300 ਰੁਪਏ 'ਚ ਖਰੀਦੀ 'ਚੀਜ਼' ਦੀ ਲੱਗ ਗਈ 600 ਕਰੋੜ ਦੀ ਬੋਲੀ ! ਮਾਲਾਮਾਲ ਹੋ ਗਿਆ ਬੰਦਾ

ਇੰਟਰਨੈਸ਼ਨਲ ਡੈਸਕ : ਕਹਿੰਦੇ ਹਨ ਕਿ ਸਹੀ ਸਮੇਂ 'ਤੇ ਲਿਆ ਗਿਆ ਫੈਸਲਾ ਕਿਸਮਤ ਬਦਲ ਸਕਦਾ ਹੈ ਅਤੇ ਅਜਿਹਾ ਹੀ ਕੁਝ ਮਲੇਸ਼ੀਆ ਦੇ ਇੱਕ ਟੈਕ ਉਦਯੋਗਪਤੀ ਅਰਸਿਆਨ ਇਸਮਾਈਲ ਨਾਲ ਹੋਇਆ ਹੈ। ਸਾਲ 1993 ਵਿੱਚ, ਜਦੋਂ ਅਰਸਿਆਨ ਸਿਰਫ਼ 10 ਸਾਲਾਂ ਦਾ ਸੀ, ਉਸਨੇ ਸ਼ੌਕ ਵਜੋਂ AI.com ਨਾਮ ਦਾ ਇੱਕ ਇੰਟਰਨੈੱਟ ਡੋਮੇਨ ਖਰੀਦਿਆ ਸੀ। ਉਸ ਸਮੇਂ ਨਾ ਤਾਂ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦਾ ਕੋਈ ਰੁਝਾਨ ਸੀ ਅਤੇ ਨਾ ਹੀ ਚੈਟਬੋਟਸ ਦਾ ਨਾਮੋ-ਨਿਸ਼ਾਨ। ਅੱਜ ਉਹੀ ਡੋਮੇਨ ਦੁਨੀਆ ਦੀ ਸਭ ਤੋਂ ਮਹਿੰਗੀ ਡੀਲ ਬਣ ਕੇ 70 ਮਿਲੀਅਨ ਡਾਲਰ (ਕਰੀਬ 600 ਕਰੋੜ ਰੁਪਏ) ਵਿੱਚ ਵਿਕਿਆ ਹੈ।

ਮਾਮੂਲੀ ਕੀਮਤ 'ਤੇ ਖਰੀਦਿਆ ਸੀ ਡੋਮੇਨ
ਜਦੋਂ ਅਰਸਿਆਨ ਨੇ ਇਹ ਡੋਮੇਨ ਖਰੀਦਿਆ ਸੀ, ਉਦੋਂ ਇੰਟਰਨੈੱਟ ਨਵਾਂ-ਨਵਾਂ ਸੀ ਅਤੇ ਡੋਮੇਨ ਰਜਿਸਟਰ ਕਰਨ ਦੀ ਫੀਸ ਬਹੁਤ ਘੱਟ ਹੁੰਦੀ ਸੀ। ਰਿਪੋਰਟਾਂ ਅਨੁਸਾਰ ਉਸਨੇ ਇਹ ਨਾਮ ਸਿਰਫ਼ ਕੁਝ ਸੌ ਰੁਪਏ (ਅੱਜ ਦੇ ਹਿਸਾਬ ਨਾਲ ਕਰੀਬ 300 ਰੁਪਏ) ਵਿੱਚ ਲਿਆ ਸੀ। ਇੰਨੇ ਸਾਲਾਂ ਤੱਕ ਉਸਨੇ ਇਸ ਡੋਮੇਨ ਦੀ ਮਾਲਕੀ ਆਪਣੇ ਕੋਲ ਰੱਖੀ, ਹਾਲਾਂਕਿ ਵਿਚਕਾਰ ਇਸਨੂੰ ਕਈ ਕੰਪਨੀਆਂ ਨੂੰ ਲੀਜ਼ 'ਤੇ ਵੀ ਦਿੱਤਾ ਗਿਆ ਸੀ।

80 ਕਰੋੜ ਖਰਚ ਕੇ ਵਾਪਸ ਹਾਸਲ ਕੀਤਾ ਕੰਟਰੋਲ 
ਸਾਲ 2025 ਵਿੱਚ ਇੱਕ ਦਿਲਚਸਪ ਮੋੜ ਆਇਆ ਜਦੋਂ ਇਹ ਡੋਮੇਨ ਅਰਸਿਆਨ ਦੇ ਕੰਟਰੋਲ ਤੋਂ ਬਾਹਰ ਹੋ ਗਿਆ ਸੀ। ਡੋਮੇਨ ਦੀ ਭਵਿੱਖੀ ਕੀਮਤ ਨੂੰ ਪਛਾਣਦੇ ਹੋਏ, ਉਸਨੇ ਇਸ ਨੂੰ ਵਾਪਸ ਪਾਉਣ ਲਈ 10 ਮਿਲੀਅਨ ਡਾਲਰ (ਕਰੀਬ 80 ਕਰੋੜ ਰੁਪਏ) ਖਰਚ ਕੀਤੇ। ਉਸਦਾ ਇਹ ਜੂਆ ਸਹੀ ਸਾਬਤ ਹੋਇਆ ਅਤੇ 2026 ਵਿੱਚ ਉਸਨੇ ਇਸਨੂੰ ਭਾਰੀ ਮੁਨਾਫ਼ੇ ਨਾਲ ਵੇਚ ਦਿੱਤਾ।

Crypto.com ਦੇ CEO ਨੇ ਖਰੀਦਿਆ 
ਇਸ ਬੇਸ਼ਕੀਮਤੀ ਡੋਮੇਨ ਨੂੰ Crypto.com ਦੇ CEO ਨੇ ਖਰੀਦਿਆ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਕੰਪਨੀ ਹੁਣ ਡਿਜੀਟਲ ਫਾਈਨੈਂਸ ਦੇ ਨਾਲ-ਨਾਲ AI ਦੇ ਖੇਤਰ ਵਿੱਚ ਵੱਡਾ ਕਦਮ ਵਧਾਉਣ ਦੀ ਤਿਆਰੀ ਕਰ ਰਹੀ ਹੈ ਅਤੇ ਇਸ ਡੋਮੇਨ ਨੂੰ ਇੱਕ ਨਵੇਂ ਪਲੇਟਫਾਰਮ ਵਜੋਂ ਵਰਤਿਆ ਜਾਵੇਗਾ।

ਡਿਜੀਟਲ ਨਾਵਾਂ ਦੀ ਵਧਦੀ ਕੀਮਤ
 ਇਹ ਡੀਲ ਸਾਬਤ ਕਰਦੀ ਹੈ ਕਿ ਜਿਸ ਤਰ੍ਹਾਂ ਜ਼ਮੀਨ ਅਤੇ ਜਾਇਦਾਦ ਦੀਆਂ ਕੀਮਤਾਂ ਵਧਦੀਆਂ ਹਨ, ਉਸੇ ਤਰ੍ਹਾਂ ਡਿਜੀਟਲ ਦੁਨੀਆ ਵਿੱਚ 'ਬ੍ਰਾਂਡ ਨੇਮ' ਵੀ ਬਹੁਤ ਕੀਮਤੀ ਹੋ ਗਏ ਹਨ। AI ਅੱਜ ਸਿਰਫ਼ ਇੱਕ ਤਕਨੀਕੀ ਟੂਲ ਨਹੀਂ ਰਿਹਾ, ਸਗੋਂ ਇੱਕ ਵੱਡਾ ਬ੍ਰਾਂਡ ਬਣ ਚੁੱਕਾ ਹੈ, ਜਿਸ ਕਾਰਨ AI.com ਵਰਗੇ ਨਾਮਾਂ ਦੀ ਕੀਮਤ ਅਸਮਾਨ ਨੂੰ ਛੂਹ ਰਹੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e