ਹੁਣ ਨਵੇਂ ਰੰਗ 'ਚ ਆਵੇਗਾ iPhone 18 Pro ! ਜਾਣੋ ਕੀ ਹੈ ਖਾਸ

ਗੈਜੇਟ ਡੈਸਕ : ਐਪਲ ਦੇ ਪ੍ਰਸ਼ੰਸਕਾਂ ਲਈ ਇੱਕ ਵੱਡੀ ਖ਼ਬਰ ਸਾਹਮਣੇ ਆ ਰਹੀ ਹੈ ਕਿ ਆਉਣ ਵਾਲਾ iPhone 18 Pro ਹੁਣ ਤੱਕ ਦੇ ਸਭ ਤੋਂ ਆਕਰਸ਼ਕ 'ਡੀਪ ਰੈੱਡ' (ਗੂੜ੍ਹਾ ਲਾਲ) ਰੰਗ ਵਿੱਚ ਪੇਸ਼ ਕੀਤਾ ਜਾ ਸਕਦਾ ਹੈ। ਕੰਪਨੀ ਆਪਣੇ ਪ੍ਰੋ ਮਾਡਲਾਂ ਨਾਲ ਅਕਸਰ ਨਵੇਂ ਪ੍ਰਯੋਗ ਕਰਦੀ ਹੈ ਅਤੇ ਇਸ ਵਾਰ ਐਲੂਮੀਨੀਅਮ ਯੂਨੀਬਾਡੀ ਦੇ ਨਾਲ ਰੰਗ ਵਿੱਚ ਵੀ ਖਾਸ ਬਦਲਾਅ ਕੀਤਾ ਜਾ ਸਕਦਾ ਹੈ।

ਰਿਪੋਰਟਾਂ ਅਨੁਸਾਰ ਆਈਫੋਨ 17 ਪ੍ਰੋ ਸੀਰੀਜ਼ ਨੂੰ 2025 ਵਿੱਚ 'ਕਾਸਮਿਕ ਔਰੇਂਜ' ਰੰਗ ਵਿੱਚ ਲਿਆਂਦਾ ਗਿਆ ਸੀ, ਜਿਸ ਨੂੰ ਖਾਸਾ ਪਸੰਦ ਕੀਤਾ ਗਿਆ ਸੀ। ਇਸੇ ਸਫਲਤਾ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਕੰਪਨੀ ਹੁਣ ਆਈਫੋਨ 18 ਪ੍ਰੋ ਸੀਰੀਜ਼ ਨੂੰ 'ਡੀਪ ਰੈੱਡ' ਰੰਗ ਵਿੱਚ ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਖਾਸ ਤੌਰ 'ਤੇ ਚੀਨ ਵਰਗੇ ਵੱਡੇ ਬਾਜ਼ਾਰਾਂ ਵਿੱਚ ਬੋਲਡ ਰੰਗਾਂ ਦੀ ਭਾਰੀ ਮੰਗ ਨੂੰ ਦੇਖਦੇ ਹੋਏ ਐਪਲ ਇਹ ਵੱਡਾ ਕਦਮ ਚੁੱਕ ਰਿਹਾ ਹੈ।

ਐਨਾਲਿਸਟ ਮਾਰਕ ਗੁਰਮਨ ਦੀ ਰਿਪੋਰਟ ਮੁਤਾਬਕ ਐਪਲ ਨੇ ਸਾਲ 2022 ਵਿੱਚ ਆਈਫੋਨ 14 ਤੋਂ ਬਾਅਦ ਲਾਲ ਰੰਗ ਦੇ ਆਈਫੋਨ ਬਣਾਉਣੇ ਬੰਦ ਕਰ ਦਿੱਤੇ ਸਨ। ਹੁਣ ਪ੍ਰੋ ਸੀਰੀਜ਼ ਵਿੱਚ ਇਸ ਦੀ ਵਾਪਸੀ ਯੂਜ਼ਰਸ ਨੂੰ ਉਤਸ਼ਾਹਿਤ ਕਰ ਰਹੀ ਹੈ। ਐਲੂਮੀਨੀਅਮ ਯੂਨੀਬਾਡੀ ਡਿਜ਼ਾਈਨ ਅਪਣਾਉਣ ਕਾਰਨ ਕੰਪਨੀ ਲਈ ਹੁਣ ਵੱਖ-ਵੱਖ ਸ਼ੇਡਸ ਨਾਲ ਪ੍ਰਯੋਗ ਕਰਨਾ ਆਸਾਨ ਹੋ ਗਿਆ ਹੈ। ਇਹ ਨਵਾਂ ਲਾਲ ਰੰਗ ਕੰਪਨੀ ਦਾ ਫਲੈਗਸ਼ਿਪ ਕਲਰ ਹੋ ਸਕਦਾ ਹੈ।

ਆਈਫੋਨ ਫੋਲਡ ਦੀ ਲੁੱਕ ਹੋਵੇਗੀ ਸਾਦੀ
 ਜਿੱਥੇ ਇੱਕ ਪਾਸੇ ਪ੍ਰੋ ਮਾਡਲ ਰੰਗਾਂ ਦੇ ਮਾਮਲੇ ਵਿੱਚ ਧੂਮ ਮਚਾਉਣ ਵਾਲੇ ਹਨ, ਉੱਥੇ ਹੀ ਐਪਲ ਦਾ ਪਹਿਲਾ ਫੋਲਡੇਬਲ ਫੋਨ ਯਾਨੀ iPhone Fold ਕਲਾਸਿਕ ਟੋਨ ਵਿੱਚ ਆ ਸਕਦਾ ਹੈ। ਰਿਪੋਰਟਾਂ ਦੱਸਦੀਆਂ ਹਨ ਕਿ ਕੰਪਨੀ ਆਪਣੇ ਪਹਿਲੇ ਫੋਲਡੇਬਲ ਡਿਵਾਈਸ ਨਾਲ ਕੋਈ ਵੱਡਾ ਰਿਸਕ ਨਹੀਂ ਲੈਣਾ ਚਾਹੁੰਦੀ ਅਤੇ ਇਸ ਨੂੰ ਬਲੈਕ, ਡਾਰਕ ਗ੍ਰੇ ਜਾਂ ਸਿਲਵਰ ਵਰਗੇ ਰੰਗਾਂ ਵਿੱਚ ਹੀ ਪੇਸ਼ ਕਰੇਗੀ। ਇਸ ਦਾ ਮੁੱਖ ਕਾਰਨ ਸ਼ੁਰੂਆਤੀ ਦੌਰ ਵਿੱਚ ਮੈਨੂਫੈਕਚਰਿੰਗ ਪ੍ਰਕਿਰਿਆ ਨੂੰ ਆਸਾਨ ਬਣਾਉਣਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e