ਚੀਨ ਨੇ ਤਾਈਵਾਨ ਪ੍ਰਤੀ ਨਰਮ ਕੀਤਾ ਆਪਣਾ ਰੁਖ, ਸ਼ਾਂਤੀਪੂਰਨ ਰਲੇਵੇਂ ਦੀ ਗੱਲਬਾਤ

ਬੀਜਿੰਗ (ਭਾਸ਼ਾ): ਚੀਨ ਨੇ ਤਾਈਵਾਨ ਪ੍ਰਤੀ ਆਪਣਾ ਰੁਖ਼ ਨਰਮ ਕਰਦਿਆਂ ਬੁੱਧਵਾਰ ਨੂੰ ਕਿਹਾ ਕਿ ਸਵੈਸ਼ਾਸਿਤ ਟਾਪੂ ਦਾ ਚੀਨ ਅਧੀਨ ਆਉਣਾ ਨਿਸ਼ਚਿਤ ਹੈ ਪਰ ਉਹ ਅਜਿਹਾ ਸ਼ਾਂਤੀਪੂਰਨ ਢੰਗ ਨਾਲ ਕਰਨ ਦੀ ਕੋਸ਼ਿਸ਼ ਕਰੇਗਾ।ਜ਼ਿਕਰਯੋਗ ਹੈ ਕਿ ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਈਡੇਨ ਨੇ ਹਾਲ ਹੀ ਵਿੱਚ ਇੱਕ ਬਿਆਨ ਦਿੱਤਾ ਸੀ ਕਿ ਜੇਕਰ ਚੀਨ ਤਾਈਵਾਨ 'ਤੇ ਹਮਲਾ ਕਰਦਾ ਹੈ ਤਾਂ ਉਨ੍ਹਾਂ ਦਾ ਦੇਸ਼ ਸਵੈ-ਸ਼ਾਸਨ ਵਾਲੇ ਟਾਪੂ ਦੀ ਰੱਖਿਆ ਕਰੇਗਾ। ਇੱਕ ਦਿਨ ਪਹਿਲਾਂ ਅਮਰੀਕੀ ਅਤੇ ਕੈਨੇਡੀਅਨ ਡੀਐਸ ਜੰਗੀ ਬੇੜੇ ਤਾਇਵਾਨ ਜਲਡਮਰੂਮੱਧ ਤੋਂ ਲੰਘੇ ਸਨ, ਜਿਸ ਤੋਂ ਬਾਅਦ ਚੀਨ ਵੱਲੋਂ ਇਹ ਬਿਆਨ ਆਇਆ ਹੈ। 

ਪੜ੍ਹੋ ਇਹ ਅਹਿਮ  ਖ਼ਬਰ-ਸ਼ਿੰਜ਼ੋ ਆਬੇ ਦੇ ਸਰਕਾਰੀ ਅੰਤਿਮ ਸੰਸਕਾਰ ਦਾ ਖਰਚ 910 ਕਰੋੜ ਰੁਪਏ, ਵਿਰੋਧ 'ਚ 56 ਫੀਸਦੀ ਜਨਤਾ

ਤਾਈਵਾਨ ਦੇ ਖ਼ਿਲਾਫ਼ ਚੀਨ ਦੀ ਤਾਕਤ ਦੀ ਵਰਤੋਂ ਨੂੰ ਲੈ ਕੇ ਵਧ ਰਹੀ ਚਿੰਤਾ ਬਾਰੇ ਪੁੱਛੇ ਜਾਣ 'ਤੇ, ਤਾਈਵਾਨ ਮਾਮਲਿਆਂ ਦੇ ਅਧਿਕਾਰਤ ਬੁਲਾਰੇ ਮਾ ਜ਼ਿਆਓਗੁਆਂਗ ਨੇ ਕਿਹਾ ਕਿ ਮੈਂ ਦੁਹਰਾਉਣਾ ਚਾਹੁੰਦਾ ਹਾਂ ਕਿ ਅਸੀਂ ਸ਼ਾਂਤੀਪੂਰਨ ਪੁਨਰ-ਏਕੀਕਰਨ ਲਈ ਈਮਾਨਦਾਰੀ ਅਤੇ ਗੰਭੀਰਤਾ ਨਾਲ ਕੋਸ਼ਿਸ਼ ਕਰਾਂਗੇ। ਗੌਰਤਲਬ ਹੈ ਕਿ 1949 ਦੇ ਘਰੇਲੂ ਯੁੱਧ ਵਿੱਚ ਚੀਨ ਅਤੇ ਤਾਈਵਾਨ ਵੱਖ ਹੋ ਗਏ ਅਤੇ ਮੁੱਖ ਭੂਮੀ 'ਤੇ ਕਮਿਊਨਿਸਟ ਪਾਰਟੀ ਦਾ ਕਬਜ਼ਾ ਹੋ ਗਿਆ, ਜਦੋਂ ਕਿ ਵਿਰੋਧੀ ਰਾਸ਼ਟਰਵਾਦੀਆਂ ਨੇ ਤਾਈਵਾਨ 'ਤੇ ਆਪਣੀ ਸਰਕਾਰ ਬਣਾਈ। ਤਾਈਵਾਨ ਮੁੱਦੇ 'ਤੇ ਪ੍ਰੈਸ ਕਾਨਫਰੰਸ ਦੌਰਾਨ ਮਾ ਨੇ ਆਪਣੇ ਜਵਾਬ ਵਿੱਚ ਤਾਕਤ ਸ਼ਬਦ ਦੀ ਵਰਤੋਂ ਨਹੀਂ ਕੀਤੀ, ਜਿਵੇਂ ਕਿ ਉਹ ਪਿਛਲੇ ਸਮੇਂ ਵਿੱਚ ਕਰਦੇ ਸਨ। 

ਪੜ੍ਹੋ ਇਹ ਅਹਿਮ ਖ਼ਬਰ-ਆਸਟ੍ਰੇਲੀਆ 'ਚ ਅੰਤਰਰਾਸ਼ਟਰੀ ਪ੍ਰਵਾਸ ਦੀ ਵਾਪਸੀ, ਆਬਾਦੀ ਵਾਧਾ 2 ਸਾਲਾਂ ਦੇ ਉੱਚ ਪੱਧਰ 'ਤੇ

ਉਨ੍ਹਾਂ ਕਿਹਾ ਕਿ ਜੇਕਰ ਤਾਈਵਾਨ ਜਾਂ ਇਸ ਦੇ ਅੰਤਰਰਾਸ਼ਟਰੀ ਸਮਰਥਕਾਂ ਨੇ ਕਿਸੇ ਵੀ ਭੜਕਾਹਟ ਵਿਰੁੱਧ ਕਾਰਵਾਈ ਕੀਤੀ ਤਾਂ ਚੀਨ "ਠੋਸ ਕਦਮ" ਚੁੱਕੇਗਾ। ਮਾ ਨੇ ਕਿਹਾ ਕਿ ਚੀਨ ਤਾਈਵਾਨ ਦੀ ਮਦਦ ਲਈ ਹੋਰ ਨੀਤੀਆਂ ਲਾਗੂ ਕਰੇਗਾ, ਚੀਨ ਨਾਲ ਏਕੀਕਰਨ ਦੇ ਲਾਭਾਂ ਨੂੰ ਰੇਖਾਂਕਿਤ ਕਰੇਗਾ ਅਤੇ ਲੋਕਾਂ ਵਿਚਾਲੇ ਸੰਪਰਕ ਨੂੰ ਉਤਸ਼ਾਹਿਤ ਕਰੇਗਾ। ਉਹਨਾਂ ਨੇ ਕਿਹਾ ਕਿ ਮਾਤ ਭੂਮੀ ਨੂੰ ਇਕਜੁੱਟ ਹੋਣਾ ਚਾਹੀਦਾ ਹੈ ਅਤੇ (ਇਹ) ਯਕੀਨੀ ਤੌਰ 'ਤੇ ਇਕਜੁੱਟ ਹੋਵੇਗਾ। ਇਹ ਇੱਕ ਇਤਿਹਾਸਕ ਅਭਿਆਸ ਹੈ, ਜਿਸ ਨੂੰ ਕੋਈ ਨਹੀਂ ਰੋਕ ਸਕਦਾ।