ਕਰਨ ਔਜਲਾ ਨੇ ਤੋੜ''ਤੇ ਸਾਰੇ ਰਿਕਾਰਡ ! ਚੰਡੀਗੜ੍ਹ ਸ਼ੋਅ ਬਣਿਆ ਹੁਣ ਤੱਕ ਦਾ ਸਭ ਤੋਂ ਵੱਡਾ ਪੰਜਾਬੀ ਲਾਈਵ ਕੰਸਰਟ

ਚੰਡੀਗੜ੍ਹ (ਏਜੰਸੀ): ਪੰਜਾਬੀ ਸੰਗੀਤ ਜਗਤ ਦੇ ਦਿੱਗਜ ਗਾਇਕ ਕਰਨ ਔਜਲਾ ਨੇ ਆਪਣੇ 'ਪੀ-ਪੌਪ ਕਲਚਰ ਇੰਡੀਆ ਟੂਰ' ਦੌਰਾਨ ਚੰਡੀਗੜ੍ਹ ਵਿੱਚ ਇੱਕ ਨਵਾਂ ਇਤਿਹਾਸ ਸਿਰਜ ਦਿੱਤਾ ਹੈ। ਸ਼ਨੀਵਾਰ ਰਾਤ ਨੂੰ ਹੋਏ ਇਸ ਸ਼ਾਨਦਾਰ ਕੰਸਰਟ ਵਿੱਚ 40,000 ਤੋਂ ਵੱਧ ਪ੍ਰਸ਼ੰਸਕਾਂ ਦਾ ਹੜ੍ਹ ਉਮੜਿਆ, ਜਿਸ ਨੇ ਇਸ ਨੂੰ ਸ਼ਹਿਰ ਦਾ ਹੁਣ ਤੱਕ ਦਾ ਸਭ ਤੋਂ ਵੱਡਾ ਪੰਜਾਬੀ ਲਾਈਵ ਕੰਸਰਟ ਬਣਾ ਦਿੱਤਾ ਹੈ।

ਇਹ ਵੀ ਪੜ੍ਹੋ: ਰਵੀ ਦੁਬੇ ਤੇ ਸਰਗੁਣ ਮਹਿਤਾ ਦੀ ਲਵ ਸਟੋਰੀ ਦਾ ਨਵਾਂ ਕਿੱਸਾ; ਸਵੇਰੇ-ਸਵੇਰੇ ਜਗਾ ਕੇ ਕਹਿੰਦੇ ਨੇ...

ਯਾਦਗਾਰੀ ਰਹੀ ਮਿਊਜ਼ਿਕਲ ਨਾਈਟ

'ਟੀਮ ਇਨੋਵੇਸ਼ਨ' ਵੱਲੋਂ ਕਰਵਾਏ ਗਏ ਇਸ ਪ੍ਰੋਗਰਾਮ ਵਿੱਚ ਔਜਲਾ ਨੇ ਆਪਣੇ ਸੁਪਰਹਿੱਟ ਗੀਤਾਂ ਜਿਵੇਂ 'ਸੌਫਟਲੀ', 'ਵਿਨਿੰਗ ਸਪੀਚ', '52 ਬਾਰਜ਼', 'ਟੇਕ ਇਟ ਈਜ਼ੀ' ਅਤੇ 'ਐਡਮਾਇਰਿੰਗ ਯੂ' ਨਾਲ ਦਰਸ਼ਕਾਂ ਨੂੰ ਝੂਮਣ ਲਗਾ ਦਿੱਤਾ। ਪ੍ਰਸ਼ੰਸਕਾਂ ਦੇ ਜੋਸ਼ ਨੇ ਪੂਰੇ ਮਾਹੌਲ ਨੂੰ ਜਾਦੂਈ ਬਣਾ ਦਿੱਤਾ। ਇਸ ਮੌਕੇ ਭਾਵੁਕ ਹੁੰਦਿਆਂ ਕਰਨ ਔਜਲਾ ਨੇ ਕਿਹਾ, "ਪੰਜਾਬ ਮੇਰੀ ਮਾਤ-ਭੂਮੀ ਹੈ, ਜਿੱਥੋਂ ਸਭ ਕੁਝ ਸ਼ੁਰੂ ਹੋਇਆ। ਅੱਜ ਦੀ ਰਾਤ ਸਿਰਫ਼ ਇੱਕ ਸ਼ੋਅ ਨਹੀਂ ਸੀ, ਸਗੋਂ ਪਿਆਰ ਅਤੇ ਸਤਿਕਾਰ ਦਾ ਇੱਕ ਅਜਿਹਾ ਪਲ ਸੀ ਜਿਸ ਨੇ ਮੇਰਾ ਸਫ਼ਰ ਪੂਰਾ ਕੀਤਾ। ਚੰਡੀਗੜ੍ਹ ਵਾਲਿਓ, ਤੁਸੀਂ ਇਸ ਰਾਤ ਨੂੰ ਹਮੇਸ਼ਾ ਲਈ ਯਾਦਗਾਰ ਬਣਾ ਦਿੱਤਾ ਹੈ।"

ਇਹ ਵੀ ਪੜ੍ਹੋ: ਹੁਣ ਫ਼ਿਲਮੀ ਪਿੱਚ 'ਤੇ ਚੌਕੇ-ਛੱਕੇ ਮਾਰੇਗਾ ਇਹ ਸਟਾਰ ਕ੍ਰਿਕਟਰ ! 'ਰੱਬ ਦਾ ਰੇਡੀਓ 3' ਨਾਲ ਕਰਨ ਜਾ ਰਿਹਾ ਡੈਬਿਊ

ਅੱਗੇ ਕਿੱਥੇ ਹੋਣਗੇ ਸ਼ੋਅ?

'ਟੀਮ ਇਨੋਵੇਸ਼ਨ' ਦੇ ਸੰਸਥਾਪਕ ਮੋਹਿਤ ਬਿਜਲਾਨੀ ਨੇ ਦੱਸਿਆ ਕਿ ਚੰਡੀਗੜ੍ਹ ਦੇ ਪ੍ਰਸ਼ੰਸਕਾਂ ਅਤੇ ਪ੍ਰਸ਼ਾਸਨ ਦੇ ਸਹਿਯੋਗ ਨੇ ਟੂਰ ਲਈ ਇੱਕ ਉੱਚਾ ਮਿਆਰ ਸਥਾਪਤ ਕੀਤਾ ਹੈ। ਹੁਣ ਕਰਨ ਔਜਲਾ ਦੇ ਅਗਲੇ ਪ੍ਰੋਗਰਾਮ, 21 ਮਾਰਚ ਨੂੰ ਇੰਦੌਰ, 29 ਮਾਰਚ ਨੂੰ ਬੈਂਗਲੁਰੂ, 3 ਅਪ੍ਰੈਲ ਨੂੰ ਕੋਲਕਾਤਾ, 5 ਅਪ੍ਰੈਲ ਨੂੰ ਜੈਪੁਰ, 10 ਅਪ੍ਰੈਲ ਲਖਨਊ ਅਤੇ 12 ਅਪ੍ਰੈਲ ਨੂੰ ਲੁਧਿਆਣਾ ਵਿੱਚ ਹੋਣਗੇ।

ਇਹ ਵੀ ਪੜ੍ਹੋ : ਮੂਸੇਵਾਲਾ ਦੇ ਘਰ ਪਹੁੰਚੇ ਗੁਰਦਾਸ ਮਾਨ; ਛੋਟੇ ਸ਼ੁਭਦੀਪ ਨੂੰ ਦੇਖ, ਕਿਹਾ- 'ਇਹ ਤਾਂ ਹੂ-ਬ-ਹੂ ਸਿੱਧੂ ਵਰਗਾ ਹੈ'

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e