Xiaomi ਨੇ ਲਾਂਚ ਕੀਤਾ 75 ਇੰਚ ਦਾ Smart TV, ਸੋਨੀ ਤੇ ਸੈਮਸੰਗ ਨੂੰ ਦੇਵੇਗਾ ਜ਼ਬਰਦਸਤ ਟੱਕਰ

ਗੈਜੇਟ ਡੈਸਕ- Xiaomi ਨੇ ਭਾਰਤ 'ਚ ਆਪਣੇ ਪ੍ਰੀਮੀਅਮ ਸਮਾਰਟ ਟੀਵੀ ਪੋਰਟਫੋਲੀਓ ਨੂੰ ਮਜਬੂਤ ਕਰਦੇ ਹੋਏ 75 ਇੰਚ ਦਾ ਨਵਾਂ 4K QLED TV X Pro ਲਾਂਚ ਕੀਤਾ ਹੈ। ਇਸ ਸੈਗਮੈਂਟ 'ਚ ਜਿਥੇ ਸੋਨੀ ਅਤੇ ਸੈਮਸੰਗ ਵਰਗੇ ਬ੍ਰਾਂਡਸ ਆਪਣੇ 75 ਇੰਚ QLED ਟੀਵੀ 1 ਲੱਖ ਰੁਪਏ ਤੋਂ ਜ਼ਿਆਦਾ 'ਚ ਵੇਚ ਰਹੇ ਹਨ, ਉਥੇ ਹੀ ਸ਼ਾਓਮੀ ਨੇ ਇਸਨੂੰ ਕਿਫਾਇਤੀ ਕੀਮਤ 'ਚ ਉਤਾਰਿਆ ਹੈ। 

ਕੰਪਨੀ ਦਾ ਕਹਿਣਾ ਹੈ ਕਿ ਦੇਸ਼ ਭਰ 'ਚ ਮਜਬੂਤ ਸਰਵਿਸ ਨੈੱਟਵਰਕ ਅਤੇ ਪ੍ਰੀਮੀਅਮ ਐਕਸਪੀਰੀਅੰਸ ਸ਼ਾਓਮੀ ਨੂੰ TCL, Vu Televisions ਅਤੇ Haier ਵਰਗੇ ਬ੍ਰਾਂਡਸ 'ਤੇ ਬੜ੍ਹਤ ਦਿਵਾਉਂਦਾ ਹੈ। ਜ਼ਿਕਰਯੋਗ ਹੈ ਕਿ ਸ਼ਾਓਮੀ ਨੇ 4 ਸਾਲ ਪਹਿਲਾਂ ਭਾਰਤ 'ਚ 75 ਇੰਚ ਟੀਵੀ ਕੈਟਾਗਰੀ 'ਚ ਕਦਮ ਰੱਖਿਆ ਸੀ। ਆਓ ਜਾਣਦੇ ਹਾਂ ਇਸ ਟੀਵੀ ਦੀਆਂ ਸਾਰੀਆਂ ਖੂਬੀਆਂ ਬਾਰੇ ...

ਡਿਸਪਲੇਅ ਅਤੇ ਵਿਜ਼ੁਅਲ ਕੁਆਵਿਟੀ

ਇਹ ਨਵਾਂ ਮਾਡਲ 4K Ultra HD ਰੈਜ਼ੋਲਿਊਸ਼ਨ ਦੇ ਨਾਲ ਆਉਂਦਾ ਹੈ ਅਤੇ Dolby Vision, HDR10+ ਅਤੇ Filmmaker Mode ਸਪੋਰਟ ਕਰਦਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ 10-ਬਿਟ ਪੈਨਲ 94% DCI-P3 ਕਲਰ ਗੈਮਟ ਕਵਰ ਕਰਦਾ ਹੈ, ਜਿਸ ਨਾਲ ਰੰਗ ਜ਼ਿਆਦਾ ਸਹੀ ਦਿਸਦੇ ਹਨ। 

ਗੇਮਿੰਗ ਲਈ ਇਸ ਵਿਚ 120Hz ਸਮਿਊਲੇਟਿਡ ਰਿਫ੍ਰੈਸ਼ ਰੇਟ, MEMC ਟੈਕਨਾਲੋਜੀ ਅਤੇ Auto Low Latency Mode (ALLM) ਦਿੱਤਾ ਗਿਆ ਹੈ, ਜਿਸ ਨਾਲ ਕੰਸੋਲ ਗੇਮਿੰਗ ਦਾ ਅਨੁਭਵ ਬਿਹਤਰ ਹੁੰਦਾ ਹੈ। 

ਆਡੀਓ ਅਤੇ ਸਮਾਰਟ ਫੀਚਰਜ਼

ਟੀਵੀ 'ਚ 34W ਦਾ ਸਪੀਕਰ ਸਿਸਟਮ ਦਿੱਤਾ ਗਿਆ ਹੈ, ਜੋ  Dolby Audio, DTS:X ਅਤੇ DTS Virtual:X ਨੂੰ ਸਪੋਰਟ ਕਰਦਾ ਹੈ। ਇਹ ਸੈੱਟਅਪ ਮੀਡੀਅਮ ਅਤੇ ਵੱਡੇ ਲਿਵਿੰਗ ਰੂਮ ਲਈ ਸੰਤੁਲਿਤ ਸਾਊਂਡ ਦੇਣ ਦਾ ਦਾਅਵਾ ਕਰਦਾ ਹੈ। 

ਇਹ ਸਮਾਰਟ ਟੀਵੀ Android 14 ਆਧਾਰਿਤ Google TV 'ਤੇ ਚਲਦਾ ਹੈ ਅਤੇ Xiaomi ਦਾ PatchWall ਇੰਟਰਫੇਸ ਮਿਲਦਾ ਹੈ, ਜੋ ਵੱਖ-ਵੱਖ ਸਟਰੀਮਿੰਗ ਪਲੇਟਫਾਰਮਾਂ ਦਾ ਕੰਟੈਂਟ ਇਕ ਥਾਂ ਦਿਖਾਉਂਦਾ ਹੈ। ਇਸ ਤੋਂ ਇਲਾਵਾ 200 ਤੋਂ ਜ਼ਿਆਦਾ ਲਾਈਵ ਟੀਵੀ ਚੈਨਲਸ ਦਾ ਵੀ ਐਕਸੈਸ ਮਿਲਦਾ ਹੈ। 

ਸਮਾਰਟ ਫੀਚਰਜ਼ 'ਚ Hands-free Google Assistant, AirPlay 2, Google Cast ਅਤੇ Miracast ਸਪੋਰਟ ਸ਼ਾਮਲ ਹੈ। 

ਕੁਨੈਕਟੀਵਿਟੀ ਅਤੇ ਪਰਫਾਰਮੈਂਸ

ਕੁਨੈਕਟੀਵਿਟੀ ਲਈ ਤਿੰਨ HDMI ਪੋਰਟ (ਇਕ eARC ਦੇ ਨਾਲ), ਦੋ USB-A ਪੋਰਟ, Ethernet, Optical, AV, ਐਂਟੀਨਾ ਅਤੇ 3.5mm ਹੈੱਡਫੋਨ ਜੈੱਕ ਦਿੱਤਾ ਗਿਆ ਹੈ। ਇਸਤੋਂ ਇਲਾਵਾ ਡਿਊਲ ਬੈਂਡ ਵਾਈ-ਫਾਈ ਅਤੇ ਬਲੂਟੁੱਥ ਸਪੋਰਟ ਵੀ ਮੌਜੂਦ ਹੈ। ਟੀਵੀ 'ਚ Quad Core A55 ਪ੍ਰੋਸੈਸਰ, 2GB RAM ਅਤੇ 32GB ਸਟੋਰੇਜ ਦਿੱਤੀ ਗਈ ਹੈ। 

ਕੀਮਤ, ਆਫਰ ਅਤੇ ਉਪਲੱਬਧਤਾ

Xiaomi QLED TV X Pro 75 ਕੀਮਤ 69,999 ਰੁਪਏ ਹੈ। HDFC ਜਾਂ ICICI ਕ੍ਰੈਡਿਟ ਕਾਰਡ EMI ਨਾਲ ਖਰੀਦਣ 'ਤੇ 5000 ਰੁਪਏ ਦੀ ਸ਼ੁਰੂਆਤੀ ਛੋਟ ਮਿਲੇਗੀ, ਜਿਸ ਨਾਲ ਪ੍ਰਭਾਵਿਤ ਕੀਮਤ 64,999 ਰੁਪਏ ਹੋ ਜਾਂਦੀ ਹੈ। 

19 ਤੋਂ 26 ਫਰਵਰੀ ਵਿਚਕਾਰ ਪ੍ਰੀਬੁਕਿੰਗ ਕਰਨ ਵਾਲੇ ਗਾਹਕਾਂ ਨੂੰ 10,999 ਰੁਪਏ ਦੀ ਕੀਮਤ ਦੀ ਚਾਰ ਸਾਲਾਂ ਦੀ ਵਾਰੰਟੀ ਮੁਫਤ ਦਿੱਤੀ ਜਾਵੇਗੀ, ਜਿਸਨੂੰ 15 ਮਾਰਚ ਤੋਂ ਪਹਿਲਾਂ ਰਿਡੀਮ ਕਰਨਾ ਹੋਵੇਗਾ। 

ਇਹ ਟੀਵੀ 27 ਫਰਵਰੀ ਤੋਂ mi.com, Amazon India ਅਤੇ ਚੁਣੇ ਹੋਏ ਆਫਲਾਈ ਸਟੋਰਾਂ 'ਤੇ ਉਪਲੱਬਧ ਹੋਵੇਗੀ।