ਮੰਡੀ ਦੇ ਮੰਗਵਾਈ ’ਚ ਪਾਰਕਿੰਗ ਦੀ ਛੱਤ ਡਿੱਗਣ ਨਾਲ ਕਈ ਕਾਰਾਂ ਨੁਕਸਾਨੀਆਂ
07/31/2021 11:15:06 AM
ਮੰਡੀ, (ਰਜਨੀਸ਼)– ਲਗਾਤਾਰ ਪੈ ਰਿਹਾ ਮੀਂਹ ਮੰਡੀ ਜ਼ਿਲੇ ਵਿਚ ਕਹਿਰ ਵਰ੍ਹਾ ਰਿਹਾ ਹੈ। ਸ਼ਹਿਰ ਦੇ ਮੰਗਵਾਈ ਵਿਚ ਪਾਰਕਿੰਗ ਦੀ ਛੱਤ ਡਿੱਗਣ ਨਾਲ ਉੱਥੇ ਖੜ੍ਹੀਆਂ 7 ਕਾਰਾਂ ਨੁਕਸਾਨੀਆਂ ਗਈਆਂ, ਜਦੋਂਕਿ ਸ਼ੁੱਕਰਵਾਰ ਸਵੇਰੇ ਜ਼ਮੀਨ ਖਿਸਕਣ ਕਾਰਨ ਮਨਾਲੀ-ਚੰਡੀਗੜ੍ਹ ਮਾਰਗ ਥਾਂ-ਥਾਂ ’ਤੇ ਪੱਥਰ ਡਿੱਗਣ ਨਾਲ ਜਾਮ ਰਿਹਾ।
ਇਸ ਤੋਂ ਪਹਿਲਾਂ ਘ੍ਰਾਣ ਨੇੜੇ ਐੱਨ. ਐੱਚ. ’ਤੇ ਮਲਬਾ ਆਉਣ ਕਾਰਨ ਸੜਕ ਬੰਦ ਹੋ ਗਈ ਸੀ, ਜਿਸ ਕਾਰਨ ਦੋਵੇਂ ਪਾਸੇ ਵਾਹਨਾਂ ਦੀਆਂ ਲੰਮੀਆਂ-ਲੰਮੀਆਂ ਕਤਾਰਾਂ ਲੱਗ ਗਈਆਂ, ਜਿਸ ਕਾਰਨ ਲੋਕਾਂ ਨੂੰ ਭਾਰੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ। ਬਾਅਦ ’ਚ ਵਿਭਾਗ ਹਰਕਤ ਵਿਚ ਆਇਆ ਅਤੇ ਸੜਕ ਨੂੰ ਆਵਾਜਾਈ ਲਈ ਬਹਾਲ ਕੀਤਾ।
