ਵਧਦੀਆਂ ਚੁਣੌਤੀਆਂ ਦਰਮਿਆਨ ਚੀਨ ''ਤੇ ਕਾਰਜਕਾਰੀ ਸਮੂਹ ਦਾ ਗਠਨ ਕਰੇਗੀ CIA

ਵਾਸ਼ਿੰਗਟਨ-ਸੀ.ਆਈ.ਏ. ਨੇ ਵੀਰਵਾਰ ਨੂੰ ਕਿਹਾ ਕਿ ਉਹ ਚੀਨ 'ਤੇ ਉੱਚ ਪੱਧਰੀ ਕਾਰਜਕਾਰੀ ਸਮੂਹ ਦਾ ਗਠਨ ਕਰੇਗੀ ਤਾਂ ਕਿ ਬੀਜਿੰਗ ਦੇ ਵਧਦੇ ਕਹਿਰ ਦਾ ਮੁਕਾਬਲਾ ਕੀਤਾ ਜਾ ਸਕੇ। ਸੀ.ਆਈ.ਏ. ਵੱਲੋਂ ਸੰਚਾਲਿਤ ਕਰੀਬ ਇਕ ਦਰਜਨ ਮਿਸ਼ਨ ਕੇਂਦਰਾਂ 'ਚ ਇਹ ਵੀ ਸਮੂਹ ਹੋਵੇਗਾ ਜਿਸ 'ਚ ਚੀਨ ਦੇ ਪ੍ਰਤੀ ਰਣਨੀਤੀ ਨੂੰ ਲੈ ਕੇ ਹਰ ਹਫ਼ਤੇ ਨਿਰਦੇਸ਼ਕ ਪੱਧਰ ਦੀ ਬੈਠਕ ਹੋਵੇਗੀ।

ਇਹ ਵੀ ਪੜ੍ਹੋ : ਦੁਬਈ ਦੇ ਕਿੰਗ ਨੇ ਸਾਬਕਾ ਪਤਨੀ ਦਾ ਫੋਨ ਕਰਵਾਇਆ ਹੈਕ

ਸੀ.ਆਈ.ਏ. ਨੇ ਐਲਾਨ ਕੀਤਾ ਕਿ ਉਹ ਚੀਨੀ ਭਾਸ਼ਾ ਬੋਲਣ ਵਾਲੇ ਲੋਕਾਂ ਨੂੰ ਭਰਤੀ ਕਰਨ ਦੀ ਕੋਸ਼ਿਸ਼ ਤੇਜ਼ ਕਰੇਗੀ ਅਤੇ ਇਕ ਹੋਰ ਮਿਸ਼ਨ ਕੇਂਦਰ ਦਾ ਨਿਰਮਾਣ ਕਰੇਗਾ ਜੋ ਉਭਰਦੀ ਤਕਨਾਲੋਜੀ ਅਤੇ ਜਲਵਾਯੂ ਪਰਿਵਰਤਨ ਅਤੇ ਗਲੋਬਲ ਸਿਹਤ ਵਰਗੇ ਗਲੋਬਲ ਮੁੱਦਿਆਂ 'ਤੇ ਕੇਂਦਰਿਤ ਹੋਵੇਗਾ। ਰਾਸ਼ਟਰਪਤੀ ਜੋਅ ਬਾਈਡੇਨ ਦਾ ਪ੍ਰਸ਼ਾਸਨ ਮੰਨਦਾ ਹੈ ਕਿ ਕਈ ਸੁਰੱਖਿਆ ਅਤੇ ਆਰਥਿਕ ਮੁੱਦਿਆਂ 'ਤੇ ਚੀਨ ਦੀ ਹਮਲਾਵਰਤਾ ਵਧ ਰਹੀ ਹੈ, ਜਦਕਿ ਉਹ ਜਲਵਾਯੂ ਪਰਿਵਰਤਨ ਅਤੇ ਪ੍ਰਮਾਣੂ ਹਥਿਆਰਾਂ ਨਾਲ ਉੱਤਰ ਕੋਰੀਆ ਨਾਲ ਲੈਸ ਹੋਣ ਵਰਗੇ ਮੁੱਦਿਆਂ 'ਤੇ ਸਾਰਿਆਂ ਨੂੰ ਨਾਲ ਲੈ ਕੇ ਚੱਲਣਾ ਚਾਹੁੰਦਾ ਹੈ। ਚੀਨ ਵਿਸ਼ੇਸ਼ ਤੌਰ 'ਤੇ ਅਮਰੀਕਾ ਦੇ ਖੁਫੀਆ ਸਮੂਹ ਲਈ ਸਖਤ ਚੁਣੌਤੀ ਹੈ ਕਿਉਂਕਿ ਚੀਨ ਕੋਲ ਫੌਜ ਅਤੇ ਸੁਰੱਖਿਆ ਸੇਵਾ ਹੈ ਅਤੇ ਉੱਨਤ ਤਕਨਾਲੋਜੀ ਹੈ ਜੋ ਇਸ ਦੀ ਜਾਸੂਸੀ ਦਾ ਮੁਕਾਬਲਾ ਕਰਨ 'ਚ ਸਮਰੱਥ ਹੈ।

ਇਹ ਵੀ ਪੜ੍ਹੋ : ਜਾਪਾਨ : ਟੋਕੀਓ 'ਚ 6.1 ਦੀ ਤੀਬਰਤਾ ਨਾਲ ਆਇਆ ਭੂਚਾਲ

ਸੀ.ਆਈ.ਏ. ਦੇ ਨਿਰਦੇਸ਼ਕ ਵਿਲੀਅਮ ਬਰਨਸ ਨੇ ਵੀਰਵਾਰ ਨੂੰ ਬਿਆਨ ਜਾਰੀ ਕਰਕੇ ਕਿਹਾ ਕਿ ਚੀਨ ਦੀ ਸਰਕਾਰ ਨੂੰ '21ਵੀਂ ਸਦੀ 'ਚ ਸਭ ਤੋਂ ਵੱਡਾ ਭੂ-ਰਾਜਨੀਤਿਕ ਖਤਰਾ' ਕਰਾਰ ਦਿੱਤਾ। ਬਨਰਸ ਨੇ ਕਿਹਾ 'ਪੂਰੇ ਇਤਿਹਾਸ 'ਚ ਸੀ.ਆਈ.ਏ. ਨੇ ਹਰ ਚੁਣੌਤੀ ਦਾ ਮੁਕਾਬਲਾ ਕੀਤਾ ਤੇ ਹੁਣ ਅਸੀਂ ਸਭ ਤੋਂ ਸਖਤ ਭੂ-ਰਾਜਨੀਤਿਕ ਪ੍ਰੀਖਣ ਦਾ ਸਾਹਮਣਾ ਕਰ ਰਹੇ ਹਨ। ਏਜੰਸੀ ਦੇ ਮੁੜ ਨਿਰਮਾਣ ਤਹਿਤ ਸੀ.ਆਈ.ਏ. ਈਰਾਨ ਅਤੇ ਉੱਤਰ ਕੋਰੀਆ 'ਤੇ ਮਿਸ਼ਨ ਦੇ ਕੇਂਦਰਾਂ ਨੂੰ ਮੌਜੂਦਾ ਕੇਂਦਰਾਂ 'ਚ ਸਹਿਮਤ ਕਰੇਗਾ। ਵੱਖ-ਵੱਖ ਦੇਸ਼ਾਂ ਲਈ ਮਿਸ਼ਨ ਕੇਂਦਰ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਸ਼ਾਸਨ ਦੌਰਾਨ ਬਣਾਇਆ ਗਿਆ ਸੀ।

ਇਹ ਵੀ ਪੜ੍ਹੋ : ਬ੍ਰਿਟੇਨ ਜਾਣ ਵਾਲੇ ਭਾਰਤੀਆਂ ਲਈ ਖੁਸ਼ਖਬਰੀ, ਹੁਣ ਨਹੀਂ ਹੋਣਾ ਪਵੇਗਾ ਇਕਾਂਤਵਾਸ

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।