ਬ੍ਰਿਟੇਨ ''ਚ ਖੁੱਲ੍ਹੀ ਪਹਿਲੀ ''ਸਮਾਰਟ'' ਜੇਲ੍ਹ, ਕੈਦੀ ਕਰ ਸਕਣਗੇ ਜਿਮ ਤੇ ਟੈਬਲੇਟ ਦੀ ਵਰਤੋਂ

ਲੰਡਨ-ਬ੍ਰਿਟੇਨ 'ਚ ਸ਼ੁੱਕਰਵਾਰ ਨੂੰ ਪਹਿਲੀ 'ਸਮਾਰਟ' ਜੇਲ੍ਹ ਖੋਲ੍ਹੀ ਗਈ ਜਿਸ ਨਾਲ ਆਧੁਨਿਕ ਤਕਨਾਲੋਜੀ ਨਾਲ ਡਿਜ਼ਾਈਨ ਕੀਤਾ ਗਿਆ ਹੈ ਅਤੇ ਇਸ ਨਾਲ ਅਪਰਾਧ ਘੱਟ ਹੋਣ ਦੀ ਉਮੀਦ ਜਤਾਈ ਗਈ ਹੈ। ਮੱਧ ਇੰਗਲੈਂਡ ਦੇ ਨਾਰਥੇਂਪਟਨਸ਼ਾਇਰ ਦੇ ਵੇਲਿੰਗਬੋਰੋ 'ਚ ਹਰ ਮੈਜੇਸਟੀਜ਼ ਜੇਲ੍ਹ (ਐੱਚ.ਐੱਮ.ਪੀ.) ਪੰਜ ਵੇਲਾਂ ਦੇ ਸੈੱਲਾਂ ਨੂੰ ਕਮਰੇ ਕਿਹਾ ਜਾਵੇਗਾ ਅਤੇ ਇਸ 'ਚ ਰਹਿਣ ਵਾਲੇ ਕੈਦੀਆਂ ਨੂੰ ਮੁੜ ਪ੍ਰਕਿਰਿਆ ਤਹਿਤ ਨਿਵਾਸੀ ਕਿਹਾ ਜਾਵੇਗਾ।

ਇਹ ਵੀ ਪੜ੍ਹੋ : ਲਾਸ ਵੇਗਾਸ ਦੇ ਅਪਾਰਟਮੈਂਟ ਕੰਪਲੈਕਸ 'ਚ ਗੋਲੀਬਾਰੀ, 1 ਦੀ ਮੌਤ

ਇਸ ਜੇਲ੍ਹ 'ਚ 1,700 ਕੈਦੀਆਂ ਨੂੰ ਰੱਖਿਆ ਜਾ ਸਕਦਾ ਹੈ ਜਿਥੇ ਇਕ ਜਿਮ, ਇਕ ਸਨੂਕਰ ਟੇਬਲ, ਟੇਬਲ ਟੈਨਿਸ ਅਤੇ ਹੁਨਰ ਪ੍ਰਦਾਨ ਕਰਨ ਦੇ ਲਿਹਾਜ ਨਾਲ ਕੰਪਿਊਟਰ ਟੇਬਲ ਵੀ ਹੋਣਗੇ। ਬ੍ਰਿਟੇਨ ਦੇ ਨਿਆਂ ਵਿਭਾਗ ਨੇ ਕਿਹਾ ਕਿ ਇਹ ਦੇਸ਼ ਦੀ ਪਹਿਲੀ ਜੇਲ੍ਹ ਹੈ ਜਿਸ 'ਚ ਕੈਦੀਆਂ ਦੀ ਰਿਹਾਈ ਤੋਂ ਬਾਅਦ ਉਨ੍ਹਾਂ ਨੂੰ ਸਿੱਖਿਆ, ਸਿਖਲਾਈ ਪ੍ਰਦਾਨ ਕਰਨ ਅਤੇ ਰੋਜ਼ਗਾਰ ਦਿਲਾਉਣ ਦਾ ਮਕੱਸਦ ਰੱਖਿਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਦੇ ਉਪਾਅ ਨਾਲ ਅਪਰਾਧ ਘੱਟ ਹੋਣ ਅਤੇ ਅਪਰਾਧੀਆਂ ਦੇ ਰਿਹਾਅ ਹੋਣ ਤੋਂ ਬਾਅਦ ਉਨ੍ਹਾਂ ਦੇ ਜੁਰਮ ਦੀ ਦੁਨੀਆ 'ਚ ਪਰਤਣ ਦਾ ਖ਼ਦਸ਼ਾ ਘੱਟ ਹੋਵੇਗਾ।

ਇਹ ਵੀ ਪੜ੍ਹੋ :ਰੂਸੀ ਇੰਟੈਲੀਜੈਂਸੀ ਦੀ ਚਿਤਾਵਨੀ, ਯੂਕ੍ਰੇਨ ’ਚ ਅੱਤਵਾਦੀ ਲੜਾਕੇ ਭੇਜ ਰਹੇ ਹਨ NATO ਦੇਸ਼

ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ