ਜਦੋਂ Actress ਨੂੰ ਬਿਨਾਂ ਦੱਸੇ ਸ਼ੂਟ ਕੀਤਾ ਗਿਆ ਸੀ 'ਇੰਟੀਮੇਟ ਸੀਨ'! ਰੋਂਦੀ ਰਹੀ ਅਦਾਕਾਰਾ, ਪਰ ਬੰਦ ਨਹੀਂ ਹੋਇਆ ਕੈਮਰਾ

ਐਂਟਰਟੇਨਮੈਂਟ ਡੈਸਕ - ਹਿੰਦੀ ਸਿਨੇਮਾ ਦੀ ਦਿੱਗਜ ਅਦਾਕਾਰਾ ਰੇਖਾ ਅੱਜ ਭਾਵੇਂ ਬਾਲੀਵੁੱਡ ਦੀ ਸਭ ਤੋਂ ਖੂਬਸੂਰਤ ਅਤੇ ਸਟਾਈਲਿਸ਼ ਅਭਿਨੇਤਰੀਆਂ ਵਿੱਚੋਂ ਇੱਕ ਮੰਨੀ ਜਾਂਦੀ ਹੈ, ਪਰ ਉਨ੍ਹਾਂ ਦਾ ਫਿਲਮੀ ਸਫ਼ਰ ਇੰਨਾ ਸੌਖਾ ਨਹੀਂ ਸੀ। ਰੇਖਾ ਦੀ ਜ਼ਿੰਦਗੀ ਨਾਲ ਜੁੜਿਆ ਇੱਕ ਅਜਿਹਾ ਵਿਵਾਦ ਅੱਜ ਵੀ ਚਰਚਾ ਵਿੱਚ ਰਹਿੰਦਾ ਹੈ, ਜਦੋਂ ਇੱਕ ਫਿਲਮ ਦੇ ਸੈੱਟ 'ਤੇ ਉਨ੍ਹਾਂ ਨਾਲ ਅਜਿਹੀ ਹਰਕਤ ਹੋਈ ਕਿ ਉਹ ਘੰਟਿਆਂ ਬੱਧੀ ਰੋਂਦੀ ਰਹੀ ਸੀ।

ਇਹ ਵੀ ਪੜ੍ਹੋ: ਅੱਜ ਵਿਆਹ ਦੇ ਬੰਧਨ 'ਚ ਬੱਝਣਗੇ ਵਿਜੇ ਤੇ ਰਸ਼ਮਿਕਾ, ਸਾਹਮਣੇ ਆਈਆਂ ਖੂਬਸੂਰਤ ਤਸਵੀਰਾਂ

ਇਹ ਘਟਨਾ ਰੇਖਾ ਦੀ ਫਿਲਮ 'ਅੰਜਾਨਾ ਸਫਰ' ਦੀ ਸ਼ੂਟਿੰਗ ਦੌਰਾਨ ਵਾਪਰੀ ਸੀ। ਉਸ ਸਮੇਂ ਰੇਖਾ ਦੀ ਉਮਰ ਮਹਿਜ਼ 15 ਸਾਲ ਸੀ। ਫਿਲਮ ਦੇ ਨਿਰਦੇਸ਼ਕ ਰਾਜਾ ਨਵਾਥੇ ਅਤੇ ਨਿਰਮਾਤਾ ਕੁਲਜੀਤ ਪਾਲ ਨੇ ਇੱਕ ਰੋਮਾਂਟਿਕ ਸੀਨ ਦੀ ਯੋਜਨਾ ਬਣਾਈ ਸੀ, ਪਰ ਇਸ ਬਾਰੇ ਰੇਖਾ ਨੂੰ ਬਿਲਕੁਲ ਵੀ ਜਾਣਕਾਰੀ ਨਹੀਂ ਦਿੱਤੀ ਗਈ ਸੀ। ਸ਼ੂਟਿੰਗ ਸ਼ੁਰੂ ਹੁੰਦੇ ਹੀ ਅਚਾਨਕ ਫਿਲਮ ਦੇ ਹੀਰੋ ਬਿਸਵਜੀਤ ਚੈਟਰਜੀ ਨੇ ਰੇਖਾ ਨੂੰ ਫੜ ਕੇ ਕਿਸ ਕਰਨਾ ਸ਼ੁਰੂ ਕਰ ਦਿੱਤਾ। ਰੇਖਾ ਇਸ ਅਚਾਨਕ ਹੋਏ ਹਮਲੇ ਵਰਗੇ ਸੀਨ ਤੋਂ ਬੁਰੀ ਤਰ੍ਹਾਂ ਹੈਰਾਨ ਰਹਿ ਗਈ। ਹੈਰਾਨੀ ਦੀ ਗੱਲ ਇਹ ਸੀ ਕਿ ਨਿਰਦੇਸ਼ਕ ਨੇ 'ਕੱਟ' ਨਹੀਂ ਬੋਲਿਆ ਅਤੇ ਕੈਮਰਾ ਲਗਾਤਾਰ 5 ਮਿੰਟ ਤੱਕ ਚੱਲਦਾ ਰਿਹਾ। ਸੈੱਟ 'ਤੇ ਮੌਜੂਦ ਲੋਕ ਤਾੜੀਆਂ ਅਤੇ ਸੀਟੀਆਂ ਵਜਾ ਰਹੇ ਸਨ, ਪਰ ਰੇਖਾ ਦੀਆਂ ਅੱਖਾਂ ਵਿੱਚ ਹੰਝੂ ਸਨ। ਉਨ੍ਹਾਂ ਨੂੰ ਮਹਿਸੂਸ ਹੋ ਰਿਹਾ ਸੀ ਜਿਵੇਂ ਉਨ੍ਹਾਂ ਦਾ ਸ਼ੋਸ਼ਣ ਹੋਇਆ ਹੋਵੇ।

ਇਹ ਵੀ ਪੜ੍ਹੋ: ਸੰਜੈ ਲੀਲਾ ਭੰਸਾਲੀ ਨੂੰ ਆਇਆ ਹਾਰਟ ਅਟੈਕ ! ਜਾਣੋ ਅਸਲ ਸੱਚ

ਬਾਅਦ ਵਿੱਚ ਜਦੋਂ ਇਸ ਵਿਵਾਦ ਨੇ ਤੂਲ ਫੜਿਆ ਤਾਂ ਅਦਾਕਾਰ ਬਿਸਵਜੀਤ ਨੇ ਕਿਹਾ ਕਿ ਉਨ੍ਹਾਂ ਨੇ ਇਹ ਸਭ ਨਿਰਦੇਸ਼ਕ ਦੇ ਕਹਿਣ 'ਤੇ ਕੀਤਾ ਸੀ। ਦੂਜੇ ਪਾਸੇ ਨਿਰਮਾਤਾ ਕੁਲਜੀਤ ਪਾਲ ਦਾ ਦਾਅਵਾ ਸੀ ਕਿ ਰੇਖਾ ਨੂੰ ਇਸ ਸੀਨ ਬਾਰੇ ਸਭ ਪਤਾ ਸੀ। ਹਾਲਾਂਕਿ, ਰੇਖਾ ਨੇ ਹਮੇਸ਼ਾ ਇਹੀ ਕਿਹਾ ਕਿ ਉਹ ਇਸ ਸੀਨ ਲਈ ਪੂਰੀ ਤਰ੍ਹਾਂ ਤਿਆਰ ਨਹੀਂ ਸੀ। ਇਸ ਲੰਬੇ ਕਿਸਿੰਗ ਸੀਨ ਕਾਰਨ ਫਿਲਮ ਕਾਫੀ ਸਮਾਂ ਵਿਵਾਦਾਂ ਵਿੱਚ ਰਹੀ ਅਤੇ ਸੈਂਸਰ ਬੋਰਡ ਦੀਆਂ ਦਿੱਕਤਾਂ ਕਾਰਨ ਇਹ ਫਿਲਮ ਲਗਭਗ 10 ਸਾਲ ਬਾਅਦ 'ਦੋ ਸ਼ਿਕਾਰੀ' ਦੇ ਨਾਮ ਹੇਠ ਰਿਲੀਜ਼ ਹੋਈ ਸੀ।

ਇਹ ਵੀ ਪੜ੍ਹੋ: ਬ੍ਰੇਕਅੱਪ ਦਾ ਦਰਦ ਨਾ ਸਹਿ ਸਕੀ YouTuber, ਵਲੌਗਰ ਪ੍ਰੇਮੀ ਨਾਲ ਬਹਿਸ ਮਗਰੋਂ ਚੁੱਕ ਲਿਆ ਖੌਫਨਾਕ ਕਦਮ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e