Microsoft Teams ਹੋਇਆ ਠੱਪ, ਦੁਨੀਆ ਭਰ ਦੇ ਯੂਜ਼ਰਸ ਪਰੇਸ਼ਾਨ, ਜਾਣੋ ਕੰਪਨੀ ਨੇ ਕੀ ਕਿਹਾ
07/21/2022 2:05:27 PM
ਗੈਜੇਟ ਡੈਸਕ– ਵੀਡੀਓ ਕਾਲਿੰਗ ਪਲੇਟਫਾਰਮ Microsoft Teams ਦੇ ਠੱਪ ਹੋਣ ਕਾਰਨ ਅੱਜ ਯਾਨੀ 21 ਜੁਲਾਈ ਨੂੰ ਦੁਨੀਆ ਭਰ ਦੇ ਯੂਜ਼ਰਸ ਨੂੰ ਪਰੇਸ਼ਾਨੀ ਹੋ ਰਹੀ ਹੈ। ਆਊਟੇਜ ਨੂੰ ਲੈ ਕੇ Microsoft ਨੇ ਵੀ ਪੁਸ਼ਟੀ ਕੀਤੀ ਹੈ ਅਤੇ ਆਪਣੇ ਟਵੀਟ ’ਚ ਕਿਹਾ ਕਿ ਉਹ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਰਿਪੋਰਟ ਮੁਤਾਬਕ, 21 ਜੁਲਾਈ ਨੂੰ ਸਵੇਰੇ 7:30 ਵਜੇ ਤੋਂ Microsoft Teams ’ਚ ਸਮੱਸਿਆ ਆ ਰਹੀ ਹੈ। Downdetector.com ਨੇ ਵੀ ਮਾਈਕ੍ਰੋਸਾਫਟ ਟੀਮਸ ਦੇ ਠੱਪ ਹੋਣ ਦੀ ਪੁਸ਼ਟੀ ਕੀਤੀ ਹੈ। ਕੰਪਨੀ ਨੇ ਇਸਨੂੰ ਲੈਕੇ ਬਿਆਰੀ ਜਾਰੀ ਕੀਤਾ ਹੈ। ਕੰਪਨੀ ਦੇ ਬਿਆਨ ਮੁਤਾਬਕ, Microsoft 365 ਦੀਆਂ ਸੇਵਾਵਾਂ ਜਿਵੇਂ Microsoft Word, Office Online ਅਤੇ SharePoint Online ’ਚ ਵੀ ਸਮੱਸਿਆ ਆ ਰਹੀ ਹੈ।
We've received reports of users being unable to access Microsoft Teams or leverage any features. We're investigating the issue and further updates can be found in your Service Health Dashboard via TM402718.
— Microsoft 365 Status (@MSFT365Status) July 21, 2022
ਦੱਸ ਦੇਈਏ ਕਿ ਪਿਛਲੇ ਕੁਝ ਮਹੀਨਿਆਂ ’ਚ ਵਟਸਐਪ ਤੋਂ ਲੈ ਕੇ ਇੰਸਟਾਗ੍ਰਾਮ ਅਤੇ ਮੈਸੇਂਜਰ ਤੋਂ ਇਲਾਵਾ ਟਵਿਟਰ ਤਕ ਡਾਊਨ ਰਹੇ ਹਨ। ਹਾਲ ਹੀ ’ਚ ਚਾਰ ਦਿਨਾਂ ’ਚ ਇੰਸਟਾਗ੍ਰਾਮ ਦੋ ਵਾਰ ਠੱਪ ਹੋਇਆ ਹੈ। ਇਸ ਤੋਂ ਪਹਿਲਾਂ ਟਵਿਟਰ ਵੀ ਕਈ ਘੰਟਿਆਂ ਲਈ ਡਾਊਨ ਰਿਹਾ ਸੀ।
