Google Chrome ’ਤੇ ਹੋ ਸਕਦੈ ਸਾਈਬਰ ਹਮਲਾ, ਜਲਦੀ ਕਰੋ ਅਪਡੇਟ

ਗੈਜੇਟ ਡੈਸਕ– ਜੇਕਰ ਤੁਸੀਂ ਗੂਗਲ ਕ੍ਰੋਮ ਬ੍ਰਾਊਜ਼ਰ ਦਾ ਇਸਤੇਮਾਲ ਕਰਦੇ ਹੋ ਤਾਂ ਇਹ ਖਬਰ ਖਾਸ ਤੁਹਾਡੇ ਲਈ ਹੈ। ਗੂਗਲ ਨੇ ਆਪਣੇ ਯੂਜ਼ਰਜ਼ ਨੂੰ ਚਿਤਾਵਨੀ ਜਾਰੀ ਕਰਦੇ ਹੋਏ ਕਿਹਾ ਕਿ ਗੂਗਲ ਕ੍ਰੋਮ ਦੇ ਮੌਜੂਦਾ ਵਰਜਨ ’ਚ ਸਾਈਬਰ ਹਮਲਾ ਹੋਣ ਦੀ ਸੰਭਾਵਨਾ ਹੋ ਸਕਦੀ ਹੈ, ਇਸ ਲਈ ਯੂਜ਼ਰਜ਼ ਨੂੰ ਅਲਰਟ ਕਰਦੇ ਹੋਏ ਕਿਹਾ ਕਿ ਤੁਸੀਂ ਆਪਣੇ ਗੂਗਲ ਕ੍ਰੋਮ ਨੂੰ ਲੇਟੈਸਟ ਵਰਜਨ 72.0.3626.12 ’ਚ ਅਪਡੇਟ ਕਰ ਲਓ। ਇਸ ਨਵੇਂ ਵਰਜਨ ਨੂੰ ਪਿਛਲੇ ਹਫਤੇ ਰੋਲ ਆਊਟ ਕੀਤਾ ਗਿਆ ਹੈ। ਹਾਲਾਂਕਿ ਇਸ ਲੇਟੈਸਟ ਵਰਜਨ ਨੂੰ ਰਿਲੀਜ਼ ਕਰਦੇ ਹੋਏ ਗੂਗਲ ਨੇ ਇਹ ਨਹੀਂ ਦੱਸਿਆ ਸੀ ਕਿ ਇਸ ਵਿਚ ਕੀ ਫਿਕਸ ਕੀਤਾ ਗਿਆ ਹੈ। 

ਬਲਾਗ ਪੋਸਟ ਰਾਹੀਂ ਮਿਲੀ ਜਾਣਕਾਰੀ
ਇਸ ਅਪਡੇਟ ਨੂੰ ਗੂਗਲ ਕ੍ਰੋਮ ਦੇ ਆਟੋ ਅਪਡੇਟ ਦੇ ਨਾਲ ਰੋਲ ਆਊਟ ਕੀਤਾ ਹੈ। ਗੂਗਲ ਨੇ ਬਲਾਗ ਪੋਸਟ ਰਾਹੀਂ ਦੱਸਿਆਕਿ ਗੂਗਲ ਕ੍ਰੋਮ ਦੇ ਪਿਛਲੇ ਵਰਜਨ ’ਚ ਆਏ ਬਗ CVE-2019-5786 ਬਾਰੇ ਸਕਿਓਰਿਟੀ ਅਤੇ ਡੈਸਕਟਾਪ ਇੰਜੀਨੀਅਰ ਜਸਟਿਨ ਸ਼ੂਅ ਨੇ ਕਈ ਟਵੀਟ ਕਰਕੇ ਦੱਸਿਆ ਕਿ ਇਹ ਗੜਬੜੀ ਜਾਂ ਬਗ ਪਿਛਲੇ ਬਗ ਤੋਂ ਕਾਫੀ ਅਲੱਗ ਹੈ। 

ਇੰਝ ਪ੍ਰਭਾਵਿਤ ਕਰਦਾ ਹੈ ਬਗ
ਇਹ ਬਗ ਗੂਗਲ ਕ੍ਰੋਮ ਦੇ ਕੋਡ ਨੂੰ ਟਾਰਗੇਟ ਕਰਦਾ ਹੈ ਜਿਸ ਤੋਂ ਬਾਅਦ ਯੂਜ਼ਰਜ਼ ਨੂੰ ਬ੍ਰਾਊਜ਼ਰ ਨੂੰ ਰੀ-ਸਟਾਰਟ ਕਰਨਾ ਪੈਂਦਾ ਹੈ। ਇਹ ਬਗ ਗੂਗਲ ਕ੍ਰੋਮ ਦੇ ਫਾਈਲ ਰੀਡਰ ਫੀਚਰ ਨੂੰ ਪ੍ਰਭਾਵਿਤ ਕਰਦਾ ਹੈ। ਗੂਗਲ ਦਾ ਫਾਈਲ ਰੀਡਰ ਉਹ ਫੀਚਰ ਹੈ ਜੋ ਕੰਪਿਊਟਰ ’ਚ ਸੇਵ ਫਾਈਲਾਂ ਨੂੰ ਪੜਦਾ ਹੈ। ਇਸ ਫੀਚਰ ਦੇ ਪ੍ਰਭਾਵਿਤ ਹੋਣ ਨਾਲ ਲੋਕਾਂ ਦੀਆਂ ਨਿਜੀ ਅਤੇ ਅਹਿਮ ਜਾਣਕਾਰੀਆਂ ਪ੍ਰਭਾਵਿਤ ਹੋ ਸਕਦੀਆਂ ਹਨ। ਅਜਿਹੇ ’ਚ ਤੁਹਾਨੂੰ ਆਪਣੇ ਕ੍ਰੋਮ ਬ੍ਰਾਊਜ਼ਰ ਨੂੰ ਜਲਦੀ ਅਪਡੇਟ ਕਰ ਲੈਣਾ ਚਾਹੀਦਾ ਹੈ।