸ ਫਲ ਦੇ ਸੁਆਦ ਨੂੰ ਗੰਦੇ ਨਾਲੇ ਜਾਂ ਬਦਬੂਦਾਰ ਜ਼ੁਰਾਬਾਂ ਜਿਹਾ ਮੰਨਦੇ ਹਨ। ਜੇ-ਕਵੀਨ ਬ੍ਰੈਂਡ ਦੇ ਫਲ ਨੂੰ ਸਭ ਤੋਂ ਵਧੀਆ ਮੰਨਿਆ ਜਾਂਦਾ ਹੈ। ਇਸੇ ਕਾਰਨ ਇਹ ਬਹੁਤ ਮਹਿੰਗਾ ਵੀ ਹੈ।
