ਖੂਨ ਦੀ ਕਮੀ ਨੂੰ ਜੜ੍ਹ ਤੋਂ ਖਤਮ ਕਰਨਗੇ ਇਹ ਦੇਸੀ ਨੁਸਖੇ; ਕੁਝ ਹੀ ਦਿਨਾਂ 'ਚ ਮਿਲੇਗਾ ਫਰਕ

ਹੈਲਥ ਡੈਸਕ - ਅੱਜ-ਕੱਲ੍ਹ ਦੀ ਭੱਜ-ਦੌੜ ਭਰੀ ਜ਼ਿੰਦਗੀ 'ਚ ਅਸੀਂ ਅਕਸਰ ਸਰੀਰਕ ਥਕਾਵਟ, ਸੁਸਤੀ ਅਤੇ ਸਾਹ ਚੜ੍ਹਨ ਵਰਗੀਆਂ ਸਮੱਸਿਆਵਾਂ ਨੂੰ ਮਾਮੂਲੀ ਸਮਝ ਕੇ ਨਜ਼ਰਅੰਦਾਜ਼ ਕਰ ਦਿੰਦੇ ਹਾਂ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਹ ਲੱਛਣ ਸਰੀਰ 'ਚ ਖੂਨ ਦੀ ਕਮੀ ਦਾ ਸੰਕੇਤ ਹੋ ਸਕਦੇ ਹਨ? ਸਰੀਰ 'ਚ ਹੀਮੋਗਲੋਬਿਨ ਦਾ ਸਹੀ ਪੱਧਰ ਸਿਰਫ਼ ਤਾਕਤ ਲਈ ਹੀ ਨਹੀਂ, ਸਗੋਂ ਸਾਡੇ ਦਿਲ ਅਤੇ ਦਿਮਾਗ ਦੀ ਸਹੀ ਕਾਰਜਪ੍ਰਣਾਲੀ ਲਈ ਵੀ ਬਹੁਤ ਜ਼ਰੂਰੀ ਹੈ।

ਜੇਕਰ ਤੁਸੀਂ ਵੀ ਵਾਰ-ਵਾਰ ਦਵਾਈਆਂ ਖਾ ਕੇ ਥੱਕ ਚੁੱਕੇ ਹੋ, ਤਾਂ ਹੁਣ ਸਮਾਂ ਹੈ ਕੁਦਰਤੀ ਰਾਹ ਅਪਣਾਉਣ ਦਾ। ਸਾਡੀ ਰਸੋਈ 'ਚ ਹੀ ਅਜਿਹੇ ਕਈ ਖ਼ਜ਼ਾਨੇ ਛੁਪੇ ਹੋਏ ਹਨ, ਜੋ ਕੁਝ ਹੀ ਦਿਨਾਂ 'ਚ ਸਰੀਰ 'ਚ ਖੂਨ ਦੀ ਮਾਤਰਾ ਨੂੰ ਤੇਜ਼ੀ ਨਾਲ ਵਧਾ ਸਕਦੇ ਹਨ। ਇਸ ਲੇਖ 'ਚ ਅਸੀਂ ਤੁਹਾਨੂੰ ਦੱਸਾਂਗੇ ਉਹ ਅਚੂਕ ਘਰੇਲੂ ਨੁਸਖੇ ਅਤੇ ਖਾਣ-ਪੀਣ ਦੇ ਸਹੀ ਤਰੀਕੇ, ਜੋ ਤੁਹਾਡੇ ਸਰੀਰ ਨੂੰ ਅੰਦਰੋਂ ਫ਼ੌਲਾਦ ਵਰਗਾ ਮਜ਼ਬੂਤ ਬਣਾ ਦੇਣਗੇ।

ਲੋਹੇ (Iron) ਦੇ ਬਰਤਨਾਂ ਦੀ ਵਰਤੋਂ ਕਰੋ
-  ਪੁਰਾਣੇ ਸਮਿਆਂ 'ਚ ਲੋਕ ਲੋਹੇ ਦੀ ਕੜਾਹੀ 'ਚ ਸਬਜ਼ੀ ਬਣਾਉਂਦੇ ਸਨ। ਵਿਗਿਆਨਕ ਤੌਰ 'ਤੇ ਵੀ ਇਹ ਸਾਬਤ ਹੋ ਚੁੱਕਾ ਹੈ ਕਿ ਲੋਹੇ ਦੇ ਬਰਤਨ 'ਚ ਖਾਣਾ ਬਣਾਉਣ ਨਾਲ ਭੋਜਨ 'ਚ ਆਇਰਨ ਦੀ ਮਾਤਰਾ ਵਧ ਜਾਂਦੀ ਹੈ, ਜੋ ਖੂਨ ਦੀ ਕਮੀ ਨੂੰ ਕੁਦਰਤੀ ਤਰੀਕੇ ਨਾਲ ਪੂਰਾ ਕਰਦਾ ਹੈ।

ਚਾਹ ਅਤੇ ਕੌਫੀ ਤੋਂ ਪਰਹੇਜ਼ 
- ਬਹੁਤ ਸਾਰੇ ਲੋਕਾਂ ਨੂੰ ਖਾਣਾ ਖਾਣ ਤੋਂ ਤੁਰੰਤ ਬਾਅਦ ਚਾਹ ਪੀਣ ਦੀ ਆਦਤ ਹੁੰਦੀ ਹੈ। ਚਾਹ ਅਤੇ ਕੌਫੀ ਵਿੱਚ ਮੌਜੂਦ 'ਟੈਨਿਨ' ਸਰੀਰ ਨੂੰ ਭੋਜਨ 'ਚੋਂ ਆਇਰਨ ਸੋਖਣ ਨਹੀਂ ਦਿੰਦੇ। ਇਸ ਲਈ ਖਾਣੇ ਦੇ 1 ਘੰਟਾ ਪਹਿਲਾਂ ਜਾਂ ਬਾਅਦ ਤੱਕ ਚਾਹ-ਕੌਫੀ ਨਾ ਪੀਓ।

'ਵਿਟਾਮਿਨ C' ਦਾ ਸੇਵਨ ਵਧਾਓ
- ਸਿਰਫ ਆਇਰਨ ਵਾਲੀਆਂ ਚੀਜ਼ਾਂ ਖਾਣਾ ਹੀ ਕਾਫ਼ੀ ਨਹੀਂ ਹੈ, ਸਰੀਰ ਨੂੰ ਉਸ ਆਇਰਨ ਨੂੰ ਜਜ਼ਬ ਕਰਨ ਲਈ ਵਿਟਾਮਿਨ-ਸੀ ਦੀ ਲੋੜ ਹੁੰਦੀ ਹੈ। ਆਪਣੀ ਡਾਈਟ 'ਚ ਨਿੰਬੂ, ਆਂਵਲਾ, ਸੰਤਰਾ ਅਤੇ ਟਮਾਟਰ ਸ਼ਾਮਲ ਕਰੋ। ਜਦੋਂ ਵੀ ਆਇਰਨ ਵਾਲੀ ਚੀਜ਼ ਖਾਓ, ਉਸ ਉੱਪਰ ਨਿੰਬੂ ਜ਼ਰੂਰ ਨਿਚੋੜੋ।

ਅੰਕੁਰਿਤ ਅਨਾਜ ਖਾਓ
- ਅੰਕੁਰਿਤ ਕੀਤੀਆਂ ਹੋਈਆਂ ਦਾਲਾਂ, ਮੋਠ ਜਾਂ ਕਾਲੇ ਚਣੇ ਖਾਣ ਨਾਲ ਸਰੀਰ ਨੂੰ ਭਰਪੂਰ ਮਾਤਰਾ 'ਚ ਆਇਰਨ ਅਤੇ ਫੋਲਿਕ ਐਸਿਡ ਮਿਲਦਾ ਹੈ। ਇਹ ਖੂਨ ਦੇ ਨਵੇਂ ਸੈੱਲ (RBC) ਬਣਾਉਣ 'ਚ ਬਹੁਤ ਮਦਦਗਾਰ ਹੁੰਦੇ ਹਨ।

ਤਾਂਬੇ ਦੇ ਬਰਤਨ 'ਚ ਰੱਖਿਆ ਪਾਣੀ
- ਰਾਤ ਨੂੰ ਤਾਂਬੇ ਦੇ ਜੱਗ ਜਾਂ ਗਲਾਸ 'ਚ ਪਾਣੀ ਰੱਖੋ ਅਤੇ ਸਵੇਰੇ ਖਾਲੀ ਪੇਟ ਇਸ ਦਾ ਸੇਵਨ ਕਰੋ। ਤਾਂਬਾ ਸਰੀਰ 'ਚ ਜ਼ਰੂਰੀ ਖਣਿਜਾਂ ਦੀ ਪੂਰਤੀ ਕਰਦਾ ਹੈ ਅਤੇ ਲਿਵਰ ਨੂੰ ਸਹੀ ਰੱਖਦਾ ਹੈ, ਜਿਸ ਨਾਲ ਖੂਨ ਬਣਨ ਦੀ ਪ੍ਰਕਿਰਿਆ ਤੇਜ਼ ਹੁੰਦੀ ਹੈ।

ਹਲਕੀ ਕਸਰਤ ਅਤੇ ਯੋਗਾ
- ਜਦੋਂ ਸਰੀਰ 'ਚ ਖੂਨ ਦੀ ਕਮੀ ਹੁੰਦੀ ਹੈ, ਤਾਂ ਆਕਸੀਜਨ ਦੀ ਸਪਲਾਈ ਘੱਟ ਜਾਂਦੀ ਹੈ। ਹਲਕੀ ਸੈਰ ਜਾਂ 'ਪ੍ਰਾਣਾਯਾਮ' ਕਰਨ ਨਾਲ ਸਰੀਰ 'ਚ ਆਕਸੀਜਨ ਦਾ ਪੱਧਰ ਵਧਦਾ ਹੈ ਅਤੇ ਮੈਟਾਬੋਲਿਜ਼ਮ ਠੀਕ ਹੁੰਦਾ ਹੈ, ਜੋ ਖੂਨ ਵਧਾਉਣ 'ਚ ਸਹਾਇਕ ਹੈ।