Jio ਲਿਆ ਰਿਹਾ ਵੱਡਾ offer! 2 ਸਾਲ ਤੱਕ Users ਨੂੰ ਮੁਫ਼ਤ ਮਿਲੇਗੀ ਇਹ service

ਗੈਜੇਟ ਡੈਸਕ - ਮੁਕੇਸ਼ ਅੰਬਾਨੀ ਦੀ ਟੈਲੀਕਾਮ ਕੰਪਨੀ ਰਿਲਾਇੰਸ ਜੀਓ ਨੇ ਆਪਣੇ ਉਪਭੋਗਤਾਵਾਂ ਲਈ ਇਕ ਵਧੀਆ ਆਫਰ ਲਾਂਚ ਕੀਤਾ ਹੈ। ਜੀਓ ਦੀ ਨਵੀਂ ਪੇਸ਼ਕਸ਼ ਦੇ ਤਹਿਤ ਕੰਪਨੀ ਉਪਭੋਗਤਾਵਾਂ ਨੂੰ ਯੂਟਿਊਬ ਪ੍ਰੀਮੀਅਮ ਸਬਸਕ੍ਰਿਪਸ਼ਨ ਮੁਫਤ ’ਚ ਦੇ ਰਹੀ ਹੈ। ਰਿਲਾਇੰਸ ਜੀਓ ਨੇ ਇਸ ਪੇਸ਼ਕਸ਼ ਲਈ ਯੂਟਿਊਬ ਨਾਲ ਹੱਥ ਮਿਲਾਇਆ ਹੈ। ਇੱਥੇ ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਇਸ ਆਫਰ ਦਾ ਲਾਭ ਸਿਰਫ਼ ਜੀਓ ਬ੍ਰਾਡਬੈਂਡ ਪਲਾਨਾਂ ਨਾਲ ਹੀ ਮਿਲੇਗਾ। ਇਹ ਪੇਸ਼ਕਸ਼ ਚੁਣੇ ਹੋਏ JioFiber ਅਤੇ Jio AirFiber ਪਲਾਨਾਂ ਨਾਲ ਦਿੱਤੀ ਜਾ ਰਹੀ ਹੈ। ਆਓ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਜੀਓ ਆਫਰ ਦਾ ਫਾਇਦਾ ਉਠਾਉਣ ਲਈ ਤੁਹਾਨੂੰ ਕੀ ਕਰਨਾ ਪਵੇਗਾ?

ਇਨ੍ਹਾਂ ਪਲਾਨਸ ਨਾਲ ਆਫਰ ਦਾ ਫਾਇਦਾ
ਕੰਪਨੀ ਦੇ ਅਨੁਸਾਰ, JioFiber ਅਤੇ AirFiber ਉਪਭੋਗਤਾਵਾਂ ਨੂੰ 888 ਰੁਪਏ, 1199 ਰੁਪਏ, 1499 ਰੁਪਏ, 2499 ਰੁਪਏ ਅਤੇ 3499 ਰੁਪਏ ਦੇ ਪਲਾਨਾਂ ਦੇ ਨਾਲ ਆਫਰ ਦਾ ਲਾਭ ਮਿਲੇਗਾ। ਇਨ੍ਹਾਂ ਪਲਾਨਾਂ ਤੋਂ ਇਲਾਵਾ, ਜੇਕਰ ਤੁਸੀਂ ਕਿਸੇ ਹੋਰ ਪਲਾਨ ਨਾਲ ਰੀਚਾਰਜ ਕਰਦੇ ਹੋ ਤਾਂ ਤੁਹਾਨੂੰ YouTube Premium ਦਾ ਲਾਭ ਨਹੀਂ ਮਿਲੇਗਾ। ਯੂਟਿਊਬ ਦੀ ਪ੍ਰੀਮੀਅਮ ਸੇਵਾ ਦੇ ਨਾਲ, ਉਪਭੋਗਤਾਵਾਂ ਨੂੰ ਵਿਗਿਆਪਨ-ਮੁਕਤ ਦੇਖਣ ਦਾ ਅਨੁਭਵ, ਆਫਲਾਈਨ ਵੀਡੀਓ ਡਾਊਨਲੋਡ, ਬੈਕਗ੍ਰਾਊਂਡ ਪਲੇ ਅਤੇ ਯੂਟਿਊਬ ਮਿਊਜ਼ਿਕ ਪ੍ਰੀਮੀਅਮ ਤੱਕ ਮੁਫ਼ਤ ਪਹੁੰਚ ਦਿੱਤੀ ਜਾਵੇਗੀ।

ਕਰਨਾ ਹੋਵੇਗਾ ਇਹ ਕੰਮ
ਇਸ ਆਫਰ ਦਾ ਫਾਇਦਾ ਉਠਾਉਣ ਲਈ, ਸਭ ਤੋਂ ਪਹਿਲਾਂ ਤੁਹਾਨੂੰ ਉੱਪਰ ਦੱਸੇ ਗਏ ਕਿਸੇ ਵੀ ਪਲਾਨ ਦੀ ਚੋਣ ਕਰਨੀ ਪਵੇਗੀ, ਪਲਾਨ ਖਰੀਦਣ ਤੋਂ ਬਾਅਦ, ਮਾਈ ਜੀਓ ਖਾਤੇ ’ਚ ਲਾਗਇਨ ਕਰੋ। ਇਸ ਤੋਂ ਬਾਅਦ, ਐਪ ਜਾਂ ਵੈੱਬਸਾਈਟ 'ਤੇ YouTube ਪ੍ਰੀਮੀਅਮ ਬੈਨਰ 'ਤੇ ਕਲਿੱਕ ਕਰੋ। ਇਸ ਤੋਂ ਬਾਅਦ, ਆਪਣੇ ਯੂਟਿਊਬ ਖਾਤੇ ’ਚ ਸਾਈਨ ਇਨ ਕਰੋ ਅਤੇ ਜੇਕਰ ਤੁਹਾਡੇ ਕੋਲ ਖਾਤਾ ਨਹੀਂ ਹੈ ਤਾਂ ਪਹਿਲਾਂ ਇਕ ਯੂਟਿਊਬ ਖਾਤਾ ਬਣਾਓ। ਇਸ ਤੋਂ ਬਾਅਦ ਤੁਸੀਂ ਦੋ ਸਾਲਾਂ ਲਈ ਮੁਫ਼ਤ YouTube ਪ੍ਰੀਮੀਅਮ ਪਲਾਨ ਦਾ ਆਨੰਦ ਲੈ ਸਕੋਗੇ।

YouTube Premium Susbcription Price
ਯੂਟਿਊਬ ਪ੍ਰੀਮੀਅਮ ਦੇ ਮਹੀਨੇ ਦੇ ਪਲਾਨ ਦੀ ਕੀਮਤ 159 ਰੁਪਏ ਹੈ ਅਤੇ ਸਾਲਾਨਾ ਪਲਾਨ ਦੀ ਕੀਮਤ 1490 ਰੁਪਏ ਹੈ। ਜੇਕਰ ਇਸ ਤਰ੍ਹਾਂ ਦੇਖਿਆ ਜਾਵੇ ਤਾਂ ਕੰਪਨੀ ਤੁਹਾਨੂੰ 2980 ਰੁਪਏ ਦਾ ਮੁਫਤ ਲਾਭ ਦੇ ਰਹੀ ਹੈ।