ਇਨ੍ਹਾਂ ਵੱਡੇ ਸ਼ਹਿਰਾਂ ''ਚ ਆਪਣੀ ਆਫਲਾਈਨ ਸੇਲ ਵਧਾਵੇਗੀ ਵਨਪਲਸ
02/17/2018 1:45:04 PM
ਜਲੰਧਰ- ਭਾਰਤ ਦੀ ਦੂਜੀ ਸਭ ਤੋਂ ਵੱਡੀ ਪ੍ਰੀਮੀਅਮ ਸਮਾਰਟਫੋਨ ਬਣਾਉਣ ਵਾਲੀ ਕੰਪਨੀ ਵਨਪਲਸ ਦੇਸ਼ ਦੇ 8 ਵੱਡੇ ਸ਼ਹਿਰਾਂ 'ਚ ਆਪਣੀ ਆਫਲਾਈਨ ਪ੍ਰੇਜੇਂਸ ਵਧਾਉਣ ਜਾ ਰਹੀ ਹੈ। ਇਸ ਸ਼ਹਿਰਾਂ 'ਚ ਕੰਪਨੀ ਆਪਣੇ ਆਥਰਾਇਜ਼ਡ ਬਰੈਂਡ ਸਟੋਰ ਖੋਲ੍ਹਣ ਜਾ ਰਹੀ ਹੈ। ਕੰਪਨੀ ਦੇ ਇਕ ਸੀਨੀਅਰ ਐਗਜ਼ੀਕਿਉਟਿੱਵ ਨੇ ਦੱਸਿਆ ਕਿ ਕੰਪਨੀ ਟਾਟਾ ਦੀ ਮਲਕਿਅਤ ਵਾਲੇ ਕ੍ਰੋਮਾ ਸਟੋਰਸ ਰਾਹੀਂ ਵੀ ਆਪਣੇ ਸਮਾਰਟਫੋਨਸ ਦੀ ਵਿੱਕਰੀ ਕਰੇਗੀ।
ਵਨਪਲਸ ਦੇ ਜਨਰਲ ਮੈਨੇਜਰ ਵਿਕਾਸ ਅੱਗਰਵਾਲ ਨੇ ਦੱਸਿਆ ਕਿ ਜਿਸ ਤਰ੍ਹਾਂ ਬੇਂਗਲੁਰੁ 'ਚ ਪਾਇਲਟ ਪ੍ਰੋਜੈਕਟ ਦੇ ਤਹਿਤ ਖੋਲ੍ਹੇ ਗਏ ਸਟੋਰ ਦਾ ਅਨੁਭਵ ਰਿਹਾ ਉਸ ਤੋਂ ਬਾਅਦ ਕੰਪਨੀ ਨੇ ਆਪਣੀ ਆਫਲਾਈਨ ਪ੍ਰੇਜੇਂਸ ਵਧਾਉਣ ਦਾ ਫੈਸਲਾ ਕੀਤਾ ਹੈ। ਅਜੇ ਤੱਕ ਵਨਪਲਸ ਦੇ ਸਮਾਰਟਫੋਨਸ ਨੂੰ ਸਿਰਫ ਐਮਾਜ਼ਨ ਆਨਲਾਈਨ ਤੋਂ ਹੀ ਖਰੀਦਿਆ ਜਾ ਸਕਦਾ ਸੀ। ਹੁਣ ਵਨਪਲਸ ਨੇ ਫੈਸਲਾ ਕੀਤਾ ਹੈ ਕਿ ਕੰਪਨੀ ਦਿੱਲੀ, ਮੁੰਬਈ, ਬੇਂਗਲੁਰੂ, ਹੈਦਰਾਬਾਦ, ਪੁਣੇ, ਚੇਨਈ, ਕੋਲਕਾਤਾ ਅਤੇ ਅਹਿਮਦਾਬਾਦ 'ਚ ਵੱਡੇ ਬਰੈਂਡ ਸਟੋਰਸ ਖੋਲ੍ਹੇਗੀ। ਅਜੇ ਕੰਪਨੀ ਦਾ ਅਜਿਹਾ ਇਕ ਆਉਟਲੇਟ ਸਿਰਫ ਮੁੰਬਈ 'ਚ ਹੈ। ਇਸ ਦੇ ਨਾਲ ਹੀ ਕੰਪਨੀ ਦਿੱਲੀ ਅਤੇ ਮੁੰਬਈ 'ਚ ਵੱਡੇ ਵਨਪਲਸ ਐਕਸਪੀਰਿਅਨਸ ਸਟੋਰਸ ਵੀ ਖੋਲ੍ਹੇਗੀ।
