ਮੌਤ ਦੇ ਸਾਏ ਹੇਠ ਗੁਜ਼ਰ ਰਿਹੈ ਹਰ ਪਲ : ਦੁਬਈ 'ਚ ਫਸੀ ਸਿੰਧੂ ਨੇ ਦੱਸਿਆ ਏਅਰਪੋਰਟ ਦਾ ਖੌਫਨਾਕ ਮੰਜ਼ਰ

ਦੁਬਈ/ਨਵੀਂ ਦਿੱਲੀ : ਈਰਾਨ ਅਤੇ ਇਜ਼ਰਾਈਲ ਵਿਚਾਲੇ ਚੱਲ ਰਹੀ ਜੰਗ ਕਾਰਨ ਦੁਨੀਆ ਭਰ ਵਿੱਚ ਹਵਾਈ ਸੇਵਾਵਾਂ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈਆਂ ਹਨ, ਜਿਸ ਕਾਰਨ ਭਾਰਤ ਦੀ ਸਟਾਰ ਬੈਡਮਿੰਟਨ ਖਿਡਾਰਨ ਅਤੇ ਦੋ ਵਾਰ ਦੀ ਓਲੰਪਿਕ ਮੈਡਲ ਜੇਤੂ ਪੀ.ਵੀ. ਸਿੰਧੂ ਆਪਣੀ ਟੀਮ ਸਮੇਤ ਦੁਬਈ ਏਅਰਪੋਰਟ 'ਤੇ ਫਸ ਗਈ ਹੈ,। ਸਿੰਧੂ ਇੰਗਲੈਂਡ ਦੇ ਬਰਮਿੰਘਮ ਜਾ ਰਹੀ ਸੀ, ਪਰ ਯੁੱਧ ਕਾਰਨ ਪੈਦਾ ਹੋਏ ਹਾਲਾਤਾਂ ਨੇ ਉਸ ਦੇ ਸਫ਼ਰ ਵਿੱਚ ਰੁਕਾਵਟ ਪਾ ਦਿੱਤੀ ਹੈ।

ਏਅਰਪੋਰਟ 'ਤੇ ਹੋਇਆ ਧਮਾਕਾ 
ਸਿੰਧੂ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' (X) 'ਤੇ ਦਹਿਸ਼ਤ ਭਰੇ ਪਲਾਂ ਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਉੱਥੇ ਹਰ ਗੁਜ਼ਰਦਾ ਘੰਟਾ ਹੋਰ ਡਰਾਉਣਾ ਹੁੰਦਾ ਜਾ ਰਿਹਾ ਹੈ। ਉਸਨੇ ਦੱਸਿਆ ਕਿ ਕੁਝ ਘੰਟੇ ਪਹਿਲਾਂ ਏਅਰਪੋਰਟ 'ਤੇ, ਜਿੱਥੇ ਉਹ ਰੁਕੇ ਹੋਏ ਸਨ, ਉਸਦੇ ਬਿਲਕੁਲ ਨੇੜੇ ਹੀ ਇੱਕ ਧਮਾਕਾ ਹੋਇਆ,। ਸਿੰਧੂ ਅਨੁਸਾਰ ਉਸਦਾ ਕੋਚ ਧੂਏਂ ਅਤੇ ਮਲਬੇ ਦੇ ਸਭ ਤੋਂ ਨੇੜੇ ਸੀ, ਜਿਸ ਕਾਰਨ ਉਸਨੂੰ ਤੁਰੰਤ ਉੱਥੋਂ ਬਾਹਰ ਭੱਜਣਾ ਪਿਆ। ਇਹ ਸਾਰੀ ਸਥਿਤੀ ਬੇਹੱਦ ਤਣਾਅਪੂਰਨ ਅਤੇ ਭਿਆਨਕ ਸੀ।

'ਹਰ ਪਾਸੇ ਹਫੜਾ-ਦੜਫੀ ਦਾ ਮਾਹੌਲ' 
ਖਿਡਾਰਨ ਨੇ ਦੱਸਿਆ ਕਿ ਏਅਰਪੋਰਟ 'ਤੇ ਬਹੁਤ ਜ਼ਿਆਦਾ ਹਫੜਾ-ਦਫੜੀ ਮਚੀ ਹੋਈ ਹੈ ਅਤੇ ਕਈ ਪਰਿਵਾਰ ਉੱਥੇ ਫਸੇ ਹੋਏ ਹਨ,। ਉਸਨੇ ਕਿਹਾ ਕਿ ਹਾਲਾਤ ਬਹੁਤ ਤੇਜ਼ੀ ਨਾਲ ਵਿਗੜ ਰਹੇ ਹਨ ਅਤੇ ਉਨ੍ਹਾਂ ਨੂੰ ਉੱਥੇ ਇੰਟਰਸੈਪਸ਼ਨ (ਹਵਾਈ ਹਮਲਿਆਂ ਨੂੰ ਰੋਕਣ) ਦੀਆਂ ਆਵਾਜ਼ਾਂ ਵੀ ਸੁਣਾਈ ਦੇ ਰਹੀਆਂ ਹਨ। ਸਿੰਧੂ ਨੇ ਦੁਬਈ ਸ਼ਹਿਰ ਪ੍ਰਤੀ ਆਪਣਾ ਪਿਆਰ ਜ਼ਾਹਰ ਕਰਦਿਆਂ ਕਿਹਾ ਕਿ ਜਿਹੜਾ ਸ਼ਹਿਰ ਹਮੇਸ਼ਾ ਸੁਰੱਖਿਅਤ ਅਤੇ ਜ਼ਿੰਦਗੀ ਨਾਲ ਭਰਿਆ ਮਹਿਸੂਸ ਹੁੰਦਾ ਸੀ, ਅੱਜ ਉੱਥੇ ਅਜਿਹਾ ਮੰਜ਼ਰ ਦੇਖਣਾ ਅਤੇ ਸਵੀਕਾਰ ਕਰਨਾ ਬੇਹੱਦ ਮੁਸ਼ਕਿਲ ਹੈ।

The ordeal continues to unfold, and the situation is becoming more frightening by the hour.

A few hours ago, there was an explosion close to where we were holed up at the airport. My coach had to quickly run out of the area as he was closest to the smoke and debris. It was an… https://t.co/ZdNtuALk0P

— Pvsindhu (@Pvsindhu1) March 1, 2026

ਭਾਰਤੀ ਹਾਈ ਕਮਿਸ਼ਨ ਵੱਲੋਂ ਮਦਦ
 ਤਾਜ਼ਾ ਜਾਣਕਾਰੀ ਅਨੁਸਾਰ, ਸਿੰਧੂ ਅਤੇ ਉਸਦੀ ਟੀਮ ਹੁਣ ਸੁਰੱਖਿਅਤ ਹੈ ਅਤੇ ਉਨ੍ਹਾਂ ਨੂੰ ਇੱਕ ਹੋਰ ਸੁਰੱਖਿਅਤ ਸਥਾਨ 'ਤੇ ਪਹੁੰਚਾਇਆ ਗਿਆ ਹੈ। ਉਸਨੇ ਦੁਬਈ ਪ੍ਰਸ਼ਾਸਨ, ਏਅਰਪੋਰਟ ਸਟਾਫ਼ ਅਤੇ ਖਾਸ ਤੌਰ 'ਤੇ ਦੁਬਈ ਸਥਿਤ ਭਾਰਤੀ ਹਾਈ ਕਮਿਸ਼ਨ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ, ਜਿਨ੍ਹਾਂ ਨੇ ਉਨ੍ਹਾਂ ਦੀ ਸੁਰੱਖਿਆ ਯਕੀਨੀ ਬਣਾਉਣ ਵਿੱਚ ਲਗਾਤਾਰ ਸਹਿਯੋਗ ਦਿੱਤਾ। ਫਿਲਹਾਲ ਉਹ ਉੱਥੇ ਰੁਕ ਕੇ ਹਾਲਾਤ ਆਮ ਹੋਣ ਦਾ ਇੰਤਜ਼ਾਰ ਕਰ ਰਹੇ ਹਨ।