ਨਸ਼ੀਲੇ ਪਦਾਰਥਾਂ ਦੇ ਗੈਰਕਾਨੂੰਨੀ ਉਤਪਾਦਨ ਜਾਂ ਤਸਕਰੀ ਵਾਲੇ ਦੇਸ਼ਾਂ ਦੀ ਟਰੰਪ ਦੀ ਸੂਚੀ ''ਚ ਭਾਰਤ ਵੀ ਸ਼ਾਮਲ

ਵਾਸ਼ਿੰਗਟਨ— ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਗ਼ੈਰਕਾਨੂੰਨੀ ਰੂਪ ਨਾਲ ਨਸ਼ੀਲੇ ਪਦਾਰਥਾਂ ਦਾ ਉਤਪਾਦਨ ਜਾਂ ਤਸਕਰੀ ਕਰਨ ਵਾਲੇ ਦੇਸ਼ਾਂ ਦੇ ਤੌਰ ਉੱਤੇ ਭਾਰਤ ਸਮੇਤ 21 ਦੇਸ਼ਾਂ ਦੀ ਪਛਾਣ ਕੀਤੀ ਹੈ । ਭਾਰਤ ਦੇ ਇਲਾਵਾ ਨਸ਼ੀਲੇ ਪਦਾਰਥਾਂ ਦਾ ਉਤਪਾਦਨ ਜਾਂ ਤਸਕਰੀ ਕਰਨ ਵਾਲੇ ਦੇਸ਼ਾਂ ਦੇ ਤੌਰ ਉੱਤੇ ਜਿਨ੍ਹਾਂ ਹੋਰ ਦੱਖਣੀ ਏਸ਼ੀਆਈ ਦੇਸ਼ਾਂ ਦੀ ਪਛਾਣ ਕੀਤੀ ਗਈ ਹੈ, ਉਨ੍ਹਾਂ ਵਿਚ ਅਫਗਾਨਿਸਤਾਨ ਅਤੇ ਪਾਕਿਸਤਾਨ ਸ਼ਾਮਲ ਹਨ । ਮਿਆਮਾਂ ਭਾਰਤ ਦਾ ਇਕ ਹੋਰ ਗੁਆਂਢੀ ਦੇਸ਼ ਹੈ, ਜੋ ਇਸ ਸੂਚੀ ਵਿਚ ਸ਼ਾਮਲ ਹੈ । ਇਸ ਦੇ ਇਲਾਵਾ ਬਹਾਮਾ, ਬੇਲੀਜ, ਬੋਲਿਵਿਆ, ਕੋਲੰਬੀਆ, ਕੋਸਟਾ ਰਿਕਾ, ਡੋਮੀਨਿਕਨ ਗਣਰਾਜ, ਇਕਵਾਡੋਰ, ਐਲ ਸਲਵਾਡੋਰ, ਗਵਾਟੇਮਾਲਾ, ਹੈਤੀ, ਹੋਂਡੁਰਾਸ, ਜਮੈਕਾ, ਲਾਓਸ, ਮੈਕਸੀਕੋ,  ਨਿਕਾਰਾਗੁਆ, ਪਨਾਮਾ, ਪੇਰੂ ਅਤੇ ਵਿਅਤਨਾਮ ਇਸ ਸੂਚੀ ਵਿਚ ਸ਼ਾਮਲ ਹਨ । ਟਰੰਪ ਨੇ ਕਿਹਾ, ''ਇਸ ਸੂਚੀ ਵਿਚ ਕਿਸੇ ਦੇਸ਼ ਦੀ ਹਾਜ਼ਰੀ ਉਸ ਦੇਸ਼ ਦੀ ਸਰਕਾਰ ਦੇ ਨਸ਼ੀਲੇ ਪਦਾਰਥ ਵਿਰੋਧੀ ਕੋਸ਼ਿਸ਼ਾਂ ਅਤੇ ਅਮਰੀਕਾ ਨਾਲ ਸਹਿਯੋਗ ਦੇ ਪੱਧਰ ਨੂੰ ਪ੍ਰਤੀਬਿੰਬਿਤ ਨਹੀਂ ਕਰਦੀ ।'' ਉਨ੍ਹਾਂ ਦੱਸਿਆ ਕਿ ਇਸ ਸੂਚੀ ਵਿਚ ਕਿਸੇ ਦੇਸ਼ ਨੂੰ ਰੱਖਣ ਦਾ ਮੁੱਖ ਕਾਰਨ ਭੂਗੋਲਿਕ, ਵਪਾਰਕ ਅਤੇ ਆਰਥਿਕ ਕਾਰਕ ਹੈ ਜਿਨ੍ਹਾਂ ਕਾਰਨ ਇਨ੍ਹਾਂ ਪਦਾਰਥਾਂ ਦੀ ਤਸਕਰੀ ਜਾਂ ਉਤਪਾਦਨ ਹੁੰਦਾ ਹੈ, ਚਾਹੇ ਹੀ ਉਸ ਦੇਸ਼ ਦੀ ਸਰਕਾਰ ਨੇ ਨਸ਼ੀਲੇ ਪਦਾਰਥਾਂ ਦੇ ਕਾਬੂ ਸਬੰਧੀ ਕਾਨੂੰਨੀ ਕਦਮ ਚੁੱਕਣ ਲਈ ਕਿੰਨੀ ਵੀ ਕੋਸ਼ਿਸ਼ ਕਿਉਂ ਨਾ ਕੀਤੀ ਹੋਵੇ। ਇਸ ਦੇ ਨਾਲ ਹੀ ਟਰੰਪ ਨੇ ਬੋਲਿਵੀਆ ਅਤੇ ਵੈਨਜ਼ੁਏਲਾ ਨੂੰ ਅਜਿਹੇ ਦੇਸ਼ਾਂ ਦੇ ਤੌਰ ਉੱਤੇ ਨਿਸ਼ਾਨਬੱਧ ਕੀਤਾ ਹੈ ਜੋ ਨਸ਼ੀਲੇ ਪਦਾਰਥ ਵਿਰੋਧੀ ਅੰਤਰਰਾਸ਼ਟਰੀ ਸਮਝੌਤਿਆਂ ਦੇ ਤਹਿਤ ਪਿਛਲੇ 12 ਮਹੀਨਿਆਂ ਵਿਚ ਆਪਣੀ ਵਚਣਬੱਧਤਾਵਾਂ ਦਾ ਪਾਲਣ ਕਰਨ ਵਿਚ ਬੁਰੀ ਤਰ੍ਹਾਂ ਅਸਫਲ ਰਹੇ ਹਨ । ਉਨ੍ਹਾਂ ਕਿਹਾ, ''ਇਸ ਦੇ ਇਲਾਵਾ, ਅਮਰੀਕਾ ਸਰਕਾਰ ਨੇ ਕੋਕਾ ਦੀ ਬਹੁਤ ਜ਼ਿਆਦਾ ਪੈਦਾਵਾਰ ਅਤੇ ਪਿਛਲੇ 12 ਮਹੀਨਿਆਂ ਵਿਚ ਕੋਕੀਨ ਦੀ ਰਿਕਾਰਡ ਪੈਦਾਵਾਰ ਸਮੇਤ ਪਿਛਲੇ ਤਿੰਨ ਸਾਲ ਵਿਚ ਇਸ ਦੇ ਉਤਪਾਦਨ ਕਾਰਨ ਨਸ਼ੀਲੇ ਪਦਾਰਥ ਵਿਰੋਧੀ ਅੰਤਰਰਾਸ਼ਟਰੀ ਸਮਝੌਤਿਆਂ ਦੇ ਤਹਿਤ ਆਪਣੀ ਵਚਣਬੱਧਤਾ ਨੂੰ ਪੂਰਾ ਕਰਨ ਵਿਚ ਬੁਰੀ ਤਰ੍ਹਾਂ ਅਸਫਲ ਰਹਿਣ ਵਾਲੇ ਦੇਸ਼ ਦੇ ਤੌਰ ਉੱਤੇ ਕੋਲੰਬੀਆ ਨੂੰ ਵੀ ਨਿਸ਼ਾਨਬੱਧ ਕਰਨ ਉੱਤੇ ਗੰਭੀਰਤਾ ਨਾਲ ਵਿਚਾਰ ਕੀਤਾ ।'' ਟਰੰਪ ਨੇ ਕਿਹਾ ਕਿ ਕੋਲੰਬੀਆ ਨੂੰ ਇਸ ਸੂਚੀ ਵਿਚ ਇਸ ਲਈ ਸ਼ਾਮਲ ਨਹੀਂ ਕੀਤਾ ਗਿਆ ਕਿਉਂਕਿ ਕੋਲੰਬਿਆਈ ਰਾਸ਼ਟਰੀ ਪੁਲਸ ਅਤੇ ਹਥਿਆਰਬੰਦ ਬਲ ਪੱਛਮੀ ਗੋਲਾਕਾਰ ਵਿਚ ਅਮਰੀਕਾ ਦੇ ਨਜ਼ਦੀਕੀ ਕਾਨੂੰਨ ਪਰਿਵਰਤਨ ਅਤੇ ਸੁਰੱਖਿਆ ਸਾਝੀਦਾਰ ਹਨ ਅਤੇ ਉਹ ਪਾਬੰਦੀ ਲਗਾਉਣ ਦੀਆਂ ਸਾਰੀਆਂ ਕੋਸ਼ਿਸ਼ਾਂ ਵਿਚ ਸੁਧਾਰ ਕਰ ਰਹੇ ਹਨ ਅਤੇ ਉਨ੍ਹਾਂ ਨੇ ਨਸ਼ੀਲੇ ਪਦਾਰਥ ਵਿਰੋਧੀ ਕੋਸ਼ਿਸ਼ ਦੁਬਾਰਾ ਸ਼ੁਰੂ ਕਰ ਦਿੱਤੀ ਹੈ।