ਹੈਲੀਕਾਪਟਰ ਦਾ ਰੈਸਕਿਊ ਆਪਰੇਸ਼ਨ ਹੋ ਗਿਆ ਫੇਲ੍ਹ ! ਹਵਾ ਵਿਚਾਲੇ ਟੁੱਟ ਗਈਆਂ ਰੱਸੀਆਂ, ਸਿੱਧਾ ਜ਼ਮੀਨ ''ਤੇ...

ਇੰਟਰਨੈਸ਼ਨਲ ਡੈਸਕ- ਇਜ਼ਰਾਈਲ ਦੇ ਯਰੂਸ਼ਲਮ ਨੇੜੇ ਸ਼ੁੱਕਰਵਾਰ ਨੂੰ ਇਕ ਭਿਆਨਕ ਹਾਦਸਾ ਵਾਪਰ ਗਿਆ, ਜਿੱਥੇ ਇਜ਼ਰਾਈਲੀ ਹਵਾਈ ਫ਼ੌਜ ਦਾ ਇੱਕ ਯੂ.ਐੱਚ.-60 ਬਲੈਕ ਹਾਕ ਹੈਲੀਕਾਪਟਰ ਬੇਕਾਬੂ ਹੋ ਕੇ ਸਿੱਧਾ ਜ਼ਮੀਨ 'ਤੇ ਆ ਡਿੱਗਾ ਤੇ ਕ੍ਰੈਸ਼ ਹੋ ਗਿਆ। ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਇਸ ਨੂੰ ਇੱਕ ਹੋਰ ਵੱਡੇ ਹੈਲੀਕਾਪਟਰ ਰਾਹੀਂ ਇੱਕ ਥਾਂ ਤੋਂ ਦੂਜੀ ਥਾਂ ਲਿਜਾਇਆ ਜਾ ਰਿਹਾ ਸੀ।

ਇੱਕ ਵੱਡਾ ਸੀ.ਐੱਚ.-53 ਸੀ ਸਟਾਲੀਅਨ ਹੈਲੀਕਾਪਟਰ ਖ਼ਰਾਬ ਹੋਏ ਬਲੈਕ ਹਾਕ ਨੂੰ ਬੰਨ੍ਹ ਕੇ ਲਿਜਾ ਰਿਹਾ ਸੀ। ਇਸੇ ਦੌਰਾਨ ਹਵਾ ਵਿਚਾਲੇ ਹਾਰਨੈੱਸ ਟੁੱਟ ਗਏ, ਜਿਸ ਕਾਰਨ ਬਲੈਕ ਹਾਕ ਹੈਲੀਕਾਪਟਰ ਬੇਕਾਬੂ ਹੋ ਕੇ ਸਿੱਧਾ ਜ਼ਮੀਨ 'ਤੇ ਆ ਡਿੱਗਾ। ਹਾਲਾਂਕਿ ਇਜ਼ਰਾਈਲ ਰੱਖਿਆ ਬਲਾਂ ਨੇ ਪੁਸ਼ਟੀ ਕੀਤੀ ਹੈ ਕਿ ਇਸ ਹਾਦਸੇ ਵਿੱਚ ਕਿਸੇ ਵੀ ਤਰ੍ਹਾਂ ਦਾ ਜਾਨੀ ਨੁਕਸਾਨ ਨਹੀਂ ਹੋਇਆ ਹੈ ਅਤੇ ਨਾ ਹੀ ਕੋਈ ਕਰੂ ਮੈਂਬਰ ਜ਼ਖ਼ਮੀ ਹੋਇਆ ਹੈ।

🚨🇮🇱#BREAKING | NEWS ⚠️
New video as a Israeli CH-53
“Sea stallion” heavy lift transport helicopter suffered from a sling load failure while transporting a UH-60 Black Hawk near the West Bank, causing the UH – 60 to crash to the ground south of Jerusalem,Friday morning. pic.twitter.com/O0iZtFCiI1

— Todd Paron🇺🇸🇬🇷🎧👽 (@tparon) January 16, 2026

ਜ਼ਿਕਰਯੋਗ ਹੈ ਕਿ ਜਿਸ ਬਲੈਕ ਹਾਕ ਹੈਲੀਕਾਪਟਰ ਨਾਲ ਇਹ ਹਾਦਸਾ ਵਾਪਰਿਆ, ਉਸ ਨੇ ਮੰਗਲਵਾਰ ਨੂੰ ਖ਼ਰਾਬ ਮੌਸਮ ਕਾਰਨ ਵੈਸਟ ਬੈਂਕ ਦੇ ਗੁਸ਼ ਐਤਜ਼ੀਅਨ ਇਲਾਕੇ ਵਿੱਚ ਐਮਰਜੈਂਸੀ ਲੈਂਡਿੰਗ ਕੀਤੀ ਸੀ। ਸ਼ੁੱਕਰਵਾਰ ਨੂੰ ਇਸ ਨੂੰ ਮੁਰੰਮਤ ਲਈ ਉੱਥੋਂ ਵਾਪਸ ਲਿਆਂਦਾ ਜਾ ਰਿਹਾ ਸੀ।

ਇਜ਼ਰਾਈਲੀ ਹਵਾਈ ਫ਼ੌਜ ਦੇ ਮੁਖੀ ਮੇਜਰ ਜਨਰਲ ਤੋਮਰ ਬਾਰ ਨੇ ਇਸ ਘਟਨਾ ਦੀ ਜਾਂਚ ਲਈ ਇੱਕ ਫ਼ੌਜੀ ਕਮੇਟੀ ਬਣਾਉਣ ਦੇ ਹੁਕਮ ਦਿੱਤੇ ਹਨ ਤਾਂ ਜੋ ਰੱਸੀਆਂ ਟੁੱਟਣ ਦੇ ਅਸਲ ਕਾਰਨਾਂ ਦਾ ਪਤਾ ਲਗਾਇਆ ਜਾ ਸਕੇ। ਸੋਸ਼ਲ ਮੀਡੀਆ 'ਤੇ ਇਸ ਹਾਦਸੇ ਦੀ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਹੈਲੀਕਾਪਟਰ ਨੂੰ ਅਸਮਾਨ ਵਿੱਚੋਂ ਡਿੱਗਦਿਆਂ ਅਤੇ ਜ਼ਮੀਨ ਨਾਲ ਟਕਰਾ ਕੇ ਚਕਨਾਚੂਰ ਹੁੰਦਿਆਂ ਸਾਫ਼ ਦੇਖਿਆ ਜਾ ਸਕਦਾ ਹੈ। ਹਾਦਸੇ ਤੋਂ ਬਾਅਦ ਜਹਾਜ਼ ਦਾ ਪਿਛਲਾ ਹਿੱਸਾ ਟੁੱਟ ਗਿਆ ਹੈ, ਹਾਲਾਂਕਿ ਬਾਕੀ ਹਿੱਸਾ ਸੁਰੱਖਿਅਤ ਦੱਸਿਆ ਜਾ ਰਿਹਾ ਹੈ।