ਕੋਵਿਡ-19: ਡਾਕਟਰ ਦੇ ਟਵੀਟ ''ਤੇ 80 ਹਜ਼ਾਰ ਰੀ-ਟਵੀਟ, ਤੁਸੀਂ ਵੀ ਹੋ ਜਾਓਗੇ ਭਾਵੁਕ
03/31/2020 2:59:28 PM
ਵਾਸ਼ਿੰਗਟਨ : ਕੋਰੋਨਾ ਵਾਇਰਸ ਨਾਲ ਲੜਨ ਲਈ ਡਾਕਟਰ-ਨਰਸਾਂ ਨੂੰ ਦਿਨ-ਰਾਤ ਇਕ ਕਰਨਾ ਪੈ ਰਿਹਾ ਹੈ। ਅਜਿਹੇ ਵਿਚ ਕਈ ਦੇਸ਼ਾਂ ਵਿਚ ਤਾਂ ਡਾਕਟਰ ਆਪਣੇ ਘਰ ਵੀ ਵਾਪਸ ਨਹੀਂ ਜਾ ਰਹੇ। ਇੱਥੋਂ ਤਕ ਕਿ ਉਨ੍ਹਾਂ ਕੋਲ ਥੋੜ੍ਹਾ ਜਿਹਾ ਆਰਾਮ ਕਰਨ ਦਾ ਵੀ ਸਮਾਂ ਨਹੀਂ ਹੈ।
ਮੇਰੇ ਬੱਚੇ ਅਜੇ ਇੰਨੇ ਵੱਡੇ ਨਹੀਂ ਹੋਏ ਪਰ ਕੋਵਿਡ-19 ਕਾਰਨ ਮੇਰੀ ਜਾਨ ਵੀ ਚਲੇ ਜਾਵੇ ਤਾਂ....
My babies are too young to read this now. And they’d barely recognize me in my gear. But if they lose me to COVID I want them to know Mommy tried really hard to do her job. #GetMePPE #NYC pic.twitter.com/OMew5G7mjK
— Cornelia Griggs (@CorneliaLG) March 29, 2020
ਨਿਊਯਾਰਕ ਵਿਚ ਰਹਿਣ ਵਾਲੀ ਇਕ ਡਾਕਟਰ ਨੇ ਭਾਵੁਕ ਪੋਸਟ ਸਾਂਝੀ ਕੀਤੀ ਹੈ, ਜਿਸ ਨੂੰ ਪੜ੍ਹ ਕੇ ਲੋਕ ਡਾਕਟਰ ਨੂੰ ਸਲਾਮ ਕਰ ਰਹੇ ਹਨ ਤੇ ਦੁਆਵਾਂ ਭੇਜ ਰਹੇ ਹਨ। ਸਰਜਨ ਕੋਰਨੇਲੀਆ ਗਰਿਗਸ ਨੇ ਮੈਡੀਕਲ ਵਰਦੀ ਵਿਚ ਆਪਣੀ ਤਸਵੀਰ ਸਾਂਝੀ ਕੀਤੀ। ਉਸ ਨੇ ਮਾਸਕ ਲਗਾਇਆ ਹੋਇਆ ਹੈ ਤੇ ਇਸ ਦੇ ਨਾਲ ਕੈਪਸ਼ਨ ਲਿਖੀ ਹੈ ਕਿ ਮੇਰੇ ਬੱਚੇ ਅਜੇ ਇੰਨੇ ਵੱਡੇ ਨਹੀਂ ਹੋਏ ਕਿ ਮੇਰੀ ਪੋਸਟ ਨੂੰ ਪੜ੍ਹ ਕੇ ਸਮਝ ਸਕਣ ਤੇ ਸ਼ਾਇਦ ਇਸ ਤਸਵੀਰ ਵਿਚ ਉਹ ਮੈਨੂੰ ਪਛਾਣ ਵੀ ਨਾ ਸਕਣ ਪਰ ਜੇਕਰ ਕੋਵਿਡ-19 ਕਾਰਨ ਮੇਰੀ ਵੀ ਜਾਨ ਚਲੇ ਜਾਵੇ ਤਾਂ ਮੈਂ ਉਨ੍ਹਾਂ ਨੂੰ ਇਹ ਦੱਸ ਕੇ ਜਾਣਾ ਚਾਹਾਂਗੀ ਕਿ ਤੁਹਾਡੀ ਮੰਮੀ ਨੇ ਆਪਣਾ ਫਰਜ਼ ਨਿਭਾਉਣ ਲਈ ਪੂਰੀ ਮਿਹਨਤ ਕੀਤੀ ਹੈ।
ਇਸ ਦੇ ਨਾਲ ਹੀ ਗਰਿਗਸ ਨੇ ਡਾਕਟਰਾਂ ਨੂੰ ਅਪੀਲ ਕੀਤੀ ਕਿ ਜੋ ਵੀ ਡਾਕਟਰ ਕੋਵਿਡ-19 ਨਾਲ ਲੜਨ ਲਈ ਫਰੰਟਲਾਈਨ ਵਿਚ ਹਨ ਉਹ ਆਪਣੀ ਸੁਰੱਖਿਆ ਦਾ ਵਧੇਰੇ ਧਿਆਨ ਰੱਖਣ। ਕੋਰਨੇਲੀਆ ਦੀ ਇਸ ਪੋਸਟ ਨੂੰ ਲੋਕਾਂ ਨੇ ਇੰਨਾ ਪਸੰਦ ਕੀਤਾ ਕਿ ਇਹ ਵਾਇਰਲ ਹੋ ਗਈ। ਉਨ੍ਹਾਂ ਨੂੰ ਕੁਝ ਹੀ ਸਮੇਂ ਵਿਚ 80.8 ਹਜ਼ਾਰ ਲੋਕਾਂ ਨੇ ਰੀ-ਟਵੀਟ ਕੀਤਾ ਅਤੇ 418.4 ਹਜ਼ਾਰ ਲਾਈਕ ਮਿਲੇ ਹਨ।
ਬਹੁਤ ਸਾਰੇ ਲੋਕਾਂ ਨੇ ਉਨ੍ਹਾਂ ਨੂੰ ਬਹਾਦਰੀ ਨਾਲ ਕੰਮ ਕਰਨ ਲਈ ਸ਼ੁੱਭਕਾਮਨਾਵਾਂ ਦਿੱਤੀਆਂ ਤੇ ਕਈਆਂ ਨੇ ਉਨ੍ਹਾਂ ਦੀ ਕਾਫੀ ਸਿਫਤ ਕੀਤੀ। ਬਹੁਤ ਸਾਰੇ ਲੋਕਾਂ ਨੇ ਉਨ੍ਹਾਂ ਨੂੰ ਅਸਲੀ ਹੀਰੋ ਕਿਹਾ ਤੇ ਦੱਸਿਆ ਕਿ ਉਨ੍ਹਾਂ ਦੀ ਕੈਪਸ਼ਨ ਪੜ੍ਹ ਕੇ ਉਨ੍ਹਾਂ ਨੂੰ ਰੋਣਾ ਆ ਗਿਆ। ਜੇਨ ਨਾਂ ਦੇ ਇਕ ਵਿਅਕਤੀ ਨੇ ਕਿਹਾ ਕਿ ਉਨ੍ਹਾਂ ਦੇ ਬੱਚੇ ਉਨ੍ਹਾਂ ‘ਤੇ ਮਾਣ ਕਰਨਗੇ ਤੇ ਉਹ ਉਨ੍ਹਾਂ ਲਈ ਦੁਆਵਾਂ ਮੰਗਦੇ ਹਨ।