ਪਾਕਿਸਤਾਨ ਨੂੰ ਮਿਲਿਆ ਤੇਲ ਤੇ ਗੈਸ ਦਾ ਵੱਡਾ ਭੰਡਾਰ ! ਰੋਜ਼ਾਨਾ ਨਿਕਲੇਗਾ 2000 ਬੈਰਲ ਤੇਲ

ਇੰਟਰਨੈਸ਼ਨਲ ਡੈਸਕ: ਅਮਰੀਕਾ ਅਤੇ ਈਰਾਨ ਵਿਚਾਲੇ ਜਾਰੀ ਜੰਗ ਕਾਰਨ 'ਹੋਰਮੁਜ਼ ਸਟ੍ਰੇਟ' ਦੇ ਬੰਦ ਹੋਣ ਅਤੇ ਤੇਲ ਦੀਆਂ ਅਸਮਾਨੀ ਚੜ੍ਹਦੀਆਂ ਕੀਮਤਾਂ ਦਰਮਿਆਨ ਪਾਕਿਸਤਾਨ ਲਈ ਖ਼ੁਸ਼ੀ ਵਾਲੀ ਖ਼ਬਰ ਸਾਹਮਣੇ ਆਈ ਹੈ। ਪਾਕਿਸਤਾਨ ਨੂੰ ਭਾਰਤ ਦੇ ਰਾਜਸਥਾਨ ਨਾਲ ਲੱਗਦੀ ਸਰਹੱਦ ਦੇ ਬਿਲਕੁਲ ਨੇੜੇ ਤੇਲ ਅਤੇ ਗੈਸ ਦਾ ਇੱਕ ਨਵਾਂ ਅਤੇ ਵੱਡਾ ਭੰਡਾਰ ਮਿਲਿਆ ਹੈ।

ਪਾਕਿਸਤਾਨ ਦੀ ਸਰਕਾਰੀ ਤੇਲ ਅਤੇ ਗੈਸ ਕੰਪਨੀ OGDCL ਨੇ ਇਸ ਅਹਿਮ ਖੋਜ ਦਾ ਐਲਾਨ ਕੀਤਾ ਹੈ। ਇਹ ਭੰਡਾਰ ਸਿੰਧ ਪ੍ਰਾਂਤ ਦੇ ਸਾਂਘੜ ਜ਼ਿਲ੍ਹੇ ਵਿੱਚ ਮਿਲਿਆ ਹੈ, ਜੋ ਕਿ ਭਾਰਤ ਦੇ ਰਾਜਸਥਾਨ ਸੂਬੇ ਨਾਲ ਲੱਗਦਾ ਰੇਗਿਸਤਾਨੀ ਇਲਾਕਾ ਹੈ। ਜ਼ਿਕਰਯੋਗ ਹੈ ਕਿ ਭਾਰਤ ਵੀ ਰਾਜਸਥਾਨ ਵਾਲੇ ਪਾਸੇ ਵੱਡੇ ਪੱਧਰ 'ਤੇ ਤੇਲ ਕੱਢਦਾ ਹੈ। ਇਸ ਨਵੇਂ ਤੇਲ ਖੇਤਰ ਦਾ ਨਾਂ 'ਬੋਬੀ ਡੀਪ-1' (Bobi Deep-1) ਰੱਖਿਆ ਗਿਆ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-  ਭਾਰਤ ਨਾਲ 100 ਅਰਬ ਡਾਲਰ ਤੱਕ ਪਹੁੰਚੇਗਾ ਦੁਵੱਲਾ ਵਪਾਰ! ਪੁਤਿਨ ਦਾ ਵੱਡਾ ਐਲਾਨ

ਰੋਜ਼ਾਨਾ 2000 ਬੈਰਲ ਤੇਲ ਦਾ ਉਤਪਾਦਨ ਸ਼ੁਰੂ 

ਕੰਪਨੀ ਅਨੁਸਾਰ, ਇਸ ਨਵੇਂ ਖੂਹ ਤੋਂ ਲਗਭਗ 3305 ਮੀਟਰ ਦੀ ਡੂੰਘਾਈ 'ਤੇ ਤੇਲ ਅਤੇ ਗੈਸ ਮਿਲੀ ਹੈ। ਇੱਥੋਂ ਰੋਜ਼ਾਨਾ 2000 ਬੈਰਲ ਤੇਲ ਅਤੇ 11 ਮਿਲੀਅਨ ਕਿਊਬਿਕ ਫੁੱਟ ਗੈਸ ਦਾ ਉਤਪਾਦਨ ਸ਼ੁਰੂ ਹੋ ਗਿਆ ਹੈ। OGDCL ਨੇ ਪਾਕਿਸਤਾਨ ਸਟਾਕ ਐਕਸਚੇਂਜ ਨੂੰ ਦਿੱਤੀ ਜਾਣਕਾਰੀ ਵਿੱਚ ਕਿਹਾ ਹੈ ਕਿ ਇਹ ਖੋਜ ਦੇਸ਼ ਦੀਆਂ ਊਰਜਾ ਲੋੜਾਂ ਨੂੰ ਪੂਰਾ ਕਰਨ ਲਈ ਸਵਦੇਸ਼ੀ ਸਾਧਨਾਂ ਦੀ ਵਰਤੋਂ ਵਿੱਚ ਮਦਦਗਾਰ ਸਾਬਤ ਹੋਵੇਗੀ। ਮਾਹਿਰਾਂ ਅਨੁਸਾਰ ਹਾਲਾਂਕਿ ਪਾਕਿਸਤਾਨ ਦੀ ਰੋਜ਼ਾਨਾ 4 ਲੱਖ ਬੈਰਲ ਤੇਲ ਦੀ ਖਪਤ ਦੇ ਮੁਕਾਬਲੇ ਇਹ ਖੋਜ ਸਿਰਫ਼ 0.5 ਫੀਸਦੀ ਲੋੜ ਹੀ ਪੂਰੀ ਕਰੇਗੀ, ਪਰ ਰਣਨੀਤਕ ਤੌਰ 'ਤੇ ਇਹ ਬਹੁਤ ਮਹੱਤਵਪੂਰਨ ਹੈ। ਹੋਰਮੁਜ਼ ਸੰਕਟ ਕਾਰਨ ਖਾੜੀ ਦੇਸ਼ਾਂ 'ਤੇ ਨਿਰਭਰਤਾ ਘਟਾਉਣ ਅਤੇ ਊਰਜਾ ਸੁਰੱਖਿਆ ਦੇ ਲਿਹਾਜ਼ ਨਾਲ ਇਹ ਇੱਕ ਵੱਡਾ ਸੰਕੇਤ ਹੈ। ਆਉਣ ਵਾਲੇ 12 ਤੋਂ 24 ਮਹੀਨਿਆਂ ਵਿੱਚ ਇਸ ਇਲਾਕੇ ਵਿੱਚ ਹੋਰ ਖੋਦਾਈ ਕੀਤੀ ਜਾਵੇਗੀ ਤਾਂ ਜੋ ਭੰਡਾਰ ਦੇ ਅਸਲ ਆਕਾਰ ਦਾ ਪਤਾ ਲੱਗ ਸਕੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।