ਭਾਰਤੀ ਮੂਲ ਦੇ ਪ੍ਰੋਫੈਸਰ ਨੇ ਅਮਰੀਕਾ ਦੇ ਕਾਲਜ 'ਤੇ ਨਸਲੀ ਵਿਤਕਰੇ ਦਾ 'ਮੁਕੱਦਮਾ' ਕੀਤਾ ਦਰਜ

ਨਿਊਯਾਰਕ (ਭਾਸ਼ਾ)- ਅਮਰੀਕਾ ਦੇ ਮੈਸੇਚਿਉਸੇਟਸ ਵਿੱਚ ਵੈਲੇਸਲੇ ਬਿਜ਼ਨਸ ਸਕੂਲ ਵਿੱਚ ਭਾਰਤੀ ਮੂਲ ਦੀ ਐਸੋਸੀਏਟ ਪ੍ਰੋਫੈਸਰ ਨੇ ਇੱਕ ਮੁਕੱਦਮਾ ਦਾਇਰ ਕੀਤਾ ਹੈ, ਜਿਸ ਵਿਚ ਦੋਸ਼ ਲਗਾਇਆ ਗਿਆ ਹੈ ਕਿ ਉਸ ਨਾਲ ਨਸਲੀ ਅਤੇ ਲਿੰਗ ਭੇਦਭਾਵ ਕੀਤਾ ਗਿਆ ਸੀ। ਇਹ ਜਾਣਕਾਰੀ ਇਕ ਖਬਰ 'ਚ ਦਿੱਤੀ ਗਈ। 'ਦਿ ਬੋਸਟਨ ਗਲੋਬ' ਦੀ ਰਿਪੋਰਟ ਮੁਤਾਬਕ ਬੌਬਸਨ ਕਾਲਜ 'ਚ 'ਐਂਟਰਪ੍ਰੀਨਿਓਰਸ਼ਿਪ' ਦੀ ਐਸੋਸੀਏਟ ਪ੍ਰੋਫੈਸਰ ਲਕਸ਼ਮੀ ਬਾਲਚੰਦਰ ਨੇ ਦੋਸ਼ ਲਾਇਆ ਕਿ ਕਾਲਜ ਪ੍ਰਸ਼ਾਸਨ ਵੱਲੋਂ ਉਸ ਦੀਆਂ ਸ਼ਿਕਾਇਤਾਂ ਵੱਲ ਧਿਆਨ ਨਾ ਦੇਣ ਕਾਰਨ ਉਸ ਨੇ ਆਪਣੇ ਕਰੀਅਰ ਦੇ ਕਈ ਮੌਕੇ ਗੁਆ ਦਿੱਤੇ, ਜਿਸ ਨਾਲ ਉਹਨਾਂ ਨੂੰ ਨਾ ਸਿਰਫ ਆਰਥਿਕ ਨੁਕਸਾਨ ਹੋਇਆ ਸਗੋਂ ਉਹਨਾਂ ਦੀ ਸਾਖ ਨੂੰ ਵੀ ਠੇਸ ਪਹੁੰਚੀ। 

ਬਾਲਚੰਦਰ ਬੌਬਸਨ 2012 ਵਿੱਚ ਫੈਕਲਟੀ ਵਿੱਚ ਸ਼ਾਮਲ ਹੋਏ। ਉਸ ਨੇ ਪ੍ਰੋਫੈਸਰ ਅਤੇ ਕਾਲਜ ਦੇ 'ਐਂਟਰਪ੍ਰਿਨਿਓਰਸ਼ਿਪ' ਡਿਵੀਜ਼ਨ ਦੇ ਸਾਬਕਾ ਚੇਅਰਮੈਨ ਐਂਡਰਿਊ ਕਾਰਬੇਟ 'ਤੇ ਵਿਤਕਰੇ ਵਾਲਾ ਕੰਮ ਦਾ ਮਾਹੌਲ ਬਣਾਉਣ ਦਾ ਦੋਸ਼ ਲਗਾਇਆ। ਬੋਸਟਨ ਵਿੱਚ ਅਮਰੀਕੀ ਜ਼ਿਲ੍ਹਾ ਅਦਾਲਤ ਵਿੱਚ 27 ਫਰਵਰੀ ਨੂੰ ਦਾਇਰ ਕੀਤੀ ਸ਼ਿਕਾਇਤ ਦੇ ਅਨੁਸਾਰ ਬਾਲਚੰਦਰ ਨੇ ਦੋਸ਼ ਲਾਇਆ ਕਿ ਉਸ ਦੇ ਖੋਜ ਰਿਕਾਰਡ ਦੇ ਬਾਵਜੂਦ ਉਸ ਨੂੰ ਖੋਜ ਅਤੇ ਕਈ ਮੌਕਿਆਂ ਤੋਂ ਵਾਂਝੇ ਰੱਖਿਆ ਗਿਆ ਸੀ। ਬਾਲਚੰਦਰ ਨੇ ਸ਼ਿਕਾਇਤ ਵਿੱਚ ਦੋਸ਼ ਲਾਇਆ ਕਿ “ਬੋਬਸਨ ਵਿੱਚ ਗੋਰੇ ਅਤੇ ਪੁਰਸ਼ ਫੈਕਲਟੀ ਦਾ ਪੱਖ ਪੂਰਿਆ ਜਾਂਦਾ ਹੈ ਅਤੇ ਉਨ੍ਹਾਂ ਲਈ ਪੁਰਸਕਾਰ ਅਤੇ ਵਿਸ਼ੇਸ਼ ਅਧਿਕਾਰ ਰਾਖਵੇਂ ਹਨ। ਸ਼ਿਕਾਇਤ ਦੇ ਅਨੁਸਾਰ ਉਸ ਦੇ ਖੋਜ ਰਿਕਾਰਡ ਦੇ ਬਾਵਜੂਦ ਕਾਲਜ ਵਿੱਚ ਦਿਲਚਸਪੀ ਜ਼ਾਹਰ ਕਰਨ ਅਤੇ ਸੇਵਾ ਕਰਨ ਦੇ ਬਾਵਜੂਦ, ਉਸ ਨੂੰ ਖੋਜ ਅਤੇ ਲਿਖਣ ਲਈ ਵਧੇਰੇ ਸਮਾਂ ਦੇਣ ਦੇ ਮੌਕੇ ਦੇਣ ਤੋਂ ਇਨਕਾਰ ਕੀਤਾ ਗਿਆ। ਇਸ ਨੇ ਅੱਗੇ ਕਿਹਾ ਕਿ "ਅਜਿਹੇ ਵਿਸ਼ੇਸ਼ ਅਧਿਕਾਰ ਨਿਯਮਿਤ ਤੌਰ 'ਤੇ ਗੋਰੇ ਪੁਰਸ਼ ਫੈਕਲਟੀ ਨੂੰ ਦਿੱਤੇ ਜਾਂਦੇ ਹਨ।" 

ਪੜ੍ਹੋ ਇਹ ਅਹਿਮ ਖ਼ਬਰ-'ਵਿਸ਼ਵ ਉਈਗਰ ਕਾਂਗਰਸ' 2023 ਦੇ ਨੋਬਲ ਸ਼ਾਂਤੀ ਪੁਰਸਕਾਰ ਲਈ ਨਾਮਜ਼ਦ, ਭੜਕਿਆ ਚੀਨ 

ਬਾਲਚੰਦਰ ਦੇ ਵਕੀਲ, ਮੋਨਿਕਾ ਸ਼ਾਹ ਨੇ ਕਿਹਾ ਕਿ ਪ੍ਰੋਫੈਸਰ ਨੇ ਵਿਤਕਰੇ ਵਿਰੁੱਧ ਮੈਸੇਚਿਉਸੇਟਸ ਕਮਿਸ਼ਨ ਕੋਲ ਭੇਦਭਾਵ ਦਾ ਮੁਕੱਦਮਾ ਵੀ ਦਾਇਰ ਕੀਤਾ ਹੈ। ਇਸ ਦੌਰਾਨ ਬੌਬਸਨ ਕਾਲਜ ਨੇ ਕਿਹਾ ਕਿ ਉਹ ਸ਼ਿਕਾਇਤਾਂ ਨੂੰ ਗੰਭੀਰਤਾ ਨਾਲ ਲੈਂਦੇ ਹਨ ਅਤੇ ਸ਼ਿਕਾਇਤਾਂ ਦੀ ਚੰਗੀ ਤਰ੍ਹਾਂ ਜਾਂਚ ਅਤੇ ਹੱਲ ਕਰਨ ਲਈ ਪ੍ਰੋਟੋਕੋਲ ਅਤੇ ਸਰੋਤ ਸਥਾਪਤ ਕੀਤੇ ਹਨ। ਖ਼ਬਰਾਂ ਨੇ ਬੌਬਸਨ ਕਾਲਜ ਦੇ ਬੁਲਾਰੇ ਦੇ ਹਵਾਲੇ ਨਾਲ ਕਿਹਾ ਕਿ “ਕਾਲਜ ਵਿੱਚ ਦੁਨੀਆ ਦੇ ਹਰ ਹਿੱਸੇ ਤੋਂ ਲੋਕ ਹਨ ਜਿੱਥੇ ਸਮਾਨਤਾ ਦੀ ਕਦਰ ਕੀਤੀ ਜਾਂਦੀ ਹੈ। ਕਾਲਜ ਵਿੱਚ ਕਿਸੇ ਵੀ ਤਰ੍ਹਾਂ ਦਾ ਵਿਤਕਰਾ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।'' ਰਿਪੋਰਟਾਂ ਮੁਤਾਬਕ ਬਾਲਚੰਦਰ ਇਸ ਸਮੇਂ ਨੈਸ਼ਨਲ ਸਾਇੰਸ ਫਾਊਂਡੇਸ਼ਨ ਵਿੱਚ ਫੈਲੋਸ਼ਿਪ ਲਈ ਛੁੱਟੀ 'ਤੇ ਹਨ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।