ਜਰਮਨੀ ਦੀ ਨਵੀਂ ਸੰਸਦ ਨੇ ਸੋਸ਼ਲ ਡੈਮੋਕ੍ਰੇਟ ਸੰਸਦ ਮੈਂਬਰ ਨੂੰ ਚੁਣਿਆ ਪ੍ਰਧਾਨ

ਬਰਲਿਨ-ਜਰਮਨ ਦੀ ਨਵੀਂ ਚੁਣੀ ਗਈ ਸੰਸਦ ਨੇ ਮੰਗਲਵਾਰ ਨੂੰ ਆਪਣੀ ਪਹਿਲੀ ਬੈਠਕ ਕੀਤੀ ਅਤੇ 736 ਮੈਂਬਰੀ ਹੇਠਲੀ ਸਦਨ ਜਾਂ ਬੁੰਡੇਸਟੈਗ ਦੇ ਪ੍ਰਧਾਨ ਦੇ ਤੌਰ 'ਤੇ ਮੱਧ-ਵਾਮਪੰਥੀ 'ਸੋਸ਼ਲ ਡੈਮੋਕ੍ਰੇਟਿਕ ਪਾਰਟੀ' ਦੇ ਇਕ ਸੰਸਦ ਨੂੰ ਚੁਣਿਆ। ਜਰਮਨ ਚਾਂਸਲਰ ਐਂਜੇਲ ਮਰਕੇਲ ਨੇ ਸੈਸ਼ਨ 'ਚ ਹਿੱਸਾ ਲਿਆ, ਹਾਲਾਂਕਿ ਉਹ ਹੁਣ ਸੰਸਦ ਮੈਂਬਰ ਨਹੀਂ ਹੈ। ਉਹ ਸੰਸਦ ਦੀ ਦਰਸ਼ਕ ਗੈਲਰੀ 'ਚ ਬੈਠੀ ਸੀ। ਜਰਮਨ ਰਾਸ਼ਟਰਪਤੀ ਫ੍ਰੈਂਕ-ਵਾਟਲਰ ਸਟੀਨਮੀਅਰ ਰਸਮੀ ਤੌਰ 'ਤੇ ਮਰਕੇਲ ਅਤੇ ਉਨ੍ਹਾਂ ਦੇ ਮੰਤਰੀ ਮੰਡਲ ਨੂੰ ਤੁਰੰਤ ਬਰਖਾਸਤ ਕਰਨਗੇ, ਹਾਲਾਂਕਿ ਉਨ੍ਹਾਂ ਨੂੰ (ਮਰਕੇਲ ਅਤੇ ਮੰਤਰੀਆਂ ਨੂੰ) ਇਕ ਨਵੀਂ ਸਰਕਾਰ ਬਣਨ ਤੱਕ ਕਾਰਜਕਾਰੀ ਸਮਰੱਥਾ 'ਚ ਰਹਿਣ ਲਈ ਕਿਹਾ ਜਾਵੇਗਾ।

ਇਹ ਵੀ ਪੜ੍ਹੋ : ਟੀਕਾ ਵਿਰੋਧੀ ਟਿੱਪਣੀਆਂ ਦੇ ਹੜ੍ਹ ਕਾਰਨ ਫੇਸਬੁੱਕ ਦੇ ਸਿਸਟਮ 'ਚ ਮਚੀ ਸੀ ਹਲਚਲ

ਪਿਛਲੇ ਮਹੀਨੇ ਜਮਰਨ ਦੀਆਂ ਸੰਘੀ ਚੋਣਾਂ 'ਚ ਮਰਕੇਲ ਦਾ 'ਯੂਨੀਅਨ ਬਲਾਕ' ਸੋਸ਼ਲ ਡੈਮੋਕ੍ਰੇਟਸ ਤੋਂ ਪਿੱਛੇ ਰਹਿ ਗਿਆ ਸੀ। ਪਿਛਲੀ ਸੰਸਦ ਦੇ ਪ੍ਰਧਾਨ ਵੋਲਫਗੈਂਗ ਸ਼ਾਏਬਲੇ ਨੇ ਕਿਹਾ ਕਿ 'ਨਾਗਰਿਕ ਸਾਨੂੰ ਦੇਖ ਰਹੇ ਹਨ ਅਤੇ ਸੰਸਦ ਤੋਂ ਉਨ੍ਹਾਂ ਦੀਆਂ ਉਮੀਦਾਂ ਬਹੁਤ ਜ਼ਿਆਦਾ ਹਨ। ਸਾਨੂੰ ਸਾਰਿਆਂ ਨੂੰ ਉਨ੍ਹਾਂ ਦੀਆਂ ਉਮੀਦਾਂ ਨੂੰ ਪੂਰਾ ਕਰਨ ਲਈ ਹਰ ਸੰਭਵ ਕੋਸ਼ਿਸ਼ ਕਰਨਾ ਜਾਰੀ ਰੱਖਣਾ ਚਾਹੀਦਾ। ਸ਼ਾਏਬਲੇ (79) ਸੰਸਦ ਦੇ ਰੂੜੀਵਾਦੀ, ਅਨੁਭਵੀ ਮੈਂਬਰ ਹਨ ਅਤੇ ਪੂਰਬ 'ਚ ਵਿੱਤ ਅਤੇ ਗ੍ਰਹਿ ਮੰਤਰਾਲਾ ਸੰਭਾਲ ਚੁੱਕੇ ਹਨ। ਉਹ ਸੰਸਦ ਦੇ ਸਭ ਤੋਂ ਲੰਬੇ ਸਮੇਂ ਤੱਕ ਸੇਵਾ ਕਰਨ ਵਾਲੇ ਮੈਂਬਰ ਹਨ। ਉਹ 1972 ਤੋਂ ਸੰਸਦ ਮੈਂਬਰ ਹਨ।

ਇਹ ਵੀ ਪੜ੍ਹੋ : ਚੀਨ 'ਚ ਤੇਜ਼ੀ ਨਾਲ ਫੈਲ ਰਿਹੈ ਕੋਰੋਨਾ ਦਾ ਡੈਲਟਾ ਵੇਰੀਐਂਟ, ਲਾਨਝੋਓ 'ਚ ਲੱਗੀ ਤਾਲਾਬੰਦੀ

ਨਵੀਂ ਪ੍ਰਧਾਨ, ਬਾਰਬੇਲ ਬਾਸ, 2009 ਤੋਂ ਬੁੰਡੇਸਟੈਗ ਦੇ ਮੈਂਬਰ ਹਨ। ਬਾਸ (53) ਪਿਛਲੀ ਸੰਸਦ 'ਚ ਆਪਣੀ ਪਾਰਟੀ ਦੇ ਮੈਂਬਰੀ ਸਮੂਹ ਦੀ ਉਪ ਨੇਤਾ ਅਤੇ ਸਿਹਤ, ਸਿੱਖਿਆ ਅਤੇ ਖੋਜ 'ਤੇ ਇਸ ਦੀ ਬੁਲਾਰਨ ਸੀ। ਉਨ੍ਹਾਂ ਨੇ ਮੰਗਲਵਾਰ ਨੂੰ ਸਾਥੀ ਸੰਸਦਾਂ ਨੂੰ ਕਿਹਾ ਕਿ ਉਹ ਸੰਸਦ 'ਚ ਮਹਿਲਾਵਾਂ ਦੇ ਬਿਹਤਰ ਪ੍ਰਤੀਨਿਧੀ ਲਈ ਕੰਮ ਕਰੇਗੀ। 1949 'ਚ ਬੁੰਡੇਸਟੈਗ ਦੀ ਸਥਾਪਨਾ ਤੋਂ ਬਾਅਦ ਬਾਸ ਸਿਰਫ ਤੀਸਰੀ ਮਹਿਲਾ ਹੈ ਜਿਨ੍ਹਾਂ ਨੂੰ ਬੁੰਡੇਸਟੈਗ ਦੀ ਅਗਵਾਈ ਕਰਨ ਦਾ ਮੌਕਾ ਮਿਲਿਆ ਹੈ।

ਇਹ ਵੀ ਪੜ੍ਹੋ : Covaxin ਨੂੰ ਜਲਦ ਮਿਲ ਸਕਦੀ ਹੈ WHO ਤੋਂ ਐਮਰਜੈਂਸੀ ਇਸਤੇਮਾਲ ਦੀ ਮਨਜ਼ੂਰੀ

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।