ਹਮਾਸ ਨੇ 2 ਇਜ਼ਰਾਈਲੀ ਬੰਧਕਾਂ ਨੂੰ ਕੀਤਾ ਰਿਹਾਅ

ਰਫਾਹ/ਗਾਜ਼ਾ ਪੱਟੀ (ਏਜੰਸੀ)- ਇਜ਼ਰਾਈਲ ਅਤੇ ਹਮਾਸ ਵਿਚਕਾਰ ਹੋਈ ਜੰਗਬੰਦੀ ਦੇ ਤਹਿਤ ਸ਼ਨੀਵਾਰ ਨੂੰ 6 ਇਜ਼ਰਾਈਲੀ ਬੰਧਕਾਂ ਵਿੱਚੋਂ 2 ਨੂੰ ਰੈੱਡ ਕਰਾਸ ਦੇ ਹਵਾਲੇ ਕਰ ਦਿੱਤਾ ਗਿਆ। 2 ਬੰਧਕਾਂ - ਤਾਲ ਸ਼ੋਹਮ (40) ਅਤੇ ਅਵੇਰਾ ਮੈਂਗਿਸਟੂ (39) - ਨੂੰ ਨਕਾਬਪੋਸ਼ ਅਤੇ ਹਥਿਆਰਬੰਦ ਹਮਾਸ ਲੜਾਕਿਆਂ ਨੇ ਸਟੇਜ 'ਤੇ ਲਿਆਂਦਾ ਅਤੇ ਫਿਰ ਰੈੱਡ ਕਰਾਸ ਐਂਬੂਲੈਂਸ ਵਿੱਚ ਵਿਚ ਬਿਛਾ ਦਿੱਤਾ। ਇਸ ਤੋਂ ਬਾਅਦ ਐਂਬੂਲੈਂਸ ਇਜ਼ਰਾਈਲ ਵਿੱਚ ਇੱਕ ਨੇੜਲੇ ਕਰਾਸਿੰਗ ਵੱਲ ਵਧ ਗਈ। ਇਜ਼ਰਾਈਲ ਅਤੇ ਹਮਾਸ ਵਿਚਕਾਰ ਬੰਧਕਾਂ ਅਤੇ ਕੈਦੀਆਂ ਦੀ ਰਿਹਾਈ ਅਜਿਹੇ ਸਮੇਂ ਹੋ ਰਹੀ ਹੈ ਜਦੋਂ ਹਮਾਸ ਦੇ ਕੱਟੜਪੰਥੀਆਂ ਵੱਲੋਂ 2 ਅਗਵਾ ਬੱਚਿਆਂ ਦੀ ਮਾਂ ਸ਼ੀਰੀ ਬਿਬਾਸ ਦੀ ਬਜਾਏ ਕਿਸੇ ਹੋਰ ਦੀ ਲਾਸ਼ ਸੌਂਪ ਦਿੱਤੀ ਸੀ ਅਤੇ ਇਸ ਨੂੰ ਲੈਕੇ ਫਲਸਤੀਨ ਗੁੱਸਾ ਹੈ।

ਹਮਾਸ ਵੱਲੋਂ 2 ਬੱਚਿਆਂ ਦੀਆਂ ਲਾਸ਼ਾਂ ਦੇ ਨਾਲ ਸੌਂਪੀ ਗਈ ਔਰਤ ਦੀ ਲਾਸ਼ ਇੱਕ ਫਲਸਤੀਨੀ ਔਰਤ ਦੀ ਸੀ, ਬੱਚਿਆਂ ਦੀ ਮਾਂ ਸ਼ੀਰੀ ਬਿਬਾਸ ਦੀ ਨਹੀਂ। ਇਜ਼ਰਾਈਲੀ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਇਸਨੂੰ ਸਮਝੌਤੇ ਦੀ ਉਲੰਘਣਾ ਕਿਹਾ ਸੀ ਅਤੇ ਬਦਲਾ ਲੈਣ ਦੀ ਸਹੁੰ ਖਾਧੀ ਹੈ। ਉਥੇ ਹੀ ਹਮਾਸ ਨੇ ਕਿਹਾ ਕਿ ਇਹ ਇੱਕ ਗਲਤੀ ਸੀ। ਸ਼ਨੀਵਾਰ ਨੂੰ ਰਿਹਾਅ ਕੀਤੇ ਜਾ ਰਹੇ 6 ਬੰਧਕ ਜੰਗਬੰਦੀ ਦੇ ਪਹਿਲੇ ਪੜਾਅ ਤਹਿਤ ਰਿਹਾਅ ਕੀਤੇ ਜਾਣ ਵਾਲੇ ਆਖਰੀ ਬਚੇ ਹੋਏ ਲੋਕ ਹਨ। ਇਥੋਪੀਆਈ-ਇਜ਼ਰਾਈਲੀ ਮੈਂਗਿਸਟੂ ਨੂੰ 2014 ਵਿੱਚ ਗਾਜ਼ਾ ਵਿੱਚ ਬੰਦੀ ਬਣਾਇਆ ਗਿਆ ਸੀ। ਮੈਂਗਿਸਟੂ ਦੇ ਪਰਿਵਾਰ ਨੇ ਉਸਦੀ ਰਿਹਾਈ 'ਤੇ ਗੀਤ ਗਾਏ। 7 ਅਕਤੂਬਰ 2023 ਨੂੰ ਜਦੋਂ ਹਮਾਸ ਦੇ ਕੱਟੜਪੰਥੀਆਂ ਨੇ ਉਸ ਜਗ੍ਹਾ 'ਤੇ ਹਮਲਾ ਕੀਤਾ ਤਾਂ ਉੱਤਰੀ ਇਜ਼ਰਾਈਲੀ ਪਿੰਡ ਮਾਲੇ ਤਜ਼ਵੀਆ ਦਾ ਰਹਿਣ ਵਾਲਾ ਸ਼ੋਹਮ ਆਪਣੀ ਪਤਨੀ ਦੇ ਪਰਿਵਾਰ ਨੂੰ ਮਿਲਣ ਲਈ ਕਿਬੁਟਜ਼ ਬੇਰੀ ਗਿਆ ਸੀ।