ਅਮਰੀਕਾ ਲਈ ਸਭ ਤੋਂ ਵੱਡਾ ਰਾਸ਼ਟਰੀ ਸੁਰੱਖਿਆ ਖ਼ਤਰਾ ਬਣਿਆ ਚੀਨ : ਨਿੱਕੀ ਹੇਲੀ
10/26/2020 11:53:44 AM
ਵਾਸ਼ਿੰਗਟਨ- ਅਮਰੀਕਾ 'ਚ ਰਾਸ਼ਟਰਪਤੀ ਚੋਣਾਂ ਤੋਂ ਪਹਿਲਾਂ ਭਾਰਤੀ-ਅਮਰੀਕੀ ਰੀਪਬਲਿਕਨ ਨੇਤਾ ਨਿੱਕੀ ਹੇਲੀ ਨੇ ਸ਼ਨੀਵਾਰ ਕਿਹਾ ਕਿ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਸੁਨਿਸ਼ਚਿਤ ਕੀਤਾ ਕਿ ਬੀਜਿੰਗ ਅਮਰੀਕਾ ਦੀ ਬੌਧਿਕ ਸੰਪੱਤੀ ਦੀ ਚੋਰੀ ਨਾ ਕਰ ਸਕੇ। ਚੀਨ ਸੰਯੁਕਤ ਅਮਰੀਕਾ ਲਈ ਸਭ ਤੋਂ ਵੱਡਾ ਰਾਸ਼ਟਰੀ ਸੁਰੱਖਿਆ ਖ਼ਤਰਾ ਬਣ ਗਿਆ ਹੈ।
ਸੰਯੁਕਤ ਰਾਸ਼ਟਰ ਵਿਚ ਅਮਰੀਕਾ ਦੀ ਸਾਬਕਾ ਰਾਜਦੂਤ ਹੇਲੀ ਦੇ ਫਿਲਾਡੇਲਫੀਆ ਦੇ ਮੈਦਾਨ ਵਿਚ ਟਰੰਪ ਲਈ ਇੰਡੀਅਨ ਵਾਇਸ ਆਫ ਟਰੰਪ ਇਵੈਂਟ ਦੌਰਾਨ ਬੋਲਦੇ ਹੋਏ ਕਿਹਾ ਕਿ ਰਾਸ਼ਟਰਪਤੀ ਟਰੰਪ ਨੇ ਚੀਨ ਨੂੰ ਨੋਟਿਸ 'ਤੇ ਰੱਖਿਆ ਹੈ।
ਚੀਨ ਹੁਣ ਵੀ ਸਾਡੇ ਲਈ ਨੰਬਰ ਇਕ ਖ਼ਤਰਾ ਹੈ, ਇਕ ਵੱਡਾ ਰਾਸ਼ਟਰੀ ਸੁਰੱਖਿਆ ਖ਼ਤਰਾ ਹੈ। 48 ਸਾਲਾ ਹੇਲੀ ਨੇ ਕਿਹਾ ਕਿ ਵਪਾਰ ਕਰਨ ਨਾਲ ਰਾਸ਼ਟਰਪਤੀ ਨੇ ਨਾ ਸਿਰਫ ਸਾਡੇ ਲਈ ਇਕ ਵਧੀਆ ਵਪਾਰ ਪ੍ਰਤੀਨਿਧੀ ਹਾਸਲ ਕੀਤਾ, ਬਲਕਿ ਉਨ੍ਹਾਂ ਨੇ ਚੀਨ ਨੂੰ ਬੌਧਿਕ ਸੰਪੱਤੀ ਚੋਰੀ ਲਈ ਨੋਟਿਸ 'ਤੇ ਰੱਖਿਆ।
ਉਨ੍ਹਾਂ ਨੇ ਸੁਨਿਸ਼ਚਿਤ ਕੀਤਾ ਕਿ ਉਹ ਬੌਧਿਕ ਸੰਪੱਤੀ ਦੀ ਚੋਰੀ ਨਹੀਂ ਕਰ ਸਕਦੇ ਹਨ। ਉਹ ਸਾਡੀਆਂ ਯੂਨੀਵਰਸਟੀਆਂ ਵਿਚ ਨਹੀਂ ਜਾ ਸਕਦੇ ਤੇ ਨਾ ਹੀ ਜਾਸੂਸੀ ਕਰ ਸਕਦੇ ਹਨ।
