ਐਪਲ ਕੱਲ ਲਾਂਚ ਕਰੇਗੀ iOS 13, ਇਸ ਲਈ ਖਾਸ ਹੋਵੇਗਾ ਨਵਾਂ OS

ਗੈਜੇਟ ਡੈਸਕ– ਐਪਲ 10 ਸਤੰਬਰ ਯਾਨੀ ਕੱਲ ਕੈਲੀਫੋਰਨੀਆ ’ਚ ਆਪਣੇ ਸਭ ਤੋਂ ਵੱਡੇ ਈਵੈਂਟ ਲਈ ਤਿਆਰ ਹੈ ਅਤੇ ਇਸੇ ਈਵੈਂਟ ’ਚ ਕੰਪਨੀ ਆਪਣੀ ਨਵੀਂ ਆਈਫੋਨ 11 ਸੀਰੀਜ਼ ਲਾਂਚ ਕਰਨ ਵਾਲੀ ਹੈ। ਸਮਾਰਟਫੋਨਜ਼ ਦੇ ਨਾਲ ਹੀ ਐਪਲ ਇਸ ਈਵੈਂਟ ’ਚ ਨੈਕਸਟ ਜਨਰੇਸ਼ਨ ਮੋਬਾਇਲ ਆਪਰੇਟਿੰਗ ਸਿਸਟਮ iOS 13 ਵੀ ਲਾਂਚ ਕਰ ਸਕਦੀ ਹੈ। ਐਪਲ ਦੇ ਲੇਟੈਸਟ ਮੋਬਾਇਲ ਓ.ਐੱਸ. ਨੂੰ WWDC 2019 ’ਚ ਪੇਸ਼ ਕੀਤਾ ਗਿਆ ਸੀ। ਈਵੈਂਟ ’ਚ ਲਾਂਚ ਹੋਣ ਜਾ ਰਹੇ ਓ.ਐੱਸ. ਨਾਲ ਜੁੜੀਆਂ ਕਈ ਗੱਲਾਂ ਪਹਿਲਾਂ ਹੀ ਸਾਹਮਣੇ ਆ ਚੁੱਕੀਆਂ ਹਨ ਅਤੇ ਐਪਲ ਇਸ ਨੂੰ ਨਵੇਂ ਆਈਫੋਨਜ਼ ’ਚ ਦੇ ਸਕਦੀ ਹੈ। 

ਸਭ ਤੋਂ ਤੇਜ਼ ਓ.ਐੱਸ.
ਐਪਲ ਦਾ ਕਹਿਣਾ ਹੈ ਕਿ iOS 13 ਹੁਣ ਤਕ ਦਾ ਸਭ ਤੋਂ ਤੇਜ਼ ਆਪਰੇਟਿੰਗ ਸਿਸਟਮ ਹੋਵੇਗਾ। ਨਵੇਂ ਓ.ਐੱਸ. ’ਚ ਅਪਡੇਟਸ ਦੇ ਡਲਿਵਰ ਹੋਣ ਦਾ ਤਰੀਕਾ ਵੀ ਬਦਲ ਜਾਵੇਗਾ ਅਤੇ ਦਾਅਵਾ ਕੀਤਾ ਗਿਆ ਹੈ ਕਿ ਇਸ ਵਿਚ ਡਾਊਨਲੋਡਸ 50 ਫੀਸਦੀ ਤਕ ਛੋਟੇ ਹੋਣਗੇ ਅਤੇ ਅਪਡੇਟਸ ਸਾਈਟ ਵੀ 60 ਫੀਸਦੀ ਤਕ ਘਟਾ ਦਿੱਤਾ ਜਾਵੇਗਾ। ਇਸ ਤੋਂ ਇਲਾਵਾ ਨਵੇਂ ਓ.ਐੱਸ. ’ਚ ਫੇਸ ਆਈ.ਡੀ. ਵੀ 30 ਫੀਸਦੀ ਤੇਜ਼ ਕੰਮ ਕਰੇਗੀ। 

ਨਵਾਂ ਕੈਮਰਾ ਮੋਡ
ਐਪਲ ਦਾ ਕਹਿਣਾ ਹੈ ਕਿ ਪੋਟਰੇਟ ਲਾਈਟਿੰਗ ਮੋਡ ਸਟੂਡੀਓ ਲਾਈਟਿੰਗ ਦੇ ਹਿਸਾਬ ਨਾਲ ਪੋਜ਼ੀਸ਼ਨ ਅਤੇ ਇੰਟੈਂਸਿਟੀ ਨੂੰ ਵਰਚੁਅਲੀ ਅਜਸਟ ਕਰ ਲੈਂਦਾ ਹੈ। iOS 13 ’ਚ ਇਸ ਦੀ ਮਦਦ ਨਾਲ ਯੂਜ਼ਰਜ਼ ਹੁਣ ਪੋਟਰੇਟ ਲਾਈਟਿੰਗ ਇਫੈਕਟ ਦੀ ਇੰਟੈਂਸਿਟੀ ਨੂੰ ਘਟਾ ਜਾਂ ਵਧਾ ਸਕਣਗੇ। ਐਪਲ ਨੇ ਨਵੇਂ ਓ.ਐੱਸ. ’ਚ ਮੋਨੋਕ੍ਰੋਮ ਪੋਟਰੇਟ ਮੋਡ ਵੀ ਦਿੱਤਾ ਹੈ ਅਤੇ ਇਸ ਵਿਚ ਹਾਈ-ਕੀਅ ਮੋਨੋ ਫੀਚਰ ਵੀ ਯੂਜ਼ਰਜ਼ ਨੂੰ ਮਿਲੇਗਾ। ਇਹ ਫਿਲਟਰ ਫੈਸ਼ਨ ਫੋਟੋਗ੍ਰਫੀ ’ਚ ਇਸਤੇਮਾਲ ਹੋਣ ਵਾਲੇ ਸਟੈਟਿਕ ਮੋਨੋਕ੍ਰੋਮਿਕ ਅਸਥੈਟਿਕ ਨੂੰ ਰੇਪਲੀਕੇਟ ਕਰੇਗਾ।

ਡਾਰਕ ਮੋਡ
ਪਿਛਲੇ ਸਾਲ ਮੈਕ ਓ.ਐੱਸ. ’ਚ ਡਾਰਕ ਮੋਡ ਰੋਲ ਆਊਟ ਕਰਨ ਤੋਂ ਬਾਅਦ ਐਪਲ ਹੁਣ ਆਈ.ਓ.ਐੱਸ. 13 ਦੇ ਨਾਲ ਬਾਕੀ ਡਿਵਾਈਸਿਜ਼ ’ਚ ਵੀ ਸਿਸਟਮ ਵਾਈਡ ਡਾਰਕ ਮੋਡ ਲਿਆਉਣ ਜਾ ਰਹੀ ਹੈ। ਸਟਾਕ ਐਪਲ ਵਾਲਪੇਪਰ ’ਚ ਵੀ ਹੁਣ ਡਾਰਕ ਮੋਡ ਆਲਟਰਨੇਟਿਵ ਮਿਲਣਗੇ। ਫੋਟੋਜ਼, ਰਿਮਾਇੰਡਰਜ਼ ਵਰਗੇ ਐਪਸ ’ਚ ਵੀ ਡਾਰਕ ਥੀਮ ਮਿਲੇਗੀ ਅਤੇ ਯੂ.ਆਈ. ਦੇ ਸਾਰੇ ਐਲੀਮੈਂਟਸ ਡਾਰਕ ਹੋ ਜਾਣਗੇ।

ਪਰਸਨਲ ਮੀਮੋਜੀ
ਆਈਫੋਨਜ਼ ਦੇ ਖਾਸ ਫੀਚਰ ਮੀਮੋਜੀ ਨੂੰ ਹੋਰ ਵੀ ਪਰਸਨਲਾਈਜ਼ ਕਰਨ ਲਈ ਐਪਲ ਇਨ੍ਹਾਂ ’ਚ ਹੋਰ ਵੀ ਕਸਟਮਾਈਜੇਸ਼ਨ ਆਪਸ਼ੰਸ ਦੇਣ ਜਾ ਰਹੀ ਹੈ। ਐਪਲ ਦਾ ਕਹਿਣਾ ਹੈ ਕਿ ਮੀਮੋਜੀ ਦੀ ਮਦਦ ਨਾਲ ਢੇਰਾਂ ਸਟੀਕਰਜ਼ ਵੀ ਜਨਰੇਟ ਕੀਤੇ ਜਾ ਸਕਣਗੇ ਅਤੇ ਬਾਅਦ ’ਚ ਇਹ ਕੀਬੋਰਡ ਐਪ ’ਚ ਉਪਲੱਬਧ ਹੋਣਗੇ। ਕਸਟਮਾਈਜੇਸ਼ਨ ਆਪਸ਼ੰਸ ’ਚ ਹੈੱਡਗਿਅਰ, ਗਲਸਿਜ਼ ਅਤੇ ਟੁੱਟੇ ਦੰਦ ਤਕ ਸ਼ਾਮਲ ਹਨ।