ਅੱਜ ਭਾਰਤ ''ਚ ਲਾਂਚ ਹੋਣਗੇ ਅਸੁਸ ਦੇ ਇਹ ਸ਼ਾਨਦਾਰ ਸਮਾਰਟਫੋਂਸ

 

ਜ਼ੈਨਫੋਨ 3 ਗੋਲਡ, ਬਲੂ, ਬਲੈਕ ਅਤੇ ਵਾਈਟ ਰੰਗਾਂ ''ਚ ਮਿਲੇਗਾ। ਇਸ ''ਚ ਕੋਰਨਿੰਗ ਗੋਰਿਲਾ ਗਲਾਸ ਕੋਟਿੰਗ ਦੋਵਾਂ ਪਾਸੇ ਮੌਜੂਦ ਹੈ।  ਇਹ ਐਲੂਮੀਨੀਅਮ ਫ੍ਰੇਮ ਦੇ ਨਾਲ ਪੇਸ਼ ਹੋਣਗੇ। ਜ਼ੈਨਫੋਨ 3 ''ਚ 5.5-ਇੰਚ ਦੀ LCD ਡਿਸਪਲੇ, ਸਨੈਪਡ੍ਰੈਗਨ 625 ਪ੍ਰੋਸੈਸਰ, 16 ਮੈਗਾਪਿਕਸਲ ਦਾ ਰਿਅਰ ਅਤੇ 8 ਮੈਗਾਪਿਕਸਲ ਦਾ ਫਰੰਟ ਫੇਸਿੰਗ ਕੈਮਰਾ ਵੀ ਮੌਜੂਦ ਹੋਵੇਗਾ। ਇਹ 3000mAh ਦੀ ਬੈਟਰੀ ਨਾਲ ਲੈਸ ਹੋਵੇਗਾ। ਇਸ ''ਚ ਇਕ ਫਿੰਗਰਪ੍ਰਿੰਟ ਸੈਂਸਰ, USB-C 2.0 ਪੋਰਟ, 4ਜੀ.ਬੀ. ਦੀ ਰੈਮ ਵੀ ਮੌਜੂਦ ਹੋਵੇਗੀ। ਸਟੋਰੇਜ ਨੂੰ ਮਾਈਕ੍ਰੋ SD ਕਾਰਡ ਰਾਹੀਂ 64ਜੀ.ਬੀ. ਤੱਕ ਵਧਾਇਆ ਵੀ ਜਾ ਸਕਦਾ ਹੈ। ਜ਼ੈਨਫੋਨ 3 ਦੀ ਕੀਮਤ 249$ (ਲਗਭਗ 16,755 ਰੁਪਏ) ਹੈ। 

 

ਜ਼ੈਨਫੋਨ 3 ਡੀਲਕਸ ਅਤੇ ਜ਼ੈਨਫੋਨ 3 ਅਲਟ੍ਰਾ ਮੇਟਲ ਬਾਡੀ ਨਾਲ ਪੇਸ਼ ਕੀਤੇ ਗਏ ਹਨ। ਜ਼ੈਨਫੋਨ 3 ਡੀਲਕਸ ਗ੍ਰੇ, ਸਿਲਵਰ ਅਤੇ ਗੋਲਡ ਰੰਗਾਂ ''ਚ ਆਉਂਦਾ ਹੈ। ਇਸ ''ਚ 5.7-ਇੰਚ ਦੀ 1080p OLED ਡਿਸਪਲੇ, ਸਨੈਪਡ੍ਰੈਗਨ 820 ਪ੍ਰੋਸੈਸਰ, 23 ਮੈਗਾਪਿਕਸਲ ਦਾ ਰਿਅਰ ਕੈਮਰਾ, USB-C 3.0 ਪੋਰਟ ਅਤੇ 6ਜੀ.ਬੀ. ਦੀ ਰੈਮ ਮੌਜੂਦ ਹੈ। ਇਸ ਦੀ ਕੀਮਤ 499$ (ਲਗਭਗ 33,577 ਰੁਪਏ) ਹੈ।  

 

ਜ਼ੈਨਫੋਨ 3 ਅਲਟ੍ਰਾ ''ਚ 6.8-ਇੰਚ ਦੀ LCD HD ਰੈਜ਼ੋਲਿਊਸ਼ਨ ਵਾਲੀ ਡਿਸਪਲੇ, ਸਨੈਪਡ੍ਰੈਗਨ 652 ਪ੍ਰੋਸੈਸਰ ਅਤੇ 4ਜੀ.ਬੀ. ਦੀ ਰੈਮ ਮੌਜੂਦ ਹੈ। ਇਹ 23 ਮੈਗਾਪਿਕਸਲ ਦੇ ਰਿਅਰ ਕੈਮਰੇ ਨਾਲ ਲੈਸ ਹੈ। ਇਸ ''ਚ USB-C 3.0 ਵੀ ਮੌਜੂਦ ਹੈ।