ਅੱਜ ਹੀ ਛੱਡ ਦਿਓ ਨਹੁੰ ਚੱਬਣ ਦੀ ਆਦਤ, ਨਹੀਂ ਤਾਂ ਘੇਰ ਲੈਣਗੀਆਂ ਇਹ ਖਤਰਨਾਕ ਬਿਮਾਰੀਆਂ

ਜਲੰਧਰ- ਮੂੰਹ ਨਾਲ ਟੁਕਣਾ(ਚੀਜ਼ਾਂ ਨੂੰ ਦੰਦਾਂ ਨਾਲ ਖੋਲ੍ਹਣ ਦੀ ਆਦਤ) ਇੱਕ ਖ਼ਤਰਨਾਕ ਆਦਤ ਹੈ ਜੋ ਕਈ ਸਿਹਤ ਸਬੰਧੀ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦੀ ਹੈ। ਬਹੁਤ ਸਾਰੇ ਲੋਕਾਂ ਨੂੰ ਨਹੁੰ ਚੱਬਣ ਦੀ ਆਦਤ ਹੁੰਦੀ ਹੈ। ਜੇਕਰ ਤੁਹਾਨੂੰ ਵੀ ਇਸ ਤਰ੍ਹਾਂ ਦੀ ਆਦਤ ਹੈ ਤਾਂ ਤੁਰੰਤ ਹੀ ਸੁਚੇਤ ਹੋ ਜਾਉ। ਅਜਿਹਾ ਇਸ ਲਈ ਕਿਉਂਕਿ ਇਸ ਨਾਲ ਨਾ ਸਿਰਫ਼ ਨਹੁੰਆਂ ਦੀ ਖੂਬਸੂਰਤੀ ਵਿਗੜਦੀ ਹੈ ਸਗੋਂ ਕਈ ਤਰ੍ਹਾਂ ਦੇ ਰੋਗ ਵੀ ਹੋ ਸਕਦੇ ਹਨ। ਸਾਡੇ ਨਹੁੰਆਂ ਵਿਚ ਕਈ ਤਰ੍ਹਾਂ ਦੇ ਰੋਗਜਨਕ ਵਿਸ਼ਾਣੂ ਪਾਏ ਜਾਂਦੇ ਹਨ। ਇਹ ਵਿਸ਼ਾਣੁ ਤੁਹਾਨੂੰ ਆਸਾਨੀ ਨਾਲ ਬੀਮਾਰ ਕਰ ਸਕਦੇ ਹਨ। ਆਉ ਜੀ ਜਾਣਦੇ ਹਾਂ ਕਿ ਜੇਕਰ ਤੁਸੀਂ ਇਹ ਆਦਤ ਨਹੀਂ ਛੱਡ ਸਕਦੇ ਤਾਂ ਤੁਹਾਨੂੰ ਕਿੰਨਾ ਨੁਕਸਾਨ ਹੋ ਸਕਦਾ ਹੈ। 

1.ਦੰਦਾਂ ਨੂੰ ਨੁਕਸਾਨ
ਨਹੁੰ ਚੱਬਣ ਨਾਲ ਤੁਹਾਡੇ ਦੰਦਾਂ ਉਤੇ ਬਹੁਤ ਬੁਰਾ ਅਸਰ ਪੈਂਦਾ ਹੈ। ਨਹੁੰਆਂ ਤੋਂ ਨਿਕਲਣ ਵਾਲੀ ਗੰਦਗੀ ਤੁਹਾਡੇ ਦੰਦਾਂ ਨੂੰ ਕਮਜ਼ੋਰ ਕਰਨ ਲੱਗਦੀ ਹੈ। ਜਾਂਚ ਵਿਚ ਵੀ ਇਹ ਕਿਹਾ ਗਿਆ ਹੈ ਕਿ ਨਹੁੰ ਚੱਬਣ ਨਾਲ ਦੰਦ ਕਮਜ਼ੋਰ ਹੁੰਦੇ ਹਨ। 

2. ਦੰਦਾਂ ਦਾ ਸੜਨਾ
ਦੰਦਾਂ ਨਾਲ ਚੀਜ਼ਾਂ ਖੋਲ੍ਹਣ ਜਾਂ ਚੱਬਣ ਨਾਲ ਦੰਦਾਂ ਦੀ ਤਹਿ ਪਿੱਘਲ ਸਕਦੀ ਹੈ, ਜਿਸ ਨਾਲ ਦੰਦਾਂ ਦੇ ਸੜਨ ਦਾ ਖਤਰਾ ਵਧ ਜਾਂਦਾ ਹੈ।

ਇਹ ਖ਼ਬਰ ਵੀ ਪੜ੍ਹੋ -ਹਿਨਾ ਖਾਨ ਦੇ ਕੈਂਸਰ ਬਾਰੇ ਗਿੱਪੀ ਦਾ ਵੱਡਾ ਬਿਆਨ, ਕਿਹਾ- ਬਹੁਤ ਹੀ...

3.ਬੈਕਟੀਰੀਆ ਦਾ ਖ਼ਤਰਾ
ਦਸਤਾਰਬੰਦ ਜਾਂ ਕਿਸੇ ਹੋਰ ਚੀਜ਼ ਨੂੰ ਦੰਦਾਂ ਨਾਲ ਖੋਲ੍ਹਣ ਨਾਲ ਬੈਕਟੀਰੀਆ ਮੂੰਹ 'ਚ ਚਲੇ ਜਾਂਦੇ ਹਨ ਜੋ ਸਿਹਤ ਸਬੰਧੀ ਸਮੱਸਿਆਵਾਂ ਪੈਦਾ ਕਰ ਸਕਦੇ ਹਨ।

4.ਚਮੜੀ ਇੰਨਫੈਕਸ਼ਨ  
ਨਹੁੰ ਚੱਬਣ ਨਾਲ ਉਸ ਦੇ ਆਲੇ ਦੁਆਲੇ ਦੀ ਚਮੜੀ ਦੀਆਂ ਕੋਸ਼ਿਕਾਵਾਂ ਵੀ ਨੁਕਸਾਨੀਆਂ ਜਾਂਦੀਆਂ ਹਨ। ਅਜਿਹੇ 'ਚ ਪੈਰੋਨਿਸ਼ੀਆ ਤੋਂ ਪੀੜਿਤ ਹੋਣ ਦਾ ਖ਼ਤਰਾ ਹੁੰਦਾ ਹੈ। ਇਹ ਇਕ ਚਮੜੀ ਇੰਨਫੈਕਸ਼ਨ ਹੈ ਜੋ ਨਹੁੰ ਦੀ ਆਲੇ ਦੁਆਲੇ ਦੀ ਚਮੜੀ 'ਚ ਹੁੰਦਾ ਹੈ। ਇਕ ਰਿਸਰਚ ਤੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਜਿਆਦਾ ਨਹੁੰ ਚੱਬਣ ਵਾਲੇ ਲੋਕ ਤਨਾਅ 'ਚ ਜ਼ਿਆਦਾ ਰਹਿੰਦੇ ਹਨ। 

5. ਕੈਂਸਰ ਦਾ ਵੀ ਖ਼ਤਰਾ 
ਹਮੇਸ਼ਾ ਨਹੁੰ ਚੱਬਣ ਨਾਲ ਅੰਤੜੀਆਂ ਦਾ ਕੈਂਸਰ ਵੀ ਹੋ ਸਕਦਾ ਹੈ। ਦਰਅਸਲ ਨਹੁੰ ਚੱਬਣ ਨਾਲ ਨਹੁੰ ਵਿਚ ਮੌਜੂਦ ਬੈਕਟੀਰੀਆ ਸਾਡੀਆਂ ਅੰਤੜੀਆਂ ਤੱਕ ਪਹੁੰਚ ਜਾਂਦੇ ਹਨ ਜੋ ਕੈਂਸਰ ਜਿਵੇਂ ਰੋਗ ਵੀ ਦੇ ਸਕਦੇ ਹਨ।  

6.ਚਮੜੀ ਵਿਚ ਜ਼ਖ਼ਮ
ਲਗਾਤਾਰ ਨਹੁੰ ਚੱਬਣ ਵਾਲੇ ਲੋਕ ਡਰਮੇਟੋਫੇਜੀਆ ਨਾਮ ਰੋਗ ਦੇ ਸ਼ਿਕਾਰ ਹੋ ਜਾਂਦੇ ਹਨ। ਇਸ ਰੋਗ ਵਿਚ ਚਮੜੀ ਉਤੇ ਜ਼ਖ਼ਮ ਬਨਣ ਲੱਗਦੇ ਹਨ। ਇਥੋਂ ਤੱਕ ਕਿ ਇਸ ਦੇ ਇੰਨਫੈਕਸ਼ਨ ਤੋਂ ਨਸਾਂ ਨੂੰ ਵੀ ਨੁਕਸਾਨ ਪੁਜਦਾ ਹੈ। 

ਇਹ ਖ਼ਬਰ ਵੀ ਪੜ੍ਹੋ -ਪੰਜਾਬੀ ਅਦਾਕਾਰ ਦੀ ਘਰਵਾਲੀ ਨਾਲ ਛੇੜਛਾੜ, ਕੈਮਰੇ ਅੱਗੇ ਲਾਏ ਵੱਡੇ ਇਲਜ਼ਾਮ

ਇਸ ਲਈ, ਇਹ ਸਲਾਹ ਦਿੱਤੀ ਜਾਂਦੀ ਹੈ ਕਿ ਮੂੰਹ ਨਾਲ ਚੀਜ਼ਾਂ ਨੂੰ ਚੱਬਣ ਦੀ ਆਦਤ ਛੱਡ ਦਿਓ ਅਤੇ ਸਹੀ ਸਾਧਨਾਂ ਦੀ ਵਰਤੋਂ ਕਰੋ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।