ਕੌਣ ਹੈ ਦੁਨੀਆ ਦੀ ਸਭ ਤੋਂ Glamorous Scientist, ਜਿਸ ਨੇ 18 ਫੁੱਟ ਲੰਬੇ ਅਜਗਰ ਦਾ ਕੀਤਾ ਆਪ੍ਰੇਸ਼ਨ

ਇੰਟਰਨੈਸ਼ਨਲ ਡੈਸਕ : ਦੁਨੀਆ ਦੀ ਸਭ ਤੋਂ ਗਲੈਮਰਸ ਸਾਇੰਟਿਸਟਸ 'ਚੋਂ ਇਕ ਰੋਜ਼ੀ ਮੂਰ (Rosie Moore) ਇਕ ਵਾਰ ਫਿਰ ਸੁਰਖੀਆਂ 'ਚ ਹੈ। ਇਸ ਵਾਰ ਉਸ ਨੇ ਅਜਿਹਾ ਕੰਮ ਕੀਤਾ ਹੈ ਕਿ ਲੋਕ ਇਸ ਬਾਰੇ ਜਾਣ ਕੇ ਦੰਗ ਰਹਿ ਗਏ ਹਨ। ਦਰਅਸਲ, ਉਨ੍ਹਾਂ ਨੇ ਵਿਗਿਆਨੀਆਂ ਦੀ ਆਪਣੀ ਟੀਮ ਨਾਲ ਮਿਲ ਕੇ ਅਜਗਰ ਦੇ ਪੇਟ ਦੇ ਅੰਦਰੋਂ ਮਗਰਮੱਛ ਨੂੰ ਬਾਹਰ ਕੱਢਿਆ ਹੈ।

ਇਹ ਵੱਖਰੀ ਗੱਲ ਹੈ ਕਿ ਅਜਗਰ ਨੇ ਆਪ੍ਰੇਸ਼ਨ ਤੋਂ ਪਹਿਲਾਂ ਹੀ ਆਪਣੀ ਜਾਨ ਗਵਾ ਲਈ ਸੀ ਕਿਉਂਕਿ ਮਜ਼ਦੂਰਾਂ ਨੇ ਇਸ ਦੇ ਅੰਦਰ ਕੋਈ ਜ਼ਿੰਦਾ ਇਨਸਾਨ ਹੋਣ ਦੇ ਸ਼ੱਕ ਵਿੱਚ ਉਸ ਦਾ ਪੇਟ ਪਾੜ ਦਿੱਤਾ ਸੀ। ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਰੋਜ਼ੀ ਮੂਰ ਨੇ ਆਪ੍ਰੇਸ਼ਨ ਦੌਰਾਨ ਕਲਪਨਾ ਵੀ ਨਹੀਂ ਕੀਤੀ ਹੋਵੇਗੀ ਕਿ ਇਕ ਅਜਗਰ ਦੇ ਪੇਟ ਵਿੱਚ ਇੰਨਾ ਵੱਡਾ ਮਗਰਮੱਛ ਹੋਵੇਗਾ।

ਇਹ ਵੀ ਪੜ੍ਹੋ : 2.8 ਕਰੋੜ ਦਰਸ਼ਕਾਂ ਨੇ ਆਨਲਾਈਨ ਦੇਖਿਆ ਵਿਰਾਟ ਕੋਹਲੀ ਦਾ ਸੈਂਕੜਾ, ਜੈ ਸ਼ਾਹ ਨੇ ਕੀਤਾ ਟਵੀਟ

Dailystar ਦੀ ਰਿਪੋਰਟ ਮੁਤਾਬਕ ਇਹ ਪੂਰਾ ਮਾਮਲਾ ਅਮਰੀਕਾ ਦਾ ਹੈ। ਇੱਥੇ ਫਲੋਰੀਡਾ ਰਾਜ ਦੇ ਐਵਰਗਲੇਡਜ਼ ਖੇਤਰ ਵਿੱਚ ਖੇਤ ਮਜ਼ਦੂਰਾਂ ਨੇ ਹਾਲ ਹੀ 'ਚ ਇਕ 18 ਫੁੱਟ ਲੰਬਾ ਬਰਮੀ ਅਜਗਰ ਫੜਿਆ, ਜੋ ਕਿ ਬਹੁਤ ਮੋਟਾ ਦਿਖਾਈ ਦੇ ਰਿਹਾ ਸੀ। ਇਸ ਤੋਂ ਬਾਅਦ ਵਰਕਰਾਂ ਨੇ ਅਜਗਰ ਦਾ ਪੇਟ ਕੱਟ ਦਿੱਤਾ। ਕੁਝ ਸਮੇਂ ਬਾਅਦ ਅਜਗਰ ਦੀ ਮੌਤ ਹੋ ਗਈ।

ਇਨਸਾਨ ਹੋਣ ਦੇ ਸ਼ੱਕ 'ਚ ਕੱਟਿਆ ਅਜਗਰ ਦਾ ਪੇਟ

ਮਜ਼ਦੂਰਾਂ ਨੇ ਸੋਚਿਆ ਕਿ ਸ਼ਾਇਦ ਅਜਗਰ ਦੇ ਪੇਟ ਵਿੱਚ ਕੁਝ ਹੈ, ਇਸ ਲਈ ਉਨ੍ਹਾਂ ਨੇ ਉਸ ਦਾ ਪੇਟ ਕੱਟ ਦਿੱਤਾ। ਬਾਅਦ ਵਿੱਚ ਮਜ਼ਦੂਰ 18 ਫੁੱਟ ਦੇ ਅਜਗਰ ਨੂੰ ਹਸਪਤਾਲ ਲੈ ਗਏ। ਉਸੇ ਸਮੇਂ ਪ੍ਰਯੋਗਸ਼ਾਲਾ ਵਿੱਚ ਅਜਗਰ ਦਾ ਪੇਟ ਆਮ ਨਾਲੋਂ ਵੱਧ ਫੁੱਲਿਆ ਹੋਇਆ ਸੀ। ਇਸ 'ਤੇ ਵਿਗਿਆਨੀ ਨੂੰ ਸ਼ੱਕ ਹੋਇਆ ਕਿ ਅਜਗਰ ਨੇ ਕਿਸੇ ਜਾਨਵਰ ਨੂੰ ਨਿਗਲ ਲਿਆ ਹੈ। ਰੋਜ਼ੀ ਮੂਰ ਨੇ ਇੰਸਟਾਗ੍ਰਾਮ 'ਤੇ ਪੋਸਟ ਕੀਤਾ, ''ਜਿਨ੍ਹਾਂ ਲੋਕਾਂ ਨੇ ਇਸ ਅਜਗਰ ਨੂੰ ਫੜਿਆ, ਉਨ੍ਹਾਂ ਨੇ ਇਸ ਨੂੰ ਲੈਬਾਰਟਰੀ ਨੂੰ ਸੌਂਪਣ ਤੋਂ ਪਹਿਲਾਂ ਹੀ ਮਾਰ ਦਿੱਤਾ।''

ਇਹ ਵੀ ਪੜ੍ਹੋ : ਕ੍ਰੈਡਿਟ ਸੂਇਸ ਮਾਮਲੇ 'ਚ SC ਦੀ ਸਪਾਈਸਜੈੱਟ ਨੂੰ ਦੋ-ਟੁਕ- "ਨਹੀਂ ਕੀਤਾ ਭੁਗਤਾਨ ਤਾਂ ਭੇਜ ਦਿਆਂਗੇ ਤਿਹਾੜ ਜੇਲ੍ਹ"

ਇਸ ਤੋਂ ਬਾਅਦ ਰੋਜ਼ੀ ਮੂਰ ਅਤੇ ਉਸ ਦੇ ਸਾਥੀ ਵਿਗਿਆਨੀਆਂ ਦੀ ਟੀਮ ਨੇ ਅਜਗਰ ਦੇ ਪੇਟ ਦਾ ਆਪ੍ਰੇਸ਼ਨ ਕੀਤਾ ਤਾਂ ਉਨ੍ਹਾਂ ਦੀਆਂ ਅੱਖਾਂ ਖੁੱਲ੍ਹੀਆਂ ਹੀ ਰਹਿ ਗਈਆਂ। ਅਜਗਰ ਦੇ ਪੇਟ ਵਿੱਚੋਂ ਇਕ ਵੱਡਾ ਮਗਰਮੱਛ ਨਿਕਲਿਆ। Rosie Moore ਨੇ ਕਿਹਾ ਕਿ ਉਹ ਅਤੇ ਉਨ੍ਹਾਂ ਦੇ ਸਾਥੀ ਵਿਗਿਆਨੀ ਮਗਰਮੱਛ ਕੱਢਦੇ ਸਮੇਂ ਘਬਰਾਏ ਹੋਏ ਸਨ। ਉਨ੍ਹਾਂ ਨੂੰ ਡਰ ਸੀ ਕਿ ਕਿਤੇ ਕੋਈ ਜ਼ਿੰਦਾ ਮਗਰਮੱਛ ਉਨ੍ਹਾਂ 'ਤੇ ਹਮਲਾ ਨਾ ਕਰ ਦੇਵੇ।

 

 

 

 

 

View this post on Instagram

 

 

 

 

 

 

 

 

 

 

 

A post shared by Rosie Moore (@rosiekmoore)

ਨੋਟ:- ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।

ਜਗ ਬਾਣੀ ਈ-ਪੇਪਰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

 For IOS:- https://itunes.apple.com/in/app/id538323711?mt=8