WhatsApp ਦਾ ਧਮਾਕੇਦਾਰ ਫੀਚਰ ! ਹੁਣ ਕਿਸੇ ਨੂੰ 'ਵਿਸ਼' ਕਰਨ ਲਈ ਰਾਤ ਭਰ ਜਾਗਣ ਦੀ ਲੋੜ ਨਹੀਂ, ਜਾਣੋ ਖਾਸੀਅਤ

ਗੈਜੇਟ ਡੈਸਕ : ਦੁਨੀਆ ਭਰ ਵਿੱਚ ਸਭ ਤੋਂ ਵੱਧ ਵਰਤੀ ਜਾਣ ਵਾਲੀ ਮੈਸੇਜਿੰਗ ਐਪ ਵਟਸਐਪ ਆਪਣੇ ਯੂਜ਼ਰਸ ਲਈ ਇੱਕ ਬਹੁਤ ਹੀ ਉਡੀਕਿਆ ਜਾਣ ਵਾਲਾ ਫੀਚਰ ਲੈ ਕੇ ਆ ਰਹੀ ਹੈ। ਹੁਣ ਯੂਜ਼ਰਸ ਨੂੰ ਆਪਣੇ ਦੋਸਤਾਂ ਜਾਂ ਰਿਸ਼ਤੇਦਾਰਾਂ ਨੂੰ ਜਨਮਦਿਨ ਜਾਂ ਵਿਆਹ ਦੀ ਵਰ੍ਹੇਗੰਢ ਦੀ ਵਧਾਈ ਦੇਣ ਲਈ ਰਾਤ ਦੇ 12 ਵਜੇ ਤੱਕ ਜਾਗਣ ਦੀ ਲੋੜ ਨਹੀਂ ਪਵੇਗੀ। ਕੰਪਨੀ ਜਲਦ ਹੀ 'ਮੈਸੇਜ ਸ਼ਡਿਊਲ' ਫੀਚਰ ਲਾਂਚ ਕਰਨ ਜਾ ਰਹੀ ਹੈ।

ਕੀ ਹੈ ਇਹ ਨਵਾਂ ਫੀਚਰ?
 ਰਿਪੋਰਟਾਂ ਅਨੁਸਾਰ, ਇਸ ਫੀਚਰ ਦੀ ਮਦਦ ਨਾਲ ਯੂਜ਼ਰਸ ਕਿਸੇ ਵੀ ਟੈਕਸਟ ਮੈਸੇਜ ਨੂੰ ਇੱਕ ਤੈਅ ਸਮੇਂ ਅਤੇ ਤਰੀਕ 'ਤੇ ਭੇਜਣ ਲਈ ਪਹਿਲਾਂ ਹੀ ਸ਼ਡਿਊਲ ਕਰ ਸਕਣਗੇ। ਇਹ ਮੈਸੇਜ ਨਿਰਧਾਰਤ ਸਮੇਂ 'ਤੇ ਆਪਣੇ-ਆਪ ਸੈਂਡ ਹੋ ਜਾਵੇਗਾ। ਇਹ ਵਿਕਾਸ ਸਭ ਤੋਂ ਪਹਿਲਾਂ iOS ਬੀਟਾ ਅਪਡੇਟ (ਵਰਜ਼ਨ 26.7.10.72) ਵਿੱਚ ਦੇਖਿਆ ਗਿਆ ਹੈ।

ਕਿਵੇਂ ਕਰੇਗਾ ਕੰਮ?
1. ਯੂਜ਼ਰਸ ਮੈਸੇਜ ਟਾਈਪ ਕਰਨਗੇ ਅਤੇ ਫਿਰ ਉਸ ਨੂੰ ਭੇਜਣ ਲਈ ਸਹੀ ਸਮਾਂ ਅਤੇ ਤਰੀਕ ਦੀ ਚੋਣ ਕਰਨਗੇ।
2. ਚੈਟ ਇਨਫੋ ਸਕ੍ਰੀਨ ਦੇ ਅੰਦਰ ਇੱਕ ਖਾਸ ਸੈਕਸ਼ਨ ਵਿੱਚ ਸ਼ਡਿਊਲ ਕੀਤੇ ਮੈਸੇਜਾਂ ਨੂੰ ਦੇਖਿਆ ਅਤੇ ਮੈਨੇਜ ਕੀਤਾ ਜਾ ਸਕੇਗਾ।
3. ਜੇਕਰ ਯੂਜ਼ਰ ਚਾਹੇ ਤਾਂ ਮੈਸੇਜ ਭੇਜਣ ਤੋਂ ਪਹਿਲਾਂ ਉਸ ਨੂੰ ਡਿਲੀਟ ਵੀ ਕਰ ਸਕਦਾ ਹੈ, ਅਤੇ ਇਸ ਦਾ ਨੋਟੀਫਿਕੇਸ਼ਨ ਸਾਹਮਣੇ ਵਾਲੇ ਨੂੰ ਨਹੀਂ ਜਾਵੇਗਾ।
4. ਇਹ ਫੀਚਰ ਵਿਅਕਤੀਗਤ (Individual) ਚੈਟ ਅਤੇ ਗਰੁੱਪ ਚੈਟ ਦੋਵਾਂ ਵਿੱਚ ਕੰਮ ਕਰੇਗਾ।

ਕੰਪਨੀ ਦਾ ਮਕਸਦ 
ਵਟਸਐਪ ਦਾ ਮਕਸਦ ਆਪਣੇ ਯੂਜ਼ਰਸ ਦਾ ਕਮਿਊਨੀਕੇਸ਼ਨ 'ਤੇ ਕੰਟਰੋਲ ਵਧਾਉਣਾ ਹੈ ਤਾਂ ਜੋ ਕੋਈ ਵੀ ਜ਼ਰੂਰੀ ਅਪਡੇਟ ਜਾਂ ਪਰਸਨਲ ਗ੍ਰੀਟਿੰਗਜ਼ ਮਿਸ ਨਾ ਹੋਣ। ਫਿਲਹਾਲ ਇਹ ਫੀਚਰ ਬੀਟਾ ਵਰਜ਼ਨ ਲਈ ਰੋਲਆਊਟ ਕੀਤਾ ਗਿਆ ਹੈ ਅਤੇ ਜਲਦੀ ਹੀ ਸਟੇਬਲ ਅਪਡੇਟ ਦੇ ਨਾਲ ਸਾਰੇ ਯੂਜ਼ਰਸ ਲਈ ਉਪਲਬਧ ਹੋ ਸਕਦਾ ਹੈ।

ਇਹ ਫੀਚਰ ਵੀ ਹੋਇਆ ਰੋਲਆਊਟ 
ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਵਟਸਐਪ ਨੇ 'Group Message History' ਫੀਚਰ ਵੀ ਰੋਲਆਊਟ ਕੀਤਾ ਹੈ, ਜਿਸ ਨਾਲ ਗਰੁੱਪ ਐਡਮਿਨ ਨਵੇਂ ਮੈਂਬਰਾਂ ਨਾਲ ਪੁਰਾਣੀ ਚੈਟ (25 ਤੋਂ 100 ਮੈਸੇਜ) ਸ਼ੇਅਰ ਕਰ ਸਕਦੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e