ਨੇਪਾਲੀ ਨੌਕਰਾਣੀ ਨੇ ਮਾਲਕਣ ਨੂੰ ਚਾਹ ''ਚ ਨਸ਼ੀਲੀ ਵਸਤੂ ਪਿਆ ਲੱਖਾਂ ਦੀ ਨਕਦੀ ਤੇ ਗਹਿਣੇ ਕੀਤੇ ਚੋਰੀ

ਮਲੋਟ (ਸ਼ਾਮ ਜੁਨੇਜਾ)- ਸ਼ੁੱਕਰਵਾਰ ਸ਼ਾਮ ਨੂੰ ਮਲੋਟ ਵਿਖੇ ਇਕ ਘਰ ਵਿਚ ਕੰਮ ਕਰਦੀ ਨੇਪਾਲੀ ਨੌਕਰਾਣੀ ਨੇ ਵੱਡੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਹੈ। ਉਕਤ ਨੌਕਰਾਨੀ ਨੇ ਘਰ ਦੀ ਮਾਲਕ ਅਤੇ ਦੂਜੀ ਕੰਮ ਵਾਲੀ ਨੂੰ ਚਾਹ ਵਿਚ ਨਸ਼ੀਲਾ ਪਦਾਰਥ ਪਾ ਕੇ ਬੇਹੋਸ਼ ਕਰ ਦਿੱਤਾ ਅਤੇ ਅਲਮਾਰੀ ਵਿਚ ਪਿਆ ਸੋਨਾ ਅਤੇ ਨਕਦੀ ਚੋਰੀ ਕਰ ਲਈ।  ਇਸ ਸਬੰਧੀ ਆੜ੍ਹਤੀ ਦਾ ਕੰਮ ਕਰਨ ਵਾਲੇ ਵਿਨੋਦ ਕੁਮਾਰ ਜੱਗਾ ਪੁੱਤਰ ਗਣਪਤ ਰਾਏ ਜੱਗਾ ਵਾਸੀ ਬਿਰਲਾ ਕਾਲੋਨੀ ਮਲੋਟ ਨੇ ਦੱਸਿਆ ਕਿ 10 ਦਿਨ ਪਹਿਲਾਂ ਉਨ੍ਹਾਂ ਘਰ ਵਿਚ ਇਕ ਨੇਪਾਲੀ ਨੌਕਰਾਣੀ ਰੱਖੀ ਸੀ। ਜੋ ਉਪਰਲੀ ਮੰਜ਼ਿਲ 'ਤੇ ਸਰਵੈਂਟ ਕੁਆਰਟਰ ਵਿਚ ਰਹਿੰਦੀ ਸੀ। ਉਸ ਵੱਲੋਂ ਮਾਲਕਾਂ ਨੂੰ ਦਿੱਤੇ ਆਪਣੇ ਸ਼ਨਾਖਤੀ ਕਾਰਡ ਵਿਚ ਨਾਮ ਅਰਪਿਤਾ ਲਿਖਿਆ ਹੈ। ਉਕਤ ਔਰਤ ਵੱਲੋਂ ਕੱਲ ਸਾਢੇ ਤਿੰਨ ਵਜੇ ਦੇ ਕਰੀਬ  ਛੱਤ 'ਤੇ ਬੈਠੀਆਂ ਉਸ ਦੀ ਪਤਨੀ ਅਤੇ ਦੂਜੀ ਨੌਕਰਾਣੀ ਨੂੰ ਚਾਹ ਦਿੱਤੀ। 

ਇਹ ਵੀ ਪੜ੍ਹੋ: ਪੰਜਾਬ 'ਚ 22 ਤੇ 24 ਫਰਵਰੀ ਲਈ ਹੋ ਗਿਆ ਵੱਡਾ ਐਲਾਨ! ਸੋਚ ਸਮਝ ਕੇ ਨਿਕਲਿਓ ਘਰੋਂ ਬਾਹਰ

ਚਾਹ ਵਿਚ ਕੋਈ ਨਸ਼ੀਲੀ ਵਸਤੂ ਹੋਣ ਕਰਕੇ ਦੋਵੇਂ ਔਰਤਾਂ ਬੇਹੋਸ਼ ਹੋ ਗਈਆਂ। ਨੌਕਰਾਣੀ ਨੇ ਅਲਮਾਰੀ ਵਿਚ ਕੱਪੜਿਆ ਵਿਚ ਪਈ ਚਾਬੀ ਨਾਲ 4 ਤੋਲਿਆਂ ਦੀਆਂ ਸੋਨੇ ਦੀਆਂ ਚੂੜੀਆਂ ਅਤੇ  7 ਲੱਖ ਰੁਪਏ ਨਕਦ ਚੋਰੀ ਕਰ ਲਈ। ਨੌਕਰਾਣੀ ਨੇ ਇਸ ਕੰਮ ਵਿਚ ਦੋ ਬਾਹਰੀ ਵਿਅਕਤੀਆਂ ਦੀ ਮਦਦ ਲਈ। ਜਿਸ ਸਬੰਧੀ ਸਾਰੀ ਘਟਨਾ ਸੀ. ਸੀ. ਟੀ. ਵੀ.ਕੈਮਰਿਆਂ ਵਿਚ ਕੈਦ ਹੋਈ। ਔਰਤ ਦੀ ਮਦਦ ਲਈ ਸਾਈਕਲ ਤੇ ਆਏ ਦੋ ਵਿਅਕਤੀਆਂ ਵਿਚੋਂ ਇਕ ਸਾਈਕਲ ਤੇ ਵਾਪਸ ਮੁੜ ਗਿਆ ਜਦਕਿ ਇਕ ਉਕਤ ਨੌਕਰਾਣੀ ਨਾਲ ਘਰ ਦੇ ਮਾਲਕ ਦੀ ਐਕਟਿਵਾ ਸਕੂਟੀ ਲੈ ਕੇ ਫਰਾਰ ਹੋ ਗਏ। 

ਇਸ ਸਬੰਧੀ ਕਰੀਬ ਅੱਧੇ ਘੰਟੇ ਬਾਅਦ ਮਾਲਕਿਨ ਨੂੰ ਥੋੜ੍ਹੀ ਹੋਸ਼ ਆਈ ਤਾਂ ਉਸ ਨੂੰ ਲੱਗਾ ਕਿ ਚੱਕਰ ਆ ਰਹੇ ਹਨ। ਜਿਸ ਨੇ ਦੂਜੀ ਨੌਕਰਾਣੀ ਨੂੰ ਮਦਦ ਨਾਲ ਥੱਲੇ ਲੈ ਕੇ ਜਾਣ ਲਈ ਕਿਹਾ ਤਾਂ ਉਸ ਨੇ ਕਿਹਾ ਕਿ ਉਸ ਨੂੰ ਵੀ ਚੱਕਰ ਆ ਰਹੇ ਹਨ। ਹਿੰਮਤ ਕਰਕੇ ਥੱਲੇ ਆ ਕੇ ਨੇਪਾਲੀ ਨੌਕਰਾਣੀ ਨੂੰ ਅਵਾਜ਼ਾਂ ਮਾਰੀਆਂ ਪਰ ਕੋਈ ਉਤਰ ਨਹੀਂ ਮਿਲਿਆ।ਇਸ ਤੋਂ ਬਾਅਤ ਵਿਨੋਦ ਜੱਗਾ ਦੀ ਪਤਨੀ ਨੇ ਅੰਦਰ ਕਮਰੇ ਵਿਚ ਵੇਖਿਆ ਤਾਂ ਸਾਮਾਨ ਖਿਲਰਿਆ ਪਿਆ ਸੀ। ਜਿਸ ਤੋਂ ਬਾਅਦ ਉਸ ਨੂੰ ਕਹਾਣੀ ਸਮਝ ਆਈ। ਉੁਸ ਨੇ ਫੋਨ ਕਰਕੇ ਆਪਣੇ ਪਤੀ ਨੂੰ ਜਾਣਕਾਰੀ ਦਿੱਤੀ। ਜਿਸ ਤੋਂ ਬਾਅਦ ਪਰਿਵਾਰ ਨੇ ਸਿਟੀ ਮਲੋਟ ਪੁਲਸ ਨੂੰ ਸੂਚਨਾ ਦਿੱਤੀ ਪਰ ਕਰੀਬ ਪੌਣੇ ਘੰਟੇ ਦੇ ਸਮੇਂ ਵਿਚ ਉਕਤ ਚੋਰ ਵਾਰਦਾਤ ਕਰਕੇ ਸ਼ਹਿਰ ਵਿਚੋਂ ਨਿਕਲ ਚੁੱਕੇ ਸਨ। ਘਰ ਦੇ ਮਾਲਕਾਂ ਵੱਲੋਂ ਸਰਵੈਟ ਵਾਲਾ ਦਿੱਤਾ ਫੋਨ ਬੰਦ ਹੋ ਗਿਆ। ਇਸ ਮਾਮਲੇ 'ਤੇ ਐੱਸ. ਐੱਚ. ਓ. ਸਿਟੀ ਮਲੋਟ ਹਰਪ੍ਰੀਤ ਸਿੰਘ ਦਾ ਕਹਿਣਾ ਹੈ ਕਿ ਪੁਲਸ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕਰ ਰਹੀ ਹੈ।

ਇਹ ਵੀ ਪੜ੍ਹੋ: ਪੰਜਾਬ ਦੇ ਹਾਈਵੇਅ 'ਤੇ ਟੂਰਿਸਟ ਬੱਸ ਤੇ ਟਰੱਕ ਦੀ ਭਿਆਨਕ ਟੱਕਰ! ਬੱਸ ਦੇ ਉੱਡੇ ਪਰਖੱਚੇ, ਪਿਆ ਚੀਕ-ਚਿਹਾੜਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e