80 ਸਾਲ ਦੀ ਬੇਬੇ ਦਾ 35 ਸਾਲਾ ਨੌਜਵਾਨ ''ਤੇ ਆਇਆ ਦਿਲ, ਜਲਦ ਕਰਨਗੇ ਵਿਆਹ
02/02/2020 6:25:01 PM
ਲੰਡਨ- ਅਕਸਰ ਤੁਸੀਂ ਕਈ ਫਿਲਮਾਂ ਵਿਚ ਸੁਣਿਆ ਹੋਵੇਗਾ ਕਿ ਪਿਆਰ ਅੰਨ੍ਹਾ ਹੁੰਦਾ ਹੈ। ਇਸ ਮੁਹਾਵਰੇ ਨੂੰ ਇਕ ਅਜਿਹੇ ਜੋੜੇ ਨੇ ਸੱਚ ਕਰ ਦਿਖਾਇਆ ਹੈ ਜੋ ਉਮਰ ਦੀ ਪਰਵਾਹ ਕੀਤੇ ਬਿਨਾਂ ਇਕ-ਦੂਜੇ ਨੂੰ ਦਿਲ ਦੇ ਬੈਠਿਆ। 35 ਸਾਲ ਦੇ ਮੁਹੰਮਦ ਅਹਿਮਦ ਤੇ ਉਹਨਾਂ ਦੀ 80 ਸਾਲ ਦੀ ਗਰਲਫ੍ਰੈਂਡ ਆਈਰਿਸ ਜੋਨਸ ਇਹਨੀਂ ਦਿਨੀਂ ਆਪਣੇ ਰਿਲੇਸ਼ਨਸ਼ਿਪ ਨੂੰ ਲੈ ਕੇ ਬਹੁਤ ਚਰਚਾ ਵਿਚ ਹਨ।
ਮਿਸਰ ਦੇ ਮੁਹੰਮਦ ਨੇ ਹਾਲ ਹੀ ਵਿਚ ਬ੍ਰਿਟਿਸ਼ ਸਰਕਾਰ ਦੀ ਪੈਨਸ਼ਨ ਦਾ ਲਾਭ ਲੈ ਰਹੀ 80 ਸਾਲ ਦੀ ਬਜ਼ੁਰਗ ਔਰਤ ਦੇ ਨਾਲ ਰਿਲੇਸ਼ਨ ਵਿਚ ਹੋਣ ਦੀ ਗੱਲ ਕਬੂਲੀ ਹੈ। ਇੰਨਾਂ ਹੀ ਨਹੀਂ ਦੋਵੇਂ ਜਲਦੀ ਹੀ ਵਿਆਹ ਵੀ ਕਰਨ ਵਾਲੇ ਹਨ। ਮੁਹੰਮਦ ਅਹਿਮਦ ਦੇ ਰਿਲੇਸ਼ਨਸ਼ਿਪ 'ਤੇ ਖੁਲਾਸੇ ਤੋਂ ਬਾਅਦ ਲੋਕ ਉਹਨਾਂ ਦੇ ਰਿਸ਼ਤੇ 'ਤੇ ਤਰ੍ਹਾਂ-ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ। ਹਾਲਾਂਕਿ ਦੋਵੇਂ ਬਿਨਾਂ ਕਿਸੇ ਦੀ ਪਰਵਾਹ ਕੀਤੇ ਅਜੇ ਵੀ ਇਕ-ਦੂਜੇ ਨੂੰ ਜਮ ਕੇ ਡੇਟ ਕਰ ਰਹੇ ਹਨ।
ਸੰਡੇ ਮਿਰਰ ਦੀ ਰਿਪੋਰਟ ਮੁਤਾਬਕ ਆਈਰਿਸ ਮੁਹੰਮਦ ਦੀ ਮਾਂ ਤੋਂ ਵੀ 20 ਸਾਲ ਵੱਡੀ ਹੈ। ਅਹਿਮਦ ਦਾ ਕਹਿਣਾ ਹੈ ਕਿ ਜਦੋਂ ਇਨਸਾਨ ਨੂੰ ਕਿਸੇ ਨਾਲ ਪਿਆਰ ਹੋ ਜਾਂਦਾ ਹੈ ਤਾਂ ਉਸ ਵਿਚ ਉਮਰ ਮਾਇਨੇ ਨਹੀਂ ਰੱਖਦੀ। ਜਾਣਕਾਰੀ ਮੁਤਾਬਕ ਦੋਵਾਂ ਦੀ ਮੁਲਾਕਾਤ ਸੋਸ਼ਲ ਮੀਡੀਆ ਪਲੇਟਫਾਰਮ ਫੇਸਬੁੱਕ 'ਤੇ ਹੋਈ ਸੀ। ਇਸ ਤੋਂ ਬਾਅਦ ਦੋਵੇਂ ਹੌਲੀ-ਹੌਲੀ ਇਕ-ਦੂਜੇ ਨੂੰ ਪਸੰਦ ਕਰਨ ਲੱਗੇ ਤੇ ਜਲਦੀ ਹੀ ਦੋਸਤੀ ਪਿਆਰ ਵਿਚ ਬਦਲ ਗਈ। ਸੋਸ਼ਲ ਮੀਡੀਆ 'ਤੇ ਕਈ ਲੋਕਾਂ ਨੇ ਇਸ ਨੂੰ ਗਲਤ ਤਰੀਕੇ ਨਾਲ ਪੈਸੇ ਠੱਗਣ ਦਾ ਤਰੀਕਾ ਦੱਸਿਆ ਹੈ। ਸਰਕਾਰ ਤੋਂ ਆਈਰਿਸ ਨੂੰ ਸਿਰਫ 200 ਪਾਊਂਡ ਕਰੀਬ 19 ਹਜ਼ਾਰ ਰੁਪਏ ਬਤੌਰ ਪੈਨਸ਼ਨ ਮਿਲਦੀ ਹੈ।