ਹੁਣ WhatsApp ''ਤੇ ਮੈਸੇਜ ਭੇਜਣ ਤੋਂ ਬਾਅਦ ਯੂਜ਼ਰਸ ਕਰ ਸਕਣਗੇ ਐਡਿਟ, ਜਾਣੋ ਕਿਵੇਂ ਕੰਮ ਕਰੇਗਾ ਨਵਾਂ ਫੀਚਰ
02/23/2023 11:52:00 PM
ਗੈਜੇਟ ਡੈਸਕ : ਵਟਸਐਪ ਯੂਜ਼ਰਸ ਲਈ ਇਕ ਹੋਰ ਨਵਾਂ ਫੀਚਰ ਆ ਰਿਹਾ ਹੈ। ਇੰਸਟੈਂਟ ਮੈਸੇਜਿੰਗ ਐਪ ਜਲਦੀ ਹੀ ਯੂਜ਼ਰਸ ਨੂੰ ਉਨ੍ਹਾਂ ਮੈਸੇਜ ਨੂੰ ਐਡਿਟ ਕਰਨ ਦੀ ਇਜਾਜ਼ਤ ਦੇ ਸਕਦੀ ਹੈ, ਜੋ ਉਹ ਪਹਿਲਾਂ ਹੀ ਭੇਜ ਚੁੱਕੇ ਹਨ। ਜੀ ਹਾਂ, ਹੁਣ ਤੁਹਾਨੂੰ ਗਲਤ ਤਰੀਕੇ ਨਾਲ ਭੇਜੇ ਗਏ ਮੈਸੇਜ ਨੂੰ ਡਿਲੀਟ ਕਰਨ ਦੀ ਜ਼ਰੂਰਤ ਨਹੀਂ ਹੋਵੇਗੀ, ਤੁਸੀਂ ਇਸ ਨੂੰ ਐਡਿਟ ਵੀ ਕਰ ਸਕਦੇ ਹੋ। WaBetaInfo ਦੀ ਇਕ ਰਿਪੋਰਟ ਦੇ ਅਨੁਸਾਰ, ਮੇਟਾ ਦੀ ਮਲਕੀਅਤ ਵਾਲੀ ਕੰਪਨੀ ਯੂਜ਼ਰਸ ਨੂੰ ਜਲਦਬਾਜ਼ੀ 'ਚ ਕੀਤੀਆਂ ਗਲਤੀਆਂ ਤੋਂ ਛੁਟਕਾਰਾ ਪਾਉਣ ਵਿੱਚ ਮਦਦ ਕਰਨ ਲਈ ਐਡਿਟ ਮੈਸੇਜ ਫੀਚਰ ਨੂੰ ਰੋਲ ਆਊਟ ਕਰ ਸਕਦੀ ਹੈ।
ਇਹ ਵੀ ਪੜ੍ਹੋ : ਪੰਜਾਬ ਸਰਕਾਰ ਮੁਹੱਲਾ ਕਲੀਨਿਕ ਦੇ ਨਾਂ 'ਤੇ ਲੋਕਾਂ ਨਾਲ ਕਰ ਰਹੀ ਹੈ ਧੋਖਾ : ਤਰੁਣ ਚੁੱਘ
ਵਟਸਐਪ ਇਸ ਸਮੇਂ ਇਕ ਪ੍ਰਕਿਰਿਆ 'ਤੇ ਕੰਮ ਕਰ ਰਿਹਾ ਹੈ, ਜੋ ਐਪ ਨੂੰ ਆਪਣੇ ਐਡਿਟਡ ਵਰਜ਼ਨ ਦੀ ਵਰਤੋਂ ਕਰਕੇ ਮੈਸੇਜ ਨੂੰ ਅਪਡੇਟ ਕਰਨ ਦੀ ਆਗਿਆ ਦੇਵੇਗਾ। ਇਹ ਇਸ ਗੱਲ ਦਾ ਸੰਕੇਤ ਹੈ ਕਿ ਵਟਸਐਪ ਆਉਣ ਵਾਲੇ ਦਿਨਾਂ 'ਚ ਹੋਰ ਫੀਚਰਸ ਪ੍ਰਦਾਨ ਕਰੇਗਾ। ਜੇਕਰ ਤੁਸੀਂ WhatsApp ਦੇ ਪੁਰਾਣੇ ਵਰਜ਼ਨ ਦੀ ਵਰਤੋਂ ਕਰ ਰਹੇ ਹੋ ਤਾਂ ਤੁਹਾਨੂੰ ਐਡਿਟਡ ਵਰਜ਼ਨ ਦੀ ਵਰਤੋਂ ਕਰਨ ਲਈ ਆਪਣੀ ਡਿਵਾਈਸ ਨੂੰ ਨਵੇਂ ਵਰਜ਼ਨ ਵਿੱਚ ਅਪਡੇਟ ਕਰਨਾ ਹੋਵੇਗਾ। ਹਾਲਾਂਕਿ ਇਹ ਕਦੋਂ ਲਾਗੂ ਹੋਵੇਗਾ, ਇਸ ਬਾਰੇ ਅਜੇ ਕੋਈ ਜਾਣਕਾਰੀ ਨਹੀਂ ਹੈ। ਫਿਲਹਾਲ ਇਹ ਨਹੀਂ ਪਤਾ ਚੱਲ ਸਕਿਆ ਹੈ ਕਿ ਇਹ ਫੀਚਰ ਕਿਵੇਂ ਕੰਮ ਕਰੇਗਾ। ਇਹ ਸੰਭਵ ਹੈ ਕਿ ਵਟਸਐਪ ਅਜਿਹੇ ਮੈਸੇਜ ਨਾਲ 'ਐਡਿਟਡ' ਲੇਬਲ ਦਿਖਾ ਸਕਦਾ ਹੈ। ਨਾਲ ਹੀ, ਇਕ ਸੰਦੇਸ਼ ਨੂੰ ਐਡਿਟ ਕਰਨ ਲਈ ਇਕ ਟਾਈਮ ਲਿਮਟ ਵੀ ਹੋ ਸਕਦੀ ਹੈ।
ਇਹ ਵੀ ਪੜ੍ਹੋ : ਪ੍ਰਮਾਣੂ ਯੁੱਧ ਦੇ ਕੰਢੇ 'ਤੇ ਖੜ੍ਹੀ ਦੁਨੀਆ, 32 ਸਾਲਾਂ ਬਾਅਦ ਪੁਤਿਨ ਨੇ ਖੋਲ੍ਹੀ ਪ੍ਰਮਾਣੂ ਪ੍ਰੀਖਣ ਸਾਈਟ
ਪਹਿਲਾਂ ਦਿੱਤੀ ਗਈ ਸੀ ਆਨਲਾਈਨ ਸਟੇਟਸ ਨੂੰ ਲੁਕਾਉਣ ਦੀ ਸਹੂਲਤ
ਇਸ ਤੋਂ ਪਹਿਲਾਂ ਵਟਸਐਪ 'ਤੇ ਇਕ ਨਵਾਂ ਫੀਚਰ ਲਾਂਚ ਕੀਤਾ ਗਿਆ ਸੀ, ਜਿਸ ਰਾਹੀਂ ਤੁਸੀਂ ਇਹ ਫ਼ੈਸਲਾ ਕਰ ਸਕਦੇ ਸੀ ਕਿ ਤੁਹਾਡੇ ਆਨਲਾਈਨ ਹੋਣ 'ਤੇ ਕੌਣ ਦੇਖ ਸਕਦਾ ਹੈ। WaBetaInfo ਦੇ ਅਨੁਸਾਰ, ਆਨਲਾਈਨ ਸਟੇਟਸ ਨੂੰ ਲੁਕਾਉਣ ਦੀ ਸਮਰੱਥਾ ਐਂਡਰਾਇਡ ਬੀਟਾ ਟੈਸਟਰਾਂ ਲਈ ਉਪਲਬਧ ਹੈ। ਨਵਾਂ ਫੀਚਰ WhatsApp ਬੀਟਾ ਐਂਡਰਾਇਡ 2.22.20.9 ਵਰਜ਼ਨ ਦੇ ਨਾਲ ਆਉਂਦਾ ਹੈ। ਇਸ ਫੀਚਰ ਦਾ ਐਲਾਨ ਪਹਿਲੀ ਵਾਰ ਇਸ ਸਾਲ ਅਗਸਤ 'ਚ ਕੀਤਾ ਗਿਆ ਸੀ। ਇਹ ਐਪ ਦੀਆਂ ਸੈਟਿੰਗਾਂ ਵਿੱਚ ਨਵੇਂ ਗੋਪਨੀਯਤਾ ਵਿਕਲਪ ਲਿਆਉਂਦਾ ਹੈ, ਜਿਸ ਨਾਲ ਯੂਜ਼ਰਸ ਆਪਣੇ ਪਿਛਲੀ ਵਾਰ ਦੇਖੇ ਗਏ ਸਟੇਟਸ ਨੂੰ 'ਕੋਈ ਨਹੀਂ', 'ਸੰਪਰਕ' ਅਤੇ 'ਹਰ ਕੋਈ' ਵਿੱਚ ਬਦਲ ਸਕਦੇ ਹਨ।
ਇਹ ਵੀ ਪੜ੍ਹੋ : ਘਟਦੀ ਆਬਾਦੀ ਕਾਰਨ ਤਣਾਅ 'ਚ ਚੀਨ ਸਰਕਾਰ, ਜਨਮ ਦਰ ਵਧਾਉਣ ਲਈ ਸ਼ੁਰੂ ਕੀਤੀ ਹੁਣ ਇਹ ਸਕੀਮ
ਫੀਚਰ ਦਾ ਐਲਾਨ ਕਰਦਿਆਂ ਵਟਸਐਪ ਨੇ ਉਦੋਂ ਕਿਹਾ ਸੀ, "ਇਹ ਦੇਖ ਕੇ ਕਿ ਤੁਹਾਡੇ ਦੋਸਤ ਜਾਂ ਪਰਿਵਾਰ ਆਨਲਾਈਨ ਹਨ, ਅਸੀਂ ਇਕ ਦੂਜੇ ਨੂੰ ਮੈਸੇਜ ਭੇਜਣ ਬਾਰੇ ਸੋਚਣ ਲੱਗਦੇ ਹਾਂ ਪਰ ਸਾਡੇ ਸਾਰਿਆਂ ਕੋਲ ਅਜਿਹਾ ਸਮਾਂ ਹੁੰਦਾ ਹੈ, ਜਦੋਂ ਅਸੀਂ ਆਪਣੇ ਵਟਸਐਪ ਨੂੰ ਨਿੱਜੀ ਤੌਰ 'ਤੇ ਦੇਖਣਾ ਚਾਹੁੰਦੇ ਹਾਂ। ਉਨ੍ਹਾਂ ਪਲਾਂ ਲਈ ਜਦੋਂ ਤੁਸੀਂ ਆਪਣੀ ਆਨਲਾਈਨ ਮੌਜੂਦਗੀ ਨੂੰ ਨਿੱਜੀ ਰੱਖਣਾ ਚਾਹੁੰਦੇ ਹੋ, ਅਸੀਂ ਇਹ ਚੁਣਨ ਦੀ ਯੋਗਤਾ ਪੇਸ਼ ਕਰ ਰਹੇ ਹਾਂ ਕਿ ਤੁਹਾਡੇ ਆਨਲਾਈਨ ਹੋਣ 'ਤੇ ਕੌਣ ਦੇਖ ਸਕਦਾ ਹੈ ਅਤੇ ਕੌਣ ਨਹੀਂ। ਇਹ ਫੀਚਰ ਇਸ ਮਹੀਨੇ ਸਾਰੇ ਯੂਜ਼ਰਸ ਲਈ ਰੋਲਆਊਟ ਕਰਨਾ ਸ਼ੁਰੂ ਕਰ ਦੇਵੇਗਾ।
ਨੋਟ:- ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।
