ਕੈਨਡਾ ਦੀ ਧਰਤੀ ''ਤੇ ਭਾਰਤ ਵਿਰੋਧੀ ਕਾਰਵਾਈ ! ਨਾਅਰੇਬਾਜ਼ੀ ਮਗਰੋਂ ਤਿਰੰਗੇ ਦਾ ਵੀ ਕੀਤਾ ਗਿਆ ਅਪਮਾਨ

ਇੰਟਰਨੈਸ਼ਨਲ ਡੈਸਕ- ਵੈਨਕੂਵਰ 'ਚ ਵੱਡੇ ਪੱਧਰ 'ਤੇ ਖਾਲਿਸਤਾਨੀ ਸਮਰਥਕ ਸੜਕਾਂ 'ਤੇ ਉਤਰੇ ਤੇ ਉਨ੍ਹਾਂ ਭਾਰਤ ਖ਼ਿਲਾਫ਼ ਨਾਅਰੇਬਾਜ਼ੀ ਕੀਤੀ। ਪਹੁੰਚੇ ਹੋਏ ਲੋਕਾਂ ਦੇ ਹੱਥਾਂ 'ਚ ਖਾਲਿਸਤਾਨ ਦੇ ਝੰਡੇ ਫੜੇ ਹੋਏ ਸਨ, ਜਦਕਿ ਕੰਧਾਂ 'ਤੇ ਭਾਰਤ ਤੇ ਭਾਰਤ ਸਰਕਾਰ ਵਿਰੋਧੀ ਪੋਸਟਰ ਲਗਾਏ ਗਏ ਸਨ, ਜਿਨ੍ਹਾਂ 'ਚੋਂ ਕਈਆਂ 'ਤੇ ਭਾਰਤ 'ਤੇ ਨਿੱਝਰ ਕਤਲਕਾਂਡ ਦਾ ਦੋਸ਼ੀ ਹੋਣ ਤੇ 1985 'ਚ ਹੋਏ ਏਅਰ ਇੰਡੀਆ ਕਨਿਸ਼ਕ ਜਹਾਜ਼ ਧਮਾਕੇ ਪਿੱਛੇ ਵੀ ਭਾਰਤ ਦਾ ਹੱਥ ਹੋਣ ਦਾ ਦੋਸ਼ ਲਾਇਆ ਗਿਆ ਹੈ।

ਇਹੀ ਨਹੀਂ, ਇਸ ਪ੍ਰੋਗਰਾਮ ਦੌਰਾਨ ਉਨ੍ਹਾਂ ਨੇ ਖਾਲਿਸਤਾਨੀ ਝੰਡੇ ਹੱਥਾਂ 'ਚ ਫੜੇ ਹੋਏ ਸਨ, ਉੱਥੇ ਹੀ ਭਾਰਤ ਦੇ ਤਿਰੰਗੇ ਨੂੰ ਸੜਕ 'ਤੇ ਪੈਰਾਂ 'ਚ ਸੁੱਟ ਕੇ ਇਸ ਦਾ ਅਪਮਾਨ ਕੀਤਾ ਗਿਆ। ਇਹ ਘਟਨਾ ਅਜਿਹੇ ਸਮੇਂ ਹੋਈ ਹੈ, ਜਦੋਂ ਭਾਰਤ ਤੇ ਕੈਨੇਡਾ ਦੇ ਰਿਸ਼ਤੇ ਨਿੱਝਰ ਕਤਲਕਾਂਡ ਮਗਰੋਂ ਮੁੜ ਲੀਹ 'ਤੇ ਆਉਣ ਲੱਗੇ ਸਨ। ਜੇਕਰ ਮੌਜੂਦਾ ਕਾਰਨੀ ਸਰਕਾਰ ਨੇ ਭਾਰਤ ਵਿਰੋਧੀ ਗਤੀਵਿਧੀਆਂ 'ਤੇ ਸ਼ਿਕੰਜਾ ਨਾ ਕੱਸਿਆ ਤਾਂ ਟਰੂਡੋ ਸਰਕਾਰ ਵਾਂਗ ਇਕ ਵਾਰ ਫ਼ਿਰ ਤੋਂ ਭਾਰਤ-ਕੈਨੇਡਾ ਦੇ ਰਿਸ਼ਤਿਆਂ 'ਚ ਕੜਵਾਹਟ ਆ ਸਕਦੀ ਹੈ।

ਇਹ ਘਟਨਾ ਵਿਸਾਖੀ ਮੌਕੇ ਕੱਢੇ ਜਾ ਰਹੇ ਨਗਰ ਕੀਰਤਨ ਦੌਰਾਨ ਵਾਪਰੀ ਹੈ। ਜਦੋਂ ਦੁਨੀਆ ਭਰ 'ਚ ਵਿਸਾਖੀ ਦਾ ਤਿਉਹਾਰ ਪੂਰੀ ਸ਼ਰਧਾ ਤੇ ਉਤਸਾਹ ਨਾਲ ਮਨਾਇਆ ਜਾ ਰਿਹਾ ਹੈ, ਉੱਥੇ ਹੀ ਕੈਨੇਡਾ 'ਚ ਅਜਿਹੀ ਕਾਰਵਾਈ ਦੋਵਾਂ ਦੇਸ਼ਾਂ ਲਈ ਚਿੰਤਾ ਦਾ ਵਿਸ਼ਾ ਬਣ ਸਕਦੀ ਹੈ। 

ਇਹ ਵੀ ਪੜ੍ਹੋ- ਰਗੜਿਆ ਗਿਆ 'ਵਿਚੋਲਾ' ! ਇਰਾਨ ਨੇ ਹੋਰਮੁਜ਼ ਤੋਂ ਵਾਪਸ ਮੋੜ'ਤੇ ਪਾਕਿਸਤਾਨੀ ਜਹਾਜ਼

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e