ਫਲੋਰੀਡਾ ਦੇ 'ਵਾਲਟ ਡਿਜ਼ਨੀ ਵਰਲਡ ਰਿਜ਼ੋਰਟ' 'ਚ ਪਹਿਲੀ ਵਾਰ ਮਨਾਈ ਗਈ 'ਦੀਵਾਲੀ' (ਤਸਵੀਰਾਂ)

ਨਿਊਯਾਰਕ (ਭਾਸ਼ਾ) ਅਮਰੀਕਾ ਦੇ ਫਲੋਰੀਡਾ ਵਿਚ 'ਵਾਲਟ ਡਿਜ਼ਨੀ ਵਰਲਡ ਰਿਜੋਰਟ' ਵਿਚ ਪਹਿਲੀ ਵਾਰ ਦੀਵਾਲੀ ਦਾ ਤਿਉਹਾਰ ਮਨਾਇਆ ਗਿਆ। ਇਸ ਦੌਰਾਨ ਸੈਂਕੜੇ ਡਾਂਸਰਾਂ ਨੇ ਡਾਂਸ ਰਾਹੀਂ ਆਲਮੀ ਦਰਸ਼ਕਾਂ ਨੂੰ ਭਾਰਤ ਦੇ ਸੱਭਿਆਚਾਰ ਅਤੇ ਵਿਰਾਸਤ ਤੋਂ ਜਾਣੂ ਕਰਵਾਇਆ। ਇਸ ਸਬੰਧੀ ਜਾਰੀ ਪ੍ਰੈਸ ਬਿਆਨ ਅਨੁਸਾਰ ‘ਜਸ਼ਨ ਪ੍ਰੋਡਕਸ਼ਨ’ ਵੱਲੋਂ ਦੀਵਾਲੀ ਦਾ ਪਹਿਲਾ ਯੁਵਕ ਮੇਲਾ ਕਰਵਾਇਆ ਗਿਆ। ਇਸ ਵਿੱਚ ਦੇਸ਼ ਭਰ ਦੇ 400 ਤੋਂ ਵੱਧ ਡਾਂਸਰਾਂ ਨੇ ਡਿਜ਼ਨੀ ਸਪ੍ਰਿੰਗਜ਼ ਅਤੇ ਡਿਜ਼ਨੀ ਦੇ ਐਨੀਮਲ ਕਿੰਗਡਮ ਥੀਮ ਪਾਰਕਾਂ ਵਿੱਚ ਪ੍ਰਦਰਸ਼ਨ ਕੀਤਾ। 

‘ਜਸ਼ਨ ਪ੍ਰੋਡਕਸ਼ਨ’ ਦੀ ਸੰਸਥਾਪਕ ਜੈਨੀ ਬੇਰੀ ਦੇ ਨਿਰਦੇਸ਼ਨ ਹੇਠ ਕਰਵਾਏ ਤਿੰਨ ਰੋਜ਼ਾ ‘ਡਾਂਸ ਫੈਸਟ’ ਵਿੱਚ ਉੱਤਰੀ ਅਮਰੀਕਾ ਤੋਂ ਆਏ ਡਾਂਸਰਾਂ ਨੇ ਭਾਗ ਲਿਆ। ਬੇਰੀ ਨੇ ਕਿਹਾ, ''ਵਾਲਟ ਡਿਜ਼ਨੀ ਵਰਲਡ ਰਿਜ਼ੌਰਟ 'ਚ ਪਹਿਲੀ ਵਾਰ ਦੀਵਾਲੀ ਮਨਾਉਣਾ ਇੰਨਾ ਖੁਸ਼ੀ ਭਰਿਆ ਰਿਹਾ।'' ਅਸੀਂ ਦੱਖਣੀ ਏਸ਼ੀਆਈ ਡਾਂਸ ਭਾਈਚਾਰੇ ਨਾਲ ਇਸ ਮਹੱਤਵਪੂਰਨ ਤਿਉਹਾਰ ਦੀ ਖੁਸ਼ੀ ਅਤੇ ਉਤਸ਼ਾਹ ਨੂੰ ਸਾਂਝਾ ਕਰਕੇ ਇਤਿਹਾਸ ਰਚਿਆ। 'ਧਰਤੀ 'ਤੇ ਸਭ ਤੋਂ ਜਾਦੂਈ ਸਥਾਨ' ਵਿੱਚ ਦੀਵਾਲੀ ਦਾ ਜਾਦੂ ਮਨਾਉਣਾ ਸੱਚਮੁੱਚ ਇੱਕ ਸੁਪਨੇ ਦੇ ਸੱਚ ਹੋਣ ਵਾਂਗ ਰਿਹਾ।

ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ ਤੋਂ ਭੱਜ ਕੇ ਭਾਰਤ ਆਈ ਔਰਤ ਆਪਣੇ 6 ਸਾਲਾ ਪੁੱਤਰ ਦੇ ਕਤਲ ਦੀ ਦੋਸ਼ੀ ਕਰਾਰ

ਬੇਰੀ ਨੇ ਕਿਹਾ ਕਿ ਜਸ਼ਨ ਪ੍ਰੋਡਕਸ਼ਨ ਦੀਵਾਲੀ ਡਾਂਸ ਫੈਸਟ ਵਰਗੇ ਹੋਰ ਸਮਾਗਮਾਂ ਦਾ ਆਯੋਜਨ ਕਰਕੇ ਦੱਖਣੀ ਏਸ਼ੀਆ ਦੇ ਅਮੀਰ ਸੱਭਿਆਚਾਰਕ ਵਿਰਸੇ ਦਾ ਜਸ਼ਨ ਮਨਾਉਣ ਲਈ ਲੋਕਾਂ ਨੂੰ ਇਕੱਠੇ ਕਰਨ ਲਈ ਉਤਸੁਕ ਹੈ। ਡਾਂਸ ਫੈਸਟ 26 ਅਕਤੂਬਰ ਨੂੰ ਸ਼ੁਰੂ ਹੋਇਆ ਅਤੇ 28 ਅਕਤੂਬਰ ਨੂੰ ਸਮਾਪਤ ਹੋਇਆ। ਡਿਜ਼ਨੀ ਐਨੀਮਲ ਕਿੰਗਡਮ ਥੀਮ ਪਾਰਕ ਵਿੱਚ ਆਯੋਜਿਤ ਪ੍ਰੋਗਰਾਮ ਵਿੱਚ ਗੁਜਰਾਤ, ਪੰਜਾਬ, ਆਂਧਰਾ ਪ੍ਰਦੇਸ਼ ਸਮੇਤ ਭਾਰਤ ਦੇ ਵੱਖ-ਵੱਖ ਖੇਤਰਾਂ ਤੋਂ ਆਏ ਡਾਂਸਰਾਂ ਨੂੰ ਪੌਪ ਅਤੇ ਹਿੱਪ-ਹਾਪ ਗੀਤਾਂ 'ਤੇ ਨੱਚਦੇ ਹੋਏ ਦੇਖਿਆ ਗਿਆ। ਰਿਲੀਜ਼ ਦੇ ਅਨੁਸਾਰ, "ਇਹ ਫੈਸਟ ਆਪਣੀ ਕਿਸਮ ਦਾ ਪਹਿਲਾ ਸੀ, ਜਿਸ ਨੇ ਬੱਚਿਆਂ ਨੂੰ ਵਿਸ਼ਵ-ਪ੍ਰਸਿੱਧ ਮੰਚ 'ਤੇ ਆਪਣੀ ਪ੍ਰਤਿਭਾ ਦਿਖਾਉਣ ਦਾ ਮੌਕਾ ਦਿੱਤਾ। ਦੀਵਾਲੀ ਸਮਾਗਮ ਦੌਰਾਨ 1,000 ਤੋਂ ਵੱਧ ਮਹਿਮਾਨਾਂ ਨੇ ਭਾਰਤੀ ਸੰਗੀਤ ਅਤੇ ਪੁਸ਼ਾਕਾਂ ਦਾ ਆਨੰਦ ਲਿਆ।"

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।