ਨਵੇਂ ਕਾਨੂੰਨ ਦੇ ਵਿਰੋਧ 'ਚ ਸੜਕਾਂ 'ਤੇ ਉਤਰੇ ਹਜ਼ਾਰਾਂ ਲੋਕ, ਫੂਕ 'ਤੀ ਕੀਨੀਆ ਦੀ ਸੰਸਦ, 10 ਦੀ ਹੋਈ ਮੌਤ
Tuesday, Jun 25, 2024 - 07:56 PM (IST)
ਨੈਰੋਬੀ- ਕੀਨੀਆ ਦੀ ਰਾਜਧਾਨੀ ਨੈਰੌਬੀ 'ਚ ਟੈਕਸ ਵਿਰੋਧ ਪ੍ਰਦਰਸ਼ਨ ਦੌਰਾਨ ਗੋਲੀਬਾਰੀ 'ਚ 10 ਲੋਕ ਮਾਰੇ ਜਾਣ ਅਤੇ ਕਈਆਂ ਦੇ ਜ਼ਖ਼ਮੀ ਹੋਣ ਦੀ ਖਬਰ ਸਾਹਮਣੇ ਆ ਰਹੀ ਹੈ। ਇਹ ਪ੍ਰਦਰਸ਼ਨ ਇਕ ਬਿੱਲ ਨੂੰ ਪਾਸ ਹੋਣ ਤੋਂ ਰੋਕਣ ਲਈ ਹੋ ਰਿਹਾ ਸੀ, ਜਿਸ ਕਾਰਨ ਕਈ ਟੈਕਸ ਵਧਣਗੇ। ਇਸ ਦੌਰਾਨ ਪ੍ਰਦਰਸ਼ਨਕਾਰੀਆਂ ਦੀ ਪੁਲਸ ਨਾਲ ਝੜਪ ਹੋ ਗਈ। ਇਸ ਦੌਰਾਨ ਪ੍ਰਦਰਸ਼ਨਕਾਰੀਆਂ ਨੇ ਕੀਨੀਆ ਦੀ ਸੰਸਦ ਦੇ ਕੁਝ ਹਿੱਸਿਆਂ 'ਚ ਅੱਗ ਲਗਾ ਦਿੱਤੀ। ਸੰਸਦ 'ਤੇ ਹਮਲੇ ਤੋਂ ਬਾਅਦ ਰਾਜਧਾਨੀ 'ਚ ਐਮਰਜੈਂਸੀ ਲਗਾ ਦਿੱਤੀ ਗਈ ਹੈ।
ਦੱਸ ਦੇਈਏ ਕਿ ਮੰਗਲਵਾਰ ਨੂੰ ਕੀਨੀਆ ਦੀ ਸੰਸਦ ਨੇ ਇਕ ਵਿਵਾਦਿਤ ਵਿੱਤ ਬਿੱਲ ਨੂੰ ਮਨਜ਼ੂਰੀ ਦਿੱਤੀ, ਜਿਸ ਦਾ ਮਕਸਦ ਭਾਰੀ ਕਰਜ਼ ਦੇ ਬੋਝ ਨੂੰ ਘੱਟ ਕਰਨ ਦੀ ਕੋਸ਼ਿਸ਼ ਦੇ ਅਧੀਨ ਵਾਧੂ 2.7 ਬਿਲੀਅਨ ਡਾਲਰ ਦਾ ਟੈਕਸ ਜੁਟਾਉਣਾ ਹੈ, ਜਿਸ 'ਚ ਇਕੱਲੇ ਵਿਆਜ਼ ਭੁਗਤਾਨ ਸਾਲਾਨਾ ਮਾਲੀਆ ਦਾ 37 ਫ਼ੀਸਦੀ ਖਰਚ ਕਰਦਾ ਹੈ।
ਦੱਸ ਦੇਈਏ ਕਿ ਕੀਨੀਆ ਵਿਚ ਟੈਕਸਾਂ ਨੂੰ ਲੈ ਕੇ ਪ੍ਰਦਰਸ਼ਨ ਕਰ ਰਹੇ ਹਜ਼ਾਰਾਂ ਪ੍ਰਦਰਸ਼ਨਕਾਰੀ ਸੰਸਦ ਵਿਚ ਦਾਖਲ ਹੋ ਗਏ ਅਤੇ ਇਮਾਰਤ ਦੇ ਇਕ ਹਿੱਸੇ ਨੂੰ ਅੱਗ ਲਗਾ ਦਿੱਤੀ। ਡਾਕਟਰਾਂ ਨੇ ਕੀਨੀਆ ਦੇ ਲੋਕਾਂ ਦੁਆਰਾ ਦਾਨ ਕੀਤੀ ਸਪਲਾਈ ਦੇ ਨਾਲ ਵੱਖ-ਵੱਖ ਸ਼ਹਿਰਾਂ ਵਿੱਚ ਅਸਥਾਈ ਐਮਰਜੈਂਸੀ ਪ੍ਰਤੀਕਿਰਿਆ ਕੇਂਦਰ ਸਥਾਪਤ ਕੀਤੇ।
ਇਸ ਤੋਂ ਪਹਿਲਾਂ ਮੰਗਲਵਾਰ ਨੂੰ ਰਾਜਧਾਨੀ ਨੈਰੋਬੀ 'ਚ ਪੁਲਸ ਨੇ ਪ੍ਰਦਰਸ਼ਨਕਾਰੀਆਂ 'ਤੇ ਗੋਲੀਬਾਰੀ ਕੀਤੀ ਸੀ। ਹਜ਼ਾਰਾਂ ਲੋਕਾਂ ਨੇ ਵਿਰੋਧ ਪ੍ਰਦਰਸ਼ਨ ਵਿੱਚ ਹਿੱਸਾ ਲਿਆ ਅਤੇ ਮੰਗ ਕੀਤੀ ਕਿ ਸੰਸਦ ਮੈਂਬਰ ਇੱਕ ਵਿਵਾਦਪੂਰਨ ਵਿੱਤ ਬਿੱਲ ਵਿੱਚ ਪ੍ਰਸਤਾਵਿਤ ਨਵੇਂ ਟੈਕਸਾਂ ਦੇ ਵਿਰੁੱਧ ਵੋਟ ਦੇਣ। ਵਿਰੋਧ ਦਾ ਇਹ ਦੌਰ ਉਦੋਂ ਸ਼ੁਰੂ ਹੋਇਆ ਜਦੋਂ ਸੰਸਦ ਮੈਂਬਰਾਂ ਨੇ ਨਵੇਂ ਟੈਕਸਾਂ ਦੀ ਪੇਸ਼ਕਸ਼ ਵਾਲੇ ਵਿੱਤ ਬਿੱਲ 'ਤੇ ਵੋਟਿੰਗ ਕੀਤੀ। ਇਨ੍ਹਾਂ ਨਵੇਂ ਟੈਕਸਾਂ 'ਚ 'ਈਕੋ-ਲੇਵੀ' ਵੀ ਸ਼ਾਮਲ ਹੈ ਜਿਸ ਨਾਲ ਸੈਨੇਟਰੀ ਪੈਡ ਅਤੇ ਡਾਇਪਰ ਵਰਗੀਆਂ ਚੀਜ਼ਾਂ ਦੀ ਕੀਮਤ ਵਧੇਗੀ।
ਲੋਕਾਂ ਦੇ ਰੋਹ ਤੋਂ ਬਾਅਦ 'ਰੋਟੀ' 'ਤੇ ਟੈਕਸ ਲਗਾਉਣ ਦੀ ਤਜਵੀਜ਼ ਨੂੰ ਰੱਦ ਕਰ ਦਿੱਤਾ ਗਿਆ ਸੀ ਪਰ ਪ੍ਰਦਰਸ਼ਨਕਾਰੀ ਅਜੇ ਵੀ ਸੰਸਦ ਨੂੰ ਇਸ ਬਿੱਲ ਨੂੰ ਪਾਸ ਨਾ ਕਰਨ ਦੀ ਮੰਗ ਕਰ ਰਹੇ ਹਨ। ਕੀਨੀਆ ਦੇ ਮਨੁੱਖੀ ਅਧਿਕਾਰ ਕਮਿਸ਼ਨ ਨੇ ਮੰਗਲਵਾਰ ਨੂੰ ਪ੍ਰਦਰਸ਼ਨਕਾਰੀਆਂ 'ਤੇ ਗੋਲੀਬਾਰੀ ਕਰਨ ਵਾਲੇ ਅਧਿਕਾਰੀਆਂ ਦੀ ਵੀਡੀਓ ਸਾਂਝੀ ਕੀਤੀ ਅਤੇ ਕਿਹਾ ਕਿ ਉਨ੍ਹਾਂ ਨੂੰ ਜਵਾਬਦੇਹ ਠਹਿਰਾਇਆ ਜਾਵੇਗਾ।
Embeera eyongedde okutabuka mu ggwanga lya Kenya nga wosomera bino abekalakaasi balumbye ekizimbe kya Palamenti woofiisi ezimu nebaziteekera omuliro. Ab’ebyokwerinda bakyakola buli kisoboka okukakkanya embeera. Video: Courtesy #BBSKATI pic.twitter.com/8plqL16nKz
— BBS TEREFAYINA (@bbstvug) June 25, 2024
ਕਮਿਸ਼ਨ ਨੇ ਐਕਸ' 'ਤੇ ਰਾਸ਼ਟਰਪਤੀ ਵਿਲੀਅਮ ਰੂਟੋ ਨੂੰ ਸੰਬੋਧਿਤ ਕਰਦੇ ਹੋਏ ਲਿਖਿਆ, "ਦੁਨੀਆ ਤੁਹਾਨੂੰ ਜ਼ੁਲਮ ਵੱਲ ਵਧਦੇ ਦੇਖ ਰਹੀ ਹੈ! ਤੁਹਾਡੀ ਸਰਕਾਰ ਦੀਆਂ ਕਾਰਵਾਈਆਂ ਲੋਕਤੰਤਰ 'ਤੇ ਹਮਲਾ ਹਨ। ਗੋਲੀਬਾਰੀ ਵਿਚ ਸਿੱਧੇ ਜਾਂ ਅਸਿੱਧੇ ਤੌਰ 'ਤੇ ਸ਼ਾਮਲ ਸਾਰੇ ਲੋਕਾਂ ਨੂੰ ਜਵਾਬਦੇਹ ਠਹਿਰਾਇਆ ਜਾਣਾ ਚਾਹੀਦਾ ਹੈ।
