ਚਮਤਕਾਰੀ ਫ਼ਾਇਦੇ ਦਿੰਦਾ ਹੈ ਅਨਾਰ ਦਾ ਜੂਸ ! ਬਸ ਜਾਣ ਲਓ ਪੀਣ ਦਾ ਸਹੀ ਸਮਾਂ, ਇਨ੍ਹਾਂ ਗੱਲਾਂ ਦਾ ਵੀ ਰੱਖੋ ਧਿਆਨ

ਹੈਲਥ ਡੈਸਕ- ਸਿਹਤ ਮਾਹਿਰਾਂ ਅਨੁਸਾਰ, ਫਲ ਸਿਹਤ ਦਾ ਖਜ਼ਾਨਾ ਹੁੰਦੇ ਹਨ ਕਿਉਂਕਿ ਉਨ੍ਹਾਂ 'ਚ ਫਾਈਬਰ, ਵਿਟਾਮਿਨ, ਮਿਨਰਲਸ ਅਤੇ ਐਂਟੀਆਕਸੀਡੈਂਟ ਭਰਪੂਰ ਮਾਤਰਾ 'ਚ ਹੁੰਦੇ ਹਨ। ਇਨ੍ਹਾਂ ਪੌਸ਼ਟਿਕ ਤੱਤਾਂ ਦੀ ਕਮੀ ਨੂੰ ਦੂਰ ਕਰਨ ਲਈ ਮਾਹਿਰ ਫਲ ਜਾਂ ਉਨ੍ਹਾਂ ਦਾ ਜੂਸ ਪੀਣ ਦੀ ਸਲਾਹ ਦਿੰਦੇ ਹਨ। ਅਨਾਰ ਇਕ ਅਜਿਹਾ ਫਲ ਹੈ ਜਿਸ ਦਾ ਜੂਸ ਪੀਣਾ ਕਾਫ਼ੀ ਫਾਇਦੇਮੰਦ ਸਾਬਤ ਹੋ ਸਕਦਾ ਹੈ ਅਤੇ ਕੁਝ ਮਾਹਿਰ ਖਾਲੀ ਪੇਟ ਇਸ ਦਾ ਸੇਵਨ ਕਰਨ ਲਈ ਕਹਿੰਦੇ ਹਨ।

ਖਾਲੀ ਪੇਟ ਅਨਾਰ ਦਾ ਜੂਸ ਪੀਣ ਦੇ ਮੁੱਖ ਫਾਇਦੇ ਹੇਠ ਲਿਖੇ ਅਨੁਸਾਰ ਹਨ:

ਪੋਸ਼ਕ ਤੱਤਾਂ ਦਾ ਭੰਡਾਰ

ਅਨਾਰ ਦਾ ਜੂਸ ਵਿਟਾਮਿਨ ਸੀ, ਵਿਟਾਮਿਨ ਕੇ ਅਤੇ ਫੋਲੇਟ ਨਾਲ ਭਰਪੂਰ ਹੁੰਦਾ ਹੈ। ਮਿਨਰਲਸ ਦੀ ਗੱਲ ਕਰੀਏ ਤਾਂ ਇਸ 'ਚ ਪੋਟਾਸ਼ੀਅਮ, ਮੈਗਨੀਸ਼ੀਅਮ ਅਤੇ ਆਇਰਨ ਚੰਗੀ ਮਾਤਰਾ 'ਚ ਮੌਜੂਦ ਹੁੰਦੇ ਹਨ। ਇਸ ਦੇ ਨਾਲ ਹੀ, ਇਹ ਐਂਟੀਆਕਸੀਡੈਂਟਸ (ਜਿਵੇਂ ਕਿ ਪਿਊਨਿਕੇਲੇਜਿਨ ਅਤੇ ਐਂਥੋਸਾਇਨਿਨ) ਨਾਲ ਭਰਪੂਰ ਹੁੰਦਾ ਹੈ ਜੋ ਸਰੀਰ 'ਚ ਫ੍ਰੀ ਰੈਡੀਕਲਸ ਨਾਲ ਲੜਦੇ ਹਨ। ਇਸ 'ਚ ਮੌਜੂਦ ਕੁਦਰਤੀ ਸ਼ੂਗਰ ਤੁਰੰਤ ਊਰਜਾ ਪ੍ਰਦਾਨ ਕਰਦੀ ਹੈ।

ਦਿਲ ਦੀ ਸਿਹਤ ਲਈ ਲਾਭਦਾਇਕ

ਮਾਹਿਰਾਂ ਅਨੁਸਾਰ, ਖਾਲੀ ਪੇਟ ਅਨਾਰ ਦਾ ਜੂਸ ਪੀਣ ਨਾਲ ਦਿਲ ਦੀ ਸਿਹਤ ਚੰਗੀ ਰਹਿੰਦੀ ਹੈ। ਇਹ ਬਲੱਡ ਸਰਕੂਲੇਸ਼ਨ ਨੂੰ ਸੁਧਾਰਦਾ ਹੈ ਅਤੇ ਬਲੱਡ ਪ੍ਰੈਸ਼ਰ ਨੂੰ ਘੱਟ ਕਰਦਾ ਹੈ। ਇਸ ਤੋਂ ਇਲਾਵਾ, ਇਹ ਐੱਲਡੀਐੱਲ (ਖਰਾਬ ਕੋਲੈਸਟਰੋਲ) ਨੂੰ ਘੱਟ ਕਰਦਾ ਹੈ ਅਤੇ ਐੱਚਡੀਐੱਲ (ਚੰਗੇ ਕੋਲੈਸਟਰੋਲ) ਨੂੰ ਵਧਾਉਂਦਾ ਹੈ, ਜਿਸ ਨਾਲ ਦਿਲ ਦੀ ਬੀਮਾਰੀ ਦਾ ਖਤਰਾ ਘੱਟ ਹੋ ਜਾਂਦਾ ਹੈ।

ਪਾਚਨ ਤੰਤਰ 'ਚ ਸੁਧਾਰ

ਸਵੇਰੇ ਖਾਲੀ ਪੇਟ ਇਸ ਦਾ ਸੇਵਨ ਕਰਨ ਨਾਲ ਪਾਚਨ ਪ੍ਰਣਾਲੀ ਠੀਕ ਰਹਿੰਦਾ ਹੈ ਅਤੇ ਪੇਟ ਚੰਗੀ ਤਰ੍ਹਾਂ ਸਾਫ਼ ਹੁੰਦਾ ਹੈ। ਇਸ 'ਚ ਜ਼ਹਿਰੀਲੇ ਪਦਾਰਥਾਂ ਨੂੰ ਬਾਹਰ ਕੱਢਣ ਦੀ ਸਮਰੱਥਾ ਹੁੰਦੀ ਹੈ, ਜਿਸ ਨਾਲ ਲਿਵਰ ਦੇ ਕੰਮਕਾਜ 'ਚ ਸੁਧਾਰ ਹੁੰਦਾ ਹੈ।

ਇਮਿਊਨਿਟੀ ਬੂਸਟ

ਦਿਨ ਦੀ ਸ਼ੁਰੂਆਤ ਅਨਾਰ ਦੇ ਜੂਸ ਨਾਲ ਕਰਨ ਨਾਲ ਇਮਿਊਨਿਟੀ ਨੂੰ ਬੜ੍ਹਾਵਾ ਮਿਲਦਾ ਹੈ, ਕਿਉਂਕਿ ਇਸ 'ਚ ਕਾਫ਼ੀ ਮਾਤਰਾ 'ਚ ਵਿਟਾਮਿਨ ਸੀ ਮੌਜੂਦ ਹੁੰਦਾ ਹੈ। ਇਸ ਵਿਚਲੇ ਐਂਟੀਆਕਸੀਡੈਂਟਸ ਸੈੱਲਾਂ ਨੂੰ ਨੁਕਸਾਨ ਤੋਂ ਬਚਾਉਂਦੇ ਹਨ ਅਤੇ ਸਰੀਰ ਨੂੰ ਸੋਜ ਅਤੇ ਸੰਕਰਮਣ ਨਾਲ ਲੜਨ 'ਚ ਮਦਦ ਕਰਦੇ ਹਨ।

ਭਾਰ ਮੇਂਟੇਨ 'ਚ ਮਦਦ (Weight Management)

ਖਾਲੀ ਪੇਟ ਅਨਾਰ ਦਾ ਜੂਸ ਪੀਣ ਨਾਲ ਮੈਟਾਬੋਲਿਜ਼ਮ 'ਚ ਸੁਧਾਰ ਹੁੰਦਾ ਹੈ ਅਤੇ ਇਹ ਫੈਟ ਸੈੱਲਾਂ ਨੂੰ ਤੋੜਨ 'ਚ ਮਦਦ ਕਰਦਾ ਹੈ। ਇਸ ਦੀ ਕੁਦਰਤੀ ਮਿਠਾਸ ਮਿੱਠਾ ਖਾਣ ਦੀ ਇੱਛਾ (cravings) ਨੂੰ ਘੱਟ ਕਰਦੀ ਹੈ ਅਤੇ ਅੰਤੜੀਆਂ ਦੀ ਸਿਹਤ ਨੂੰ ਉਤਸ਼ਾਹਿਤ ਕਰਕੇ ਭਾਰ ਨੂੰ ਕੰਟਰੋਲ ਕਰਨ 'ਚ ਸਹਾਇਤਾ ਕਰਦਾ ਹੈ।

ਖਿਆਲ ਰੱਖਣ ਯੋਗ ਜ਼ਰੂਰੀ ਗੱਲਾਂ

• ਹਾਲਾਂਕਿ ਅਨਾਰ ਦਾ ਜੂਸ ਫਾਇਦੇਮੰਦ ਹੈ, ਪਰ ਸਵੇਰੇ ਖਾਲੀ ਪੇਟ ਇਸ ਦਾ ਸੇਵਨ ਕਰਨ ਤੋਂ ਪਹਿਲਾਂ ਕੁਝ ਗੱਲਾਂ ਦਾ ਧਿਆਨ ਰੱਖਣਾ ਜ਼ਰੂਰੀ ਹੈ:
• ਐਸਿਡਿਟੀ ਦਾ ਖਤਰਾ: ਸੰਵੇਦਨਸ਼ੀਲ ਵਿਅਕਤੀਆਂ ਨੂੰ ਸਵੇਰੇ ਇਸ ਦਾ ਸੇਵਨ ਕਰਨ ਨਾਲ ਹਲਕੀ ਐਸਿਡਿਟੀ ਜਾਂ ਛਾਤੀ 'ਚ ਜਲਣ ਹੋ ਸਕਦੀ ਹੈ।
• ਸ਼ੂਗਰ ਲੈਵਲ: ਇਹ ਸਰੀਰ 'ਚ ਖੰਡ (ਚੀਨੀ) ਦੀ ਮਾਤਰਾ ਨੂੰ ਕਾਫ਼ੀ ਵਧਾ ਸਕਦਾ ਹੈ।
• ਸਹੀ ਸੇਵਨ: ਹਮੇਸ਼ਾ ਤਾਜ਼ਾ ਜਾਂ 100% ਸ਼ੁੱਧ ਅਨਾਰ ਦਾ ਰਸ ਪੀਓ ਅਤੇ ਇਸ 'ਚ ਵਾਧੂ ਚੀਨੀ ਮਿਲਾਉਣ ਤੋਂ ਬਚੋ।
• ਮਾਤਰਾ: ਸਵੇਰੇ ਖਾਲੀ ਪੇਟ ਸਿਰਫ਼ 1 ਛੋਟਾ ਗਲਾਸ (100-150 ਮਿਲੀਲੀਟਰ) ਹੀ ਪੀਓ। ਜੂਸ ਪੀਣ ਤੋਂ 20-30 ਮਿੰਟ ਬਾਅਦ ਹਲਕਾ ਨਾਸ਼ਤਾ ਜ਼ਰੂਰ ਕਰੋ।

ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।