ਸ਼ਿਲਪਾ ਸ਼ੈੱਟੀ ਨੇ ਲੈਕਮੇ ਫੈਸ਼ਨ ਵੀਕ ਬਲੈਕ ਐਂਡ ਵ੍ਹਾਈਟ ਸਾੜ੍ਹੀ ''ਚ ਕੀਤਾ ਰੈਂਪ ਵਾਕ

ਮੁੰਬਈ (ਏਜੰਸੀ)- ਅਦਾਕਾਰਾ ਸ਼ਿਲਪਾ ਸ਼ੈੱਟੀ FDCI ਨਾਲ ਸਾਂਝੇਦਾਰੀ ਵਿੱਚ ਲੈਕਮੇ ਫੈਸ਼ਨ ਵੀਕ ਦੇ ਤੀਜੇ ਦਿਨ ਬਲੈਕ ਐਂਡ ਵ੍ਹਾਈਟ ਸਾੜੀ ਵਿੱਚ ਰੈਂਪ ਵਾਕ ਕੀਤਾ। 'ਧੜਕਨ' ਅਦਾਕਾਰਾ ਨੇ ਡਿਜ਼ਾਈਨਰ ਮੁਹੰਮਦ ਮਜ਼ਹਰ ਦੇ ਫੈਸ਼ਨ ਸੰਗ੍ਰਹਿ, 'ਜਿਲਾ ਸਹਾਰਨਪੁਰ' ਨੂੰ ਹਾਈਲਾਈਟ ਕਰਨ ਲਈ ਰੈਂਪ ਵਾਕ ਕੀਤੀ, ਜੋ ਕਿ ਉਨ੍ਹਾਂ ਦੇ ਜੱਦੀ ਸ਼ਹਿਰ ਸਹਾਰਨਪੁਰ, ਉੱਤਰ ਪ੍ਰਦੇਸ਼ ਦੇ ਕਾਰੀਗਰਾਂ ਨੂੰ ਇੱਕ ਨਿਮਰ ਸ਼ਰਧਾਂਜਲੀ ਹੈ।

ਲੈਕਮੇ ਫੈਸ਼ਨ ਵੀਕ ਨੇ ਸ਼ਿਲਪਾ ਦੀ ਇੱਕ ਸੁੰਦਰ ਤਸਵੀਰ ਸਾਂਝੀ ਕੀਤੀ, ਜਿਸ ਵਿਚ ਉਹ ਵਿਸ਼ਵਾਸ ਨਾਲ ਰੈਂਪ ਵਾਕ ਕਰ ਰਹੀ ਸੀ। ਅਦਾਕਾਰਾ ਸਾੜੀ ਵਿੱਚ ਖੂਬਸੂਰਤ ਲੱਗ ਰਹੀ ਸੀ। ਉਨ੍ਹਾਂ ਨੇ ਆਪਣੇ ਆਊਟਫਿਟ ਨੂੰ ਬ੍ਰੈਸਲੇਟ ਅਤੇ ਹੋਰ ਗਹਿਣਿਆਂ ਨਾਲ ਕੰਪਲੀਟ ਕੀਤਾ। ਰੈਂਪ ਵਾਕ ਤੋਂ ਬਾਅਦ 'ਧੜਕਨ' ਅਦਾਕਾਰਾ ਨੇ ਡਿਜ਼ਾਈਨਰ ਮਜ਼ਹਰ ਦੇ ਸਹਾਰਨਪੁਰ ਦੇ ਕਾਰੀਗਰਾਂ ਨੂੰ ਆਪਣੇ ਫੈਸ਼ਨ ਸੰਗ੍ਰਹਿ ਰਾਹੀਂ ਸਨਮਾਨਿਤ ਕਰਨ ਦੇ ਉਪਰਾਲੇ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ 'ਜਿਲਾ ਸਹਾਰਨਪੁਰ' ਸੰਗ੍ਰਹਿ ਨੂੰ "ਪਾਵਰ ਡ੍ਰੈਸਿੰਗ" ਦੀ ਇੱਕ ਨਵੀਂ ਪਰਿਭਾਸ਼ਾ ਵਜੋਂ ਸ਼ਲਾਘਾ ਕੀਤੀ।

ਮੀਡੀਆ ਗੱਲਬਾਤ ਦੌਰਾਨ ਸ਼ਿਲਪਾ ਨੇ ਕਿਹਾ, "ਮੈਨੂੰ ਲੱਗਦਾ ਹੈ ਕਿ ਇਹ ਇੱਕ ਸ਼ਾਨਦਾਰ ਵਿਚਾਰ ਹੈ ਅਤੇ ਸਹਾਰਨਪੁਰ ਵਿੱਚ ਇਨ੍ਹਾਂ ਲੋਕਾਂ ਲਈ ਫੈਸ਼ਨ ਬਣਾਉਣ ਅਤੇ ਰੋਜ਼ੀ-ਰੋਟੀ ਲਈ ਇੱਕ ਵਧੀਆ ਪਹਿਲਕਦਮੀ ਹੈ। ਮੈਂ ਇਸ ਕਾਰਨ ਅਤੇ ਮੁਹੰਮਦ ਜਿਸ ਤਰ੍ਹਾਂ ਦਾ ਫੈਸ਼ਨ ਤਿਆਰ ਕਰਦਾ ਹੈ, ਉਸਦਾ ਪੂਰੀ ਤਰ੍ਹਾਂ ਸਮਰਥਨ ਕਰਦੀ ਹਾਂ, ਮੈਨੂੰ ਲੱਗਦਾ ਹੈ ਕਿ ਇਹ ਸੱਚਮੁੱਚ ਬਹੁਤ ਨਵੀਨਤਾਕਾਰੀ ਹੈ। ਲੱਕੜ ਨਾਲ ਕੰਮ ਕਰਨਾ ਬਹੁਤ ਔਖਾ ਹੈ, ਪਰ ਉਨ੍ਹਾਂ ਨੇ ਇਸਨੂੰ ਇੰਨਾਂ ਗਲੈਮਰਸ ਬਣਾ ਦਿੱਤਾ ਹੈ। ਇਸਨੇ ਪਾਵਰ ਡ੍ਰੈਸਿੰਗ ਨੂੰ ਇੱਕ ਨਵੀਂ ਪਰਿਭਾਸ਼ਾ ਦਿੱਤੀ ਹੈ।" ਇਸ ਦੌਰਾਨ, ਕੰਮ ਦੀ ਗੱਲ ਕਰੀਏ ਤਾਂ  ਸ਼ਿਲਪਾ ਨੂੰ ਆਖਰੀ ਵਾਰ ਵੈੱਬ ਸੀਰੀਜ਼ ਇੰਡੀਅਨ ਪੁਲਸ ਫੋਰਸ ਵਿੱਚ ਦੇਖਿਆ ਗਿਆ ਸੀ। ਰੋਹਿਤ ਸ਼ੈੱਟੀ ਦੁਆਰਾ ਨਿਰਦੇਸ਼ਤ ਇਸ ਸੀਰੀਜ਼ ਵਿੱਚ ਸਿਧਾਰਥ ਮਲਹੋਤਰਾ ਅਤੇ ਵਿਵੇਕ ਓਬਰਾਏ ਨੇ ਵੀ ਮੁੱਖ ਭੂਮਿਕਾਵਾਂ ਨਿਭਾਈਆਂ ਸਨ। ਇਸ ਸਾਲ ਦੇ ਸ਼ੁਰੂ ਵਿੱਚ ਐਮਾਜ਼ਾਨ ਪ੍ਰਾਈਮ ਵੀਡੀਓ 'ਤੇ ਸ਼ੋਅ ਦਾ ਪ੍ਰੀਮੀਅਰ ਹੋਇਆ ਸੀ। ਸ਼ਿਲਪਾ ਅਗਲੀ ਵਾਰ ਆਉਣ ਵਾਲੀ ਕੰਨੜ ਫਿਲਮ ਕੇਡੀ: ਦਿ ਡੇਵਿਲ ਵਿੱਚ ਦਿਖਾਈ ਦੇਵੇਗੀ।