WhatsApp ਗਰੁੱਪ ਚੈਟਸ ’ਤੇ ਮੰਡਰਾ ਰਿਹਾ ਖਤਰਾ, ਅਣਜਾਣ ਲੋਕ ਵੀ ਪੜ੍ਹ ਰਹੇ ਮੈਸੇਜ

ਗੈਜੇਟ ਡੈਸਕ– ਜੇਕਰ ਤੁਸੀਂ ਵੀ ਵਟਸਐਪ ਗਰੁੱਪਸ ’ਚ ਚੈਟ ਕਰਨਾ ਪਸੰਦ ਕਰਦੇ ਹੋ ਤਾਂ ਇਹ ਖਬਰ ਤੁਹਾਡੇ ਲਈ ਖਾਸ ਹੈ। ਵਟਸਐਪ ਗਰੁੱਪ ਐਡਮਿਨ ਲੋਕਾਂ ਨੂੰ ਆਪਣੇ ਗਰੁੱਪ ’ਚ ਸ਼ਾਮਲ ਕਰਨ ਲਈ 'Invite to Group via Link' ਫੀਚਰ ਦਾ ਇਸਤੇਮਾਲ ਕਰਦੇ ਹਨ ਪਰ ਉਹ ਇਸ ਲਿੰਕ ਨੂੰ ਪ੍ਰਾਈਵੇਟ ਰੱਖਣ ਦੀ ਬਜਾਏ ਆਨਲਾਈਨ ਸ਼ੇਅਰ ਕਰ ਰਹੇ ਹਨ। ਗੂਗਲ ਵਰਗੇ ਸਰਚ ਇੰਜਣ ਇਸ ਨੂੰ ਆਸਾਨੀ ਨਾਲ ਲੱਭ ਲੈਂਦੇ ਹਨ ਜਿਸ ਨਾਲ ਅਣਜਾਣ ਲੋਕ ਵੀ ਤੁਹਾਡੇ ਗਰੁੱਪ ’ਚ ਐਡ ਹੋ ਕੇ ਤੁਹਾਡੇ ਮੈਸੇਜਿਸ ਪੜ੍ਹ ਸਕਦੇ ਹਨ। ਇਸ ਤੋਂ ਇਲਾਵਾ ਗਰੁੱਪ ’ਚ ਸ਼ਾਮਲ ਹੋਣ ਤੋਂ ਬਾਅਦ ਉਨ੍ਹਾਂ ਨੂੰ ਤੁਹਾਡਾ ਮੋਬਾਇਲ ਨੰਬਰ ਵੀ ਮਿਲ ਜਾਵੇਗਾ ਜਿਸ ਨਾਲ ਤੁਹਾਡੀ ਪਰੇਸ਼ਾਨੀ ਹੋਰ ਵੀ ਵੱਧ ਸਕਦੀ ਹੈ। 
- ਵਟਸਐਪ ਦੀ ਇਸ ਵੱਡੀ ਖਾਮੀ ਬਾਰੇ ਸਭ ਤੋਂ ਪਹਿਲਾਂ ਜਾਣਕਾਰੀ ਜਾਰਡਨ ਵਿਲਡਨ ਨਾਂ ਦੇ ਇਕ ਪੱਤਰਕਾਰ ਨੇ ਟਵਿਟਰ ਰਾਹੀਂ ਸ਼ੇਅਰ ਕੀਤੀ। ਉਨ੍ਹਾਂ ਪਤਾ ਲਗਾਇਆ ਕਿ 'Invite to Group via Link' ਦੇ URL ਨੂੰ ਗੂਗਲ ਇੰਡੈਕਸ ਕਰਦਾ ਹੈ ਅਤੇ ਸਹੀ ਸਰਚ ਟੀਮ ਰਾਹੀਂ ਇਸ ਨੂੰ ਆਸਾਨੀ ਨਾਲ ਲੱਭਿਆ ਜਾ ਸਕਦਾ ਹੈ। 

Your WhatsApp groups may not be as secure as you think they are.

The "Invite to Group via Link" feature allows groups to be indexed by Google and they are generally available across the internet. With some wildcard search terms you can easily find some… interesting… groups. pic.twitter.com/hbDlyN6g3q

— Jordan Wildon (@JordanWildon) February 21, 2020

ਸਰਚ ਕਰਦੇ ਹੀ ਮਿਲੇ ਸਾਢੇ ਚਾਰ ਲੱਖ ਤੋਂ ਜ਼ਿਆਦਾ ਨਤੀਜੇ
ਹਾਂਗਕਾਂਗ ਦੀ ਰਿਵਰਸ ਇੰਜੀਨੀਅਰਿੰਗ ਐਪਸ ਕੰਪਨੀ ’ਚ ਕੰਮ ਕਰਨ ਵਾਲੀ ਜੇਨ ਮਾਨਚੰਗ ਵਾਨ ਨੇ ਦੱਸਿਆ ਕਿ ਜਦੋਂ ਗੂਗਲ ’ਤੇ ਉਨ੍ਹਾਂ ਨੇ chat.whatsapp.com ਸਰਚ ਕੀਤਾ ਤਾਂ ਉਨ੍ਹਾਂ ਨੂੰ ਇਸ ਦੇ 4,70,000 ਨਤੀਜੇ ਮਿਲੇ। ਇਸ ਵਿਚੋਂ ਜ਼ਿਆਦਾਤਰ ਪ੍ਰਾਈਵੇਟ ਗਰੁੱਪਸ ਦੇ ਇਨਵਾਈਟ ਸਨ। 

A misconfiguration by WhatsApp enabled ~470k Group Invite links to be indexed by search engines

It should’ve been `Disallow`ed with robots.txt or with the `noindex` meta tag

thanks @JordanWildon for the tip https://t.co/CJxjJ5qyfh pic.twitter.com/FrW1I9Y8vs

— Jane Manchun Wong (@wongmjane) February 21, 2020

ਇਸ ਵਿਚ ਗੂਗਲ ਦੀ ਨਹੀਂ ਕੋਈ ਗਲਤੀ
ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਸ ਵਿਚ ਗੂਗਲ ਦੀ ਕੋਈ ਗਲਤੀ ਨਹੀਂ ਹੈ ਕਿਉਂਕਿ ਲੋਕ ਖੁਦ ਹੀ ਗਰੁੱਪ ਇਨਵਾਈਟਸ ਨੂੰ ਆਨਲਾਈਨ ਪਾ ਰਹੇ ਹਨ ਤਾਂ ਅਜਿਹੇ ’ਚ ਉਹ ਆਪਣੇ ਗਰੁੱਪ ਦੀ ਪ੍ਰਾਈਵੇਸੀ ’ਤੇ ਖੁਦ ਹੀ ਖਤਰਾ ਪੈਦਾ ਕਰਦੇ ਹਨ।

ਵਟਸਐਪ ਦਾ ਬਿਆਨ
ਫੇਸਬੁੱਕ ਅਤੇ ਵਟਸਐਪ ਦੇ ਇਕ ਬੁਲਾਰੇ ਐਲਿਸਨ ਬਾਨੀ ਨੇ ਦੱਸਿਆ ਹੈ ਕਿ ਕਿਸੇ ਵੀ ਕੰਟੈਂਟ ਦੀ ਤਰ੍ਹਾਂ ਇਨਵਾਈਟ ਲਿੰਕ ਵੀ ਪਬਲਿਕ ਚੈਨਲਸ ’ਤੇ ਸ਼ੇਅਰ ਕੀਤੇ ਜਾਣ ’ਤੇ ਅਣਜਾਣ ਲੋਕ ਵੀ ਇਸ ਨੂੰ ਲੱਭ ਸਕਦੇ ਹਨ ਅਤੇ ਇਸ ਵਿਚ ਸ਼ਾਮਲ ਵੀ ਹੋ ਸਕਦੇ ਹ। ਅਜਿਹੇ ’ਚ ਇਸਨੂੰ ਕਿਸੇ ਵੀ ਵੈੱਬਸਾਈਟ ’ਤੇ ਸ਼ੇਅਰ ਨਾ ਕਰੋ।