ਲਾਂਚ ਤੋਂ ਪਹਿਲਾਂ Google Pixel 9a ਦੀ ਕੀਮਤ ਦਾ ਖੁਲਾਸਾ, ਜਾਣੋ ਫੀਚਰਸ

ਗੈਜੇਟ ਡੈਸਕ - ਗੂਗਲ ਦਾ ਨਵਾਂ ਮਿਡ-ਰੇਂਜ ਸਮਾਰਟਫੋਨ Pixel 9a ਜਲਦ ਹੀ ਗਲੋਬਲ ਮਾਰਕੀਟ 'ਚ ਐਂਟਰੀ ਕਰਨ ਜਾ ਰਿਹਾ ਹੈ। ਹਾਲ ਹੀ 'ਚ ਅਮਰੀਕੀ ਬਾਜ਼ਾਰ 'ਚ ਇਸ ਦੀ ਕੀਮਤ ਅਤੇ ਉਪਲੱਬਧਤਾ ਬਾਰੇ ਜਾਣਕਾਰੀ ਸਾਹਮਣੇ ਆਈ ਸੀ। ਹੁਣ ਯੂਰਪ 'ਚ ਇਸ ਦੀ ਕੀਮਤ ਅਤੇ ਰਿਲੀਜ਼ ਡੇਟ ਨਾਲ ਜੁੜੀ ਜਾਣਕਾਰੀ ਵੀ ਲੀਕ ਹੋ ਗਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ Pixel 9a ਪਿਛਲੇ ਸਾਲ ਲਾਂਚ ਕੀਤੇ ਗਏ Pixel 8a ਦਾ ਅਪਗ੍ਰੇਡਿਡ ਵਰਜ਼ਨ ਹੋਵੇਗਾ। ਆਓ ਜਾਣਦੇ ਹਾਂ ਇਸ ਫੋਨ ਬਾਰੇ।

Pixel 9a ਦੀ ਕੀਮਤ ਅਤੇ ਲਾਂਚ ਮਿਤੀ
ਲੀਕ ਹੋਈ ਰਿਪੋਰਟ ਵਿੱਚ ਖੁਲਾਸਾ ਹੋਇਆ ਹੈ ਕਿ ਯੂਰਪ ਵਿੱਚ Pixel 9a ਦੀ ਪ੍ਰੀ-ਬੁਕਿੰਗ 19 ਮਾਰਚ ਤੋਂ ਸ਼ੁਰੂ ਹੋਵੇਗੀ ਅਤੇ 26 ਮਾਰਚ ਤੋਂ ਵਿਕਰੀ ਲਈ ਉਪਲਬਧ ਹੋਵੇਗੀ। ਤੁਹਾਨੂੰ ਦੱਸ ਦੇਈਏ ਕਿ ਇਹੀ ਲਾਂਚ ਟਾਈਮਲਾਈਨ ਅਮਰੀਕੀ ਬਾਜ਼ਾਰ ਵਿੱਚ ਵੀ ਕੰਮ ਕਰੇਗੀ। ਕੀਮਤ ਦੀ ਗੱਲ ਕਰੀਏ ਤਾਂ ਡਿਵਾਈਸ ਦੇ 128GB ਵੇਰੀਐਂਟ ਦੀ ਕੀਮਤ 499 ਪੌਂਡ ਯਾਨੀ ਲਗਭਗ 54,343 ਰੁਪਏ ਹੋਵੇਗੀ, ਜੋ ਕਿ ਇਸਦੇ ਪਿਛਲੇ ਮਾਡਲ Pixel 8a ਦੇ ਬਰਾਬਰ ਹੈ। ਇਸ ਦੇ ਨਾਲ ਹੀ ਫੋਨ ਦੇ 256GB ਵੇਰੀਐਂਟ ਦੀ ਕੀਮਤ ਵਧਾਈ ਜਾ ਸਕਦੀ ਹੈ, ਯਾਨੀ ਇਹ ਫੋਨ 599 ਪੌਂਡ ਜਾਂ 65,233 ਰੁਪਏ 'ਚ ਮਿਲੇਗਾ।

Pixel 9a ਦੇ ਸਪੈਸੀਫਿਕੇਸ਼ਨਸ
ਲੀਕ ਦੇ ਮੁਤਾਬਕ, ਗੂਗਲ ਪਿਕਸਲ 9ਏ ਦੋ ਵੱਖ-ਵੱਖ ਰੈਮ ਅਤੇ ਸਟੋਰੇਜ ਵੇਰੀਐਂਟ 'ਚ ਉਪਲੱਬਧ ਹੋਵੇਗਾ। ਫੋਨ ਦੇ 128GB ਵੇਰੀਐਂਟ ਨੂੰ Obsidian, Iris, Porcelain ਅਤੇ Peony ਕਲਰ ਆਪਸ਼ਨ 'ਚ ਲਿਆਂਦਾ ਜਾਵੇਗਾ। ਜਦੋਂ ਕਿ 256GB ਵੇਰੀਐਂਟ ਸਿਰਫ Obsidian ਅਤੇ Iris ਕਲਰ 'ਚ ਉਪਲੱਬਧ ਹੋਵੇਗਾ।

Pixel 9a ਵਿੱਚ 6.3-ਇੰਚ ਦਾ ਫਲੈਟ ਡਿਸਪਲੇ ਹੋ ਸਕਦਾ ਹੈ। ਜੇਕਰ ਪ੍ਰੋਸੈਸਰ ਦੀ ਗੱਲ ਕਰੀਏ ਤਾਂ ਕੰਪਨੀ ਇਸ ਫੋਨ ਨੂੰ Google Tensor G4 ਚਿਪਸੈੱਟ ਦੇ ਨਾਲ ਲਿਆ ਸਕਦੀ ਹੈ। ਕੈਮਰੇ ਦੇ ਫੀਚਰਸ ਦੀ ਗੱਲ ਕਰੀਏ ਤਾਂ ਇਸ ਫੋਨ 'ਚ 48MP ਦਾ ਪ੍ਰਾਇਮਰੀ ਕੈਮਰਾ ਹੈ, ਹਾਲਾਂਕਿ ਕੰਪਨੀ ਨੇ Pixel 8a ਦੇ ਨਾਲ 64MP ਕੈਮਰਾ ਦਿੱਤਾ ਸੀ।

ਬੈਟਰੀ ਦੀ ਗੱਲ ਕਰੀਏ ਤਾਂ ਇਸ ਫੋਨ 'ਚ 5,000mAh ਦੀ ਪਾਵਰਫੁੱਲ ਬੈਟਰੀ ਦਿੱਤੀ ਜਾਵੇਗੀ। ਇਸ ਤੋਂ ਇਲਾਵਾ, Google Pixel 9a ਦੇ ਨਾਲ ਤਿੰਨ ਮਹੀਨਿਆਂ ਦੀ YouTube ਪ੍ਰੀਮੀਅਮ ਸਬਸਕ੍ਰਿਪਸ਼ਨ ਅਤੇ 100GB Google One ਸਟੋਰੇਜ ਵੀ ਮੁਫ਼ਤ ਵਿੱਚ ਉਪਲਬਧ ਹੋ ਸਕਦੀ ਹੈ।