ਬਜਾਜ ਨੇ ਲਾਂਚ ਕੀਤਾ ਸਭ ਤੋਂ ਸਸਤਾ ਇਲੈਕਟ੍ਰਿਕ ਸਕੂਟਰ, ਜਾਣੋ ਕੀਮਤ ਤੇ ਸ਼ਾਨਦਾਰ ਫੀਚਰਸ

ਗੈਜੇਟ ਡੈਸਕ : ਭਾਰਤ 'ਚ ਇਲੈਕਟ੍ਰਿਕ ਟੂ-ਵ੍ਹੀਲਰ ਬਾਜ਼ਾਰ ਦੀ ਵਧਦੀ ਮੰਗ ਨੂੰ ਦੇਖਦੇ ਹੋਏ ਬਜਾਜ ਆਟੋ ਨੇ ਆਪਣੇ ਪ੍ਰਸਿੱਧ ਬ੍ਰਾਂਡ ਚੇਤਕ ਦੇ ਤਹਿਤ ਨਵਾਂ ਮਾਡਲ Chetak C25 ਲਾਂਚ ਕਰ ਦਿੱਤਾ ਹੈ। ਕੰਪਨੀ ਨੇ ਇਸ ਨਵੇਂ ਸਕੂਟਰ ਦੀ ਸ਼ੁਰੂਆਤੀ ਕੀਮਤ 91,399 ਰੁਪਏ (ਐਕਸ-ਸ਼ੋਰੂਮ) ਰੱਖੀ ਹੈ ਅਤੇ ਇਹ ਅੱਜ ਤੋਂ ਹੀ ਦੇਸ਼ ਭਰ ਦੀਆਂ ਬਜਾਜ ਚੇਤਕ ਡੀਲਰਸ਼ਿਪਾਂ 'ਤੇ ਵਿਕਰੀ ਲਈ ਉਪਲਬਧ ਹੈ।

ਰੇਂਜ ਅਤੇ ਰਫ਼ਤਾਰ 
ਬਜਾਜ ਚੇਤਕ C25 ਵਿੱਚ ਫਲੋਰਬੋਰਡ ਦੇ ਹੇਠਾਂ 2.5 kWh ਦੀ ਬੈਟਰੀ ਦਿੱਤੀ ਗਈ ਹੈ, ਜੋ 2.2 kW ਦੀ ਇਲੈਕਟ੍ਰਿਕ ਮੋਟਰ ਨੂੰ ਪਾਵਰ ਦਿੰਦੀ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਸਕੂਟਰ ਇੱਕ ਵਾਰ ਫੁੱਲ ਚਾਰਜ ਹੋਣ 'ਤੇ 113 ਕਿਲੋਮੀਟਰ ਤੱਕ ਦੀ ਰੇਂਜ ਦਿੰਦਾ ਹੈ। ਰੋਜ਼ਾਨਾ ਸ਼ਹਿਰੀ ਵਰਤੋਂ ਲਈ ਤਿਆਰ ਕੀਤੇ ਗਏ ਇਸ ਸਕੂਟਰ ਦੀ ਟਾਪ-ਸਪੀਡ 55 ਕਿਲੋਮੀਟਰ ਪ੍ਰਤੀ ਘੰਟਾ ਹੈ।

ਚਾਰਜਿੰਗ ਤੇ ਸਸਪੈਂਸ਼ਨ
 ਇਸ ਸਕੂਟਰ ਦੇ ਨਾਲ 750W ਦਾ ਆਫ-ਬੋਰਡ ਚਾਰਜਰ ਦਿੱਤਾ ਗਿਆ ਹੈ। ਬੈਟਰੀ ਨੂੰ 0 ਤੋਂ 80 ਪ੍ਰਤੀਸ਼ਤ ਤੱਕ ਚਾਰਜ ਹੋਣ ਵਿੱਚ 2 ਘੰਟੇ 25 ਮਿੰਟ ਦਾ ਸਮਾਂ ਲੱਗਦਾ ਹੈ, ਜਦਕਿ 4 ਘੰਟਿਆਂ ਤੋਂ ਵੀ ਘੱਟ ਸਮੇਂ ਵਿੱਚ ਇਹ 100 ਪ੍ਰਤੀਸ਼ਤ ਚਾਰਜ ਹੋ ਜਾਂਦਾ ਹੈ। ਬਿਹਤਰ ਸਵਾਰੀ ਲਈ ਇਸਦੇ ਫਰੰਟ ਵਿੱਚ ਟੈਲੀਸਕੋਪਿਕ ਫੋਰਕ ਅਤੇ ਪਿੱਛੇ ਡੁਅਲ ਸ਼ੌਕ ਐਬਜ਼ੋਰਬਰ ਦਿੱਤੇ ਗਏ ਹਨ।

ਆਧੁਨਿਕ ਫੀਚਰਸ ਨਾਲ ਲੈਸ 
ਚੇਤਕ C25 ਵਿੱਚ ਕਲਰ LCD ਡਿਸਪਲੇਅ ਦੇ ਨਾਲ ਸਮਾਰਟਫੋਨ ਕਨੈਕਟੀਵਿਟੀ ਦਿੱਤੀ ਗਈ ਹੈ, ਜਿਸ ਰਾਹੀਂ ਸਵਾਰੀ ਦੌਰਾਨ ਕਾਲ/SMS ਨੋਟੀਫਿਕੇਸ਼ਨ, ਟਰਨ-ਬਾਏ-ਟਰਨ ਨੇਵੀਗੇਸ਼ਨ ਅਤੇ ਮਿਊਜ਼ਿਕ ਕੰਟਰੋਲ ਵਰਗੀਆਂ ਸਹੂਲਤਾਂ ਮਿਲਦੀਆਂ ਹਨ। ਇਸ ਤੋਂ ਇਲਾਵਾ, ਇਸ ਵਿੱਚ ਹਿੱਲ ਹੋਲਡ ਅਸਿਸਟ ਫੀਚਰ ਵੀ ਹੈ, ਜਿਸ ਦੀ ਮਦਦ ਨਾਲ ਇਹ ਦੋ ਸਵਾਰੀਆਂ ਦੇ ਨਾਲ 19 ਪ੍ਰਤੀਸ਼ਤ ਤੱਕ ਦੀ ਚੜ੍ਹਾਈ ਆਸਾਨੀ ਨਾਲ ਚੜ੍ਹ ਸਕਦਾ ਹੈ।

ਮਜ਼ਬੂਤ ਮੈਟੈਲਿਕ ਬਾਡੀ ਤੇ ਆਕਰਸ਼ਕ ਰੰਗ 
ਇਹ ਭਾਰਤੀ ਬਾਜ਼ਾਰ ਦਾ ਅਜਿਹਾ ਇਲੈਕਟ੍ਰਿਕ ਸਕੂਟਰ ਹੈ ਜੋ ਪੂਰੀ ਮੈਟੈਲਿਕ ਬਾਡੀ ਨਾਲ ਆਉਂਦਾ ਹੈ। ਰੋਜ਼ਾਨਾ ਵਰਤੋਂ ਲਈ ਇਸ ਵਿੱਚ 25 ਲੀਟਰ ਦਾ ਬੂਟ ਸਪੇਸ ਅਤੇ 650 ਮਿਲੀਮੀਟਰ ਲੰਬੀ ਸੀਟ ਦਿੱਤੀ ਗਈ ਹੈ। ਗਾਹਕ ਇਸ ਨੂੰ 6 ਸ਼ਾਨਦਾਰ ਰੰਗਾਂ, ਰੇਸਿੰਗ ਰੈੱਡ, ਮਿਸਟੀ ਯੈਲੋ, ਓਸ਼ਨ ਟੀਲ, ਐਕਟਿਵ ਬਲੈਕ, ਓਪਲਸੈਂਟ ਸਿਲਵਰ ਅਤੇ ਕਲਾਸਿਕ ਵ੍ਹਾਈਟ ਵਿੱਚ ਖਰੀਦ ਸਕਦੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e