ਮੈਨਚੈਸਟਰ 'ਚ 72 ਸਾਲਾ ਔਰਤ ਤੇ ਵਿਅਕਤੀ ਨਾਲ ਰੇਪ, ਭਾਰਤੀ ਮੂਲ ਦਾ ਦੋਸ਼ੀ ਗ੍ਰਿਫ਼ਤਾਰ

ਇੰਟਰਨੈਸ਼ਨਲ ਡੈਸਕ : 72 ਸਾਲਾ ਇਕ ਬਜ਼ੁਰਗ ਔਰਤ ਅਤੇ ਇੰਨੀ ਹੀ ਉਮਰ ਦੇ ਵਿਅਕਤੀ ਨਾਲ ਰੇਪ ਦਾ ਸਨਸਨੀਖੇਜ਼ ਮਾਮਲਾ ਸਾਹਮਣੇ ਆਇਆ ਹੈ। ਦੋਵਾਂ ਪੀੜਤਾਂ ਦੀ ਸ਼ਿਕਾਇਤ 'ਤੇ ਪੁਲਸ ਮੌਕੇ 'ਤੇ ਪਹੁੰਚੀ ਪਰ ਪੁਲਸ ਉਸ ਸਮੇਂ  ਹੈਰਾਨ ਰਹਿ ਗਈ, ਜਦੋਂ ਦੋਸ਼ੀ 64 ਸਾਲ ਦਾ ਵਿਅਕਤੀ ਨਿਕਲਿਆ। ਪੁਲਸ ਨੇ ਮੁਲਜ਼ਮ ਖ਼ਿਲਾਫ਼ ਕੇਸ ਦਰਜ ਕਰਕੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।

ਨਿਊਜ਼ ਸਾਈਟ 'ਦਿ ਸਨ' ਦੀ ਰਿਪੋਰਟ ਮੁਤਾਬਕ ਇਹ ਮਾਮਲਾ ਇੰਗਲੈਂਡ ਦੇ ਗ੍ਰੇਟਰ ਮੈਨਚੈਸਟਰ ਦਾ ਹੈ। ਇੱਥੇ ਭਾਰਤੀ ਮੂਲ ਦੇ 64 ਸਾਲਾ ਵਿਅਕਤੀ ਨੂੰ 72 ਸਾਲਾ ਵਿਅਕਤੀ ਅਤੇ ਔਰਤ ਨਾਲ ਬਲਾਤਕਾਰ ਅਤੇ ਜਿਣਸੀ ਸ਼ੋਸ਼ਣ ਦੇ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਪੁਲਸ ਨੇ ਕਿਹਾ ਹੈ ਕਿ 18 ਮਾਰਚ 2023 ਨੂੰ ਤੜਕੇ 2:30 ਵਜੇ ਅਧਿਕਾਰੀਆਂ ਨੂੰ ਇਕ ਔਰਤ ਤੋਂ ਸੂਚਨਾ ਮਿਲੀ ਕਿ ਮੈਨਚੈਸਟਰ ਦੇ ਰਿਚਮੰਡ ਗ੍ਰੋਵ ਵਿੱਚ ਇਕ ਰਿਹਾਇਸ਼ ਵਿੱਚ ਇਕ ਰਾਤ ਪਹਿਲਾਂ ਉਸ ਨਾਲ ਰੇਪ ਕੀਤਾ ਗਿਆ ਸੀ।

ਇਹ ਵੀ ਪੜ੍ਹੋ : ਮੂਸੇਵਾਲਾ ਕਤਲ ਕਾਂਡ ਦਾ ਦੋਸ਼ੀ ਮਾਨਸਾ ਦੀ ਅਦਾਲਤ 'ਚ ਪੇਸ਼, ਸਚਿਨ ਥਾਪਨ ਦਾ ਵਧਿਆ 5 ਦਿਨਾ ਪੁਲਸ ਰਿਮਾਂਡ

ਸੂਚਨਾ ਤੋਂ ਬਾਅਦ ਅਧਿਕਾਰੀ ਮੌਕੇ 'ਤੇ ਪਹੁੰਚੇ ਤੇ ਪੀੜਤ ਔਰਤ ਨੂੰ ਤੁਰੰਤ ਮਾਹਿਰ ਅਧਿਕਾਰੀਆਂ ਅਤੇ ਸਹਾਇਤਾ ਸੇਵਾਵਾਂ ਦੁਆਰਾ ਸਹਾਇਤਾ ਪ੍ਰਦਾਨ ਕੀਤੀ ਗਈ। ਦੱਸਿਆ ਜਾਂਦਾ ਹੈ ਕਿ 64 ਸਾਲਾ ਵਿਅਕਤੀ ਨੂੰ ਬੀਤੀ 18 ਮਾਰਚ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਅਤੇ ਬਾਅਦ ਵਿੱਚ ਅਗਲੀ ਜਾਂਚ ਲਈ ਛੱਡ ਦਿੱਤਾ ਗਿਆ ਸੀ। 20 ਮਈ ਨੂੰ ਜਦੋਂ ਅਧਿਕਾਰੀ ਹੋਰ ਪੁੱਛਗਿੱਛ ਕਰ ਰਹੇ ਸਨ ਤਾਂ ਇਕ 72 ਸਾਲਾ ਵਿਅਕਤੀ ਨੇ ਵੀ ਆਪਣੇ ਨਾਲ ਜਿਣਸੀ ਸ਼ੋਸ਼ਣ ਦਾ ਦੋਸ਼ ਲਗਾ ਦਿੱਤਾ।

ਹੁਣ 2 ਅਕਤੂਬਰ 2023 ਨੂੰ 64 ਸਾਲਾ ਦੋਸ਼ੀ ਨੂੰ ਰੇਪ ਅਤੇ ਜਿਣਸੀ ਸ਼ੋਸ਼ਣ ਦੇ ਦੋਸ਼ਾਂ ਤਹਿਤ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਮੁਲਜ਼ਮ ਦੀ ਪਛਾਣ ਭਾਰਤੀ ਮੂਲ ਦੇ ਵਿਜੇ ਚਾਵਲਾ ਵਾਸੀ ਡੇਜ਼ੀ ਬੈਂਕ ਰੋਡ ਮੈਨਚੈਸਟਰ ਵਜੋਂ ਹੋਈ ਹੈ। ਇਸ ਮਾਮਲੇ ਦੀ ਅਗਲੀ ਸੁਣਵਾਈ 7 ਨਵੰਬਰ 2023 ਨੂੰ ਮੈਨਚੈਸਟਰ ਕਰਾਊਨ ਕੋਰਟ ਵਿੱਚ ਹੋਵੇਗੀ।

ਨੋਟ:- ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।

ਜਗ ਬਾਣੀ ਈ-ਪੇਪਰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

 For IOS:- https://itunes.apple.com/in/app/id538323711?mt=8