Jio Down: ਮੋਬਾਇਲ ਇੰਟਰਨੈੱਟ ਤੇ Jio Fiber ਦੀਆਂ ਸੇਵਾਵਾਂ ਠੱਪ, ਯੂਜ਼ਰਜ਼ ਹੋਏ ਪਰੇਸ਼ਾਨ, X ''ਤੇ ਕੀਤੀ ਸ਼ਿਕਾਇਤ

ਗੈਜੇਟ ਡੈਸਕ- ਜੀਓ ਦੀ ਸਰਵਿਸ ਨੂੰ ਲੈ ਕੇ ਕਈ ਖੇਤਰਾਂ ਤੋਂ ਸ਼ਿਕਾਇਤਾਂ ਆ ਰਹੀਆਂ ਹਨ। ਕਈ ਉਪਭੋਗਤਾਵਾਂ ਨੇ X ਪਲੇਟਫਾਰਮ (ਪੁਰਾਣਾ ਨਾਮ ਟਵਿੱਟਰ) 'ਤੇ ਜੀਓ ਦੀ ਸੇਵਾ ਬਾਰੇ ਸ਼ਿਕਾਇਤ ਕੀਤੀ। ਕਈ ਖੇਤਰਾਂ ਵਿੱਚ ਮੋਬਾਈਲ ਉਪਭੋਗਤਾ ਅਤੇ ਜੀਓ ਫਾਈਬਰ ਉਪਭੋਗਤਾ ਇੰਟਰਨੈਟ ਸੇਵਾ ਤੱਕ ਪਹੁੰਚ ਨਹੀਂ ਕਰ ਪਾ ਰਹੇ। ਇੰਨਾ ਹੀ ਨਹੀਂ ਕਈ ਯੂਜ਼ਰਜ਼ ਨੇ ਕਿਹਾ ਕਿ ਉਹ ਜੀਓ ਸਿਮ ਤੋਂ ਫੋਨ ਕਾਲ ਵੀ ਨਹੀਂ ਕਰ ਪਾ ਰਹੇ ਹਨ। ਰੀਅਲ ਟਾਈਮ ਆਊਟੇਜ ਰਿਪੋਰਟਿੰਗ ਵੈੱਬਸਾਈਟ ਡਾਊਨਡਿਟੇਕਟਰ ਨੇ ਵੀ ਇਸ ਆਊਟੇਜ ਬਾਰੇ ਜਾਣਕਾਰੀ ਦੀ ਪੁਸ਼ਟੀ ਕੀਤੀ ਹੈ।

ਦੁਪਹਿਰ 1 ਵਜੇ ਤੋਂ ਬਾਅਦ ਬਹੁਤ ਸਾਰੇ ਲੋਕਾਂ ਨੇ ਜੀਓ ਦੀ ਸਰਵਿਸ ਨੂੰ ਲੈ ਕੇ ਰਿਪੋਰਟ ਕੀਤਾ ਅਤੇ 800 ਤੋਂ ਵੱਧ ਲੋਕਾਂ ਨੇ ਇੱਥੇ ਰਿਪੋਰਟ ਕੀਤੀ ਹੈ। ਦੁਪਹਿਰ 2 ਵਜੇ ਦੇ ਕਰੀਬ, ਲਗਭਗ 51 ਫੀਸਦੀ ਲੋਕਾਂ ਨੂੰ JioFiber 'ਤੇ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪਿਆ। 42 ਫੀਸਦੀ ਮੋਬਾਈਲ ਇੰਟਰਨੈਟ ਨੈੱਟਵਰਕ ਸਮੱਸਿਆਵਾਂ ਦਾ ਸਾਹਮਣਾ ਕਰ ਰਹੇ ਸਨ ਅਤੇ 7 ਫੀਸਦੀ ਕਾਲਾਂ ਤੋਂ ਪ੍ਰੇਸ਼ਾਨ ਸਨ।

ਕਈ ਯੂਜ਼ਰਜ਼ ਨੇ ਕੀਤੀ ਰਿਪੋਰਟ, ਕਿਹਾ ਗੇਮ ਵੀ ਨਹੀਂ ਖੇਡ ਪਾ ਰਹੇ

ਜੀਓ ਯੂਜ਼ਰਜ਼ ਨੇ ਸ਼ਿਕਾਇਤ ਕੀਤੀ ਹੈ ਕਿ ਉਹ ਇੰਟਰਨੈੱਟ ਨਾ ਚੱਲਣ ਕਾਰਨ BGMI ਅਤੇ Free Fire MAX ਵਰਗੀਆਂ ਮੋਬਾਈਲ ਗੇਮਾਂ ਨਹੀਂ ਖੇਡ ਪਾ ਰਹੇ ਹਨ। ਕਈ ਯੂਜ਼ਰਜ਼ ਨੇ ਲਿਖਿਆ ਕਿ ਉਹ ਆਪਣੇ ਹੈਂਡਸੈੱਟ 'ਤੇ ਇੰਟਰਨੈੱਟ ਐਕਸੈਸ ਨਹੀਂ ਕਰ ਪਾ ਰਹੇ ਹਨ।

BGMI SERVER DOWN@reliancejio @JioCare WHAT A PATHETIC SERVICE JIO WHY YOUR SERVER ARE LAGGING IN BGMI

— Gabba Ka Papa (@riseup__pant) April 11, 2024

ਕਈ ਯੂਜ਼ਰਜ਼ ਨੇ ਸ਼ੇਅਰ ਕੀਤੇ ਸਕਰੀਨਸ਼ਾਟ

ਜੀਓ ਦੀ ਸਰਵਿਸ ਠੱਪ ਹੋਣ ਤੋਂ ਬਾਅਦ ਕਈ ਯੂਜ਼ਰਜ਼ ਨੇ ਸਕਰੀਨਸ਼ਾਟ ਵੀ ਸ਼ੇਅਰ ਕੀਤੇ ਅਤੇ ਜੀਓ ਕੇਅਰ ਨੂੰ ਟੈਗ ਵੀ ਕੀਤਾ। ਨਾਲ ਉਪਭੋਗਤਾਵਾਂ ਨੇ ਵੀ ਆਪਣੀਆਂ ਸਮੱਸਿਆਵਾਂ ਬਾਰੇ ਵੀ ਦੱਸਿਆ।

Jio server's are down
Please fix this problem as soon as possible @JioCare @reliancejio pic.twitter.com/CuPYBP5N7F

— Abhishek (@king_vamp69) April 11, 2024